ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓰᑦ ᑲᒥᓯᓇᖓᑕ ᑭᐅᔾᔪᑎᖓ
ᓄᓇᕗᑦ ᒐᕙᒪᒃᑯᑦ ᑭᐅᔾᔪᑎᖓ ᑭᖑᓪᓕᖅᐹᖅᓯᐅᑎᒧᑦ ᐅᓂᒃᑳᓕᐊᒧᑦ (Government of Nunavut Response to the Final Report) [PDF]
Related Links
- CRCC Final Report
February 28, 2023 - CRCC Interim Report
June 22, 2022 - RCMP Commissioner's Response
December 15, 2022 - ᖃᐅᔨᓴᖅᑏᑦ ᑭᖑᓪᓕᖅᐹᖓᑦ ᐅᓂᒃᑳᓕᐊᖏᓐᓂᑦ
ᕕᕝᕗᐊᕆ 28, 2023 - ᐅᓂᒃᑳᓕᐊᖑᑲᐃᓐᓇᖅᑐᖅ
ᔪᓂ 22, 2022
ᔪᓂ 15, 2022
ᒥᔅ ᒥᓯᐅᓚᐃᓐ ᓚᕼᐊᐃ
ᐃᒃᓯᕙᐅᑕᖅ
ᓄᓇᓕᕐᒥᐅᑕᒥᑦ ᕿᒥᕐᕈᔩᑦ ᐊᒻᒪ ᐊᑲᐅᖏᓕᐅᕈᑎᐅᔪᓂᑦ ᖃᐅᔨᓴᖅᑏᑦ ᐅᑯᓄᖓ ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP)
ᑎᑎᖅᑲᖃᐅᑎᖓ 1722, ᑎᑎᖅᑲᖃᕐᕕᒃ "B"
ᐋᑐᕚ, ᐋᓐᑎᐅᕆᐅ
ᒥᔅ ᓚᕼᐊᐃᖓᐃ:
ᐱᔭᕇᕐᓯᒪᓕᖅᑕᒃᑲ ᕿᒥᕐᕈᐊᖅᑕᒃᑲ ᖃᐅᔨᓴᖅᑏᑦ ᐅᓂᒃᑳᓕᐊᕆᑲᐃᓐᓇᖅᑕᖏᓐᓂᑦ ᐱᔾᔪᑎᖃᖅᑐᑦ ᐃᑦᓯᕙᐅᑕᕐᒧᑦ-ᐱᒋᐊᖅᑎᑕᐅᓯᒪᔪᖅ ᐊᑲᐅᖏᓕᐅᕈᑎᐅᔪᖅ ᐊᒻᒪ ᑭᒃᑯᑐᐃᓐᓇᕐᓄᑦ ᑐᓴᐅᒪᔭᐅᔪᒪᔪᒥᑦ ᖃᐅᔨᓴᕐᓂᕐᒥᑦ ᐱᓕᕆᔾᔪᑎᒥᓂᖏᑦ ᐱᔾᔪᑎᐅᓗᑎᒃ ᕈᐊᐃᐅᓐ ᐱᓕᕆᔾᔪᑎᒥᓂᖏᓐᓂᑦ ᕈᐊᐃᐅᓐ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᑦ ᐱᓕᕆᔾᔪᑎᖃᖅᑎᓪᓗᒋᑦ ᐃᓄᒻᒥᑦ ᑭᖕᖓᕐᓂ, ᓄᓇᕗᑦ ᔪᓂ 1-ᖑᑎᓪᓗᒍ, 2020, ᐱᓕᕆᔾᔪᑎᐅᑉ ᓈᓴᐅᑎᖓ, PC- 2020-1663.
ᐅᑯᐊ ᐃᓗᐊᓃᑦᑐᑦ ᑕᑯᓂᐊᖅᑕᑎᑦ ᑭᐅᔾᔪᑎᒃᑲ ᐅᓂᒃᑳᓕᐊᒧᑦ ᒪᓕᑦᑐᒋᑦ ᑎᑎᕋᕐᓯᒪᕕᒻᒦᑦᑐᑦ 45.72(1), ᐅᕙᓂ ᕈᐊᐃᐅᓐ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᑦ ᒪᓕᒐᖅ.
ᐱᔪᒥᓂᐅᓂᕋᖅᐸᒃᑲ ᖃᐅᔨᓴᖅᑏᑦ ᐅᓂᒃᑳᓕᐊᕆᓯᒪᔭᖏᑦ ᐱᔾᔪᑎᒋᓪᓗᒍ ᐃᑦᓯᕙᐅᑕᕐᒧᑦ-ᐱᒋᐊᖅᑎᑕᐅᓯᒪᔪᖅ ᐊᑲᐅᖏᓕᐅᕈᑎᐅᔪᖅ ᐊᒻᒪ ᑭᒃᑯᑐᐃᓐᓇᕐᓄᑦ ᑐᓴᐅᒪᔭᐅᔪᒪᔪᒥᑦ ᖃᐅᔨᓴᕐᓂᕐᒥᑦ ᐱᓕᕆᔾᔪᑎᒥᓂᖏᑦ ᐱᔾᔪᑎᐅᓗᑎᒃ ᕈᐊᐃᐅᓐ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᑦ ᐱᓕᕆᐊᖃᖅᑎᓪᓗᒋᑦ ᐃᓄᒻᒥᑦ ᑭᖕᖓᕐᓂ, ᓄᓇᕗᑦ ᔪᓂ 1-ᖑᑎᓪᓗᒍ, 2020.
ᐱᔭᕇᕐᓯᒪᓕᖅᑕᕋ ᕿᒥᕐᕈᓂᐅᔪᖅ ᑕᒪᓐᓇ ᐱᓪᓗᒍ ᐱᔾᔪᑎᒋᓪᓗᒋᑦ ᐃᓱᒪᓕᐅᕆᔾᔪᑎᐅᓯᒪᔪᑦ ᐊᒻᒪ ᐊᑐᖁᔭᐅᓯᒪᔪᑦ ᓇᓗᓇᐃᔭᖅᑕᐅᓯᒪᔪᑦ ᖃᐅᔨᓴᖅᑏᑦ ᐅᓂᒃᑳᕆᑲᐃᓐᓇᖅᑕᖏᓐᓂ. ᐊᑲᐅᖁᓪᓗᒍ ᖃᐅᔨᒋᐊᕐᓂᐅᔪᖅ, ᐱᔭᑦᓴᓕᐅᕈᑎᒃᑲ ᐱᓪᓗᐊᑕᖏᒍᑦ ᓇᓗᓇᐃᔭᕐᓯᒪᔪᑦ ᑕᓪᓕᖅᐱᐊᓂ ᐅᑯᐊ ᓇᓗᓇᐃᔭᐃᑏᑦ.
| ᖃᐅᔨᔭᐅᔪᑦ | |
|---|---|
ᖃᐅᔨᔭᐅᔪᖅ 1: ᓈᒻᒪᑦᑐᖃᓚᐅᖅᑐᖅ ᐃᓱᒪᒋᔭᐅᔪᓂᑦ A.B. ᓱᕋᐃᔪᕕᓂᐅᓂᖓᓄᑦ ᒪᓕᒐᕐᒥᑦ ᐸᕝᕕᓴᐃᓗᓂ, ᐊᒻᒪ ᓈᒻᒪᓚᐅᕐᒪᑦ ᑳᓐᔅᑕᐳᓪ ᑭᐅᓕᖕ ᑎᒍᓪᓗᓂᐅᒃ ᑕᐃᑦᓱᒧᖓ ᓱᕋᐃᓯᒪᓂᖓᓄᑦ ᒪᓕᒐᕐ |
ᐊᖏᖃᑎᖃᖅᑐᖅ |
ᖃᐅᔨᔭᐅᔪᖅ 2: ᓈᒻᒪᓚᐅᖅᑐᖅ ᑳᓐᔅᑕᐳᓪ ᑭᐅᓕᖕ ᐊᒻᒪ ᐊᓯᖏᓐᓄᑦ ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᓄᑦ ᑎᒍᓯᔪᕕᓂᐅᓂᖏᓐᓂᑦ A.B.-ᒥᑦ ᕿᓚᒥᐅᔫᒥᔪᖅ. |
ᐊᖏᖃᑎᖃᖅᑐᖅ |
ᖃᐅᔨᔭᐅᔪᖅ 3: ᓇᓗᓇᐃᔭᐃᑏᑦ ᓇᓗᓇᐃᕐᓯᓯᒪᖏᑦᑐᑦ ᑳᓐᔅᑕᐳᓪ ᑭᐅᓕᖕ ᐊᐳᕐᓯᓇᓱᐊᖅᑐᒥᓂᐅᓂᖓᓄᑦ A.B.-ᒥᑦ ᐸᓖᓯᒃᑯᑦ ᓄᓇᒃᑰᔫᖓᑕ ᒪᑐᐊᓄᑦ. ᑭᓯᐊᓂ, ᐊᑐᐃᓐᓇᐅᔪᑦ ᑐᑭᓯᒋᐊᕈᑎᐅᔪᑦ ᓇᓗᓇᐃᔭᐃᓯᒪᔪᑦ ᑕᒪᓐᓇ ᐱᕐᕈᓗᐊᕿᔾᔪᑎᐅᓐᓂᕐᒪᑦ ᐊᑐᖅᑕᐅᔪᕕᓂᐅᓗᓂ ᐱᔾᔪᑎᒋᓪᓗᒍ ᐸᓖᓯᒃᑯᑦ ᓄᓇᒃᑰᔫᖓᑦ ᓯᕗᒧᑦ ᐃᖏᕐᕋᓯᑲᓪᓚᓂᕐᒪᑦ ᐱᔾᔪᑎᒋᓪᓗᒍ ᐊᑐᕆᐊᑉ ᐱᐅᓗᐊᓚᐅᖏᓐᓂᖓ ᓄᖅᑲᕋᓱᑦᑐᒥᓂᐅᑎᓪᓗᒋᑦ ᖃᓂᒋᔮᓄᑦ A.B. |
ᐊᖏᖃᑎᖃᖅᑐᖅ |
ᖃᐅᔨᔭᐅᔪᖅ 4: ᐊᑕᓇᓚᐅᕐᒪᑦ ᐊᒻᒪ ᓈᒻᒪᒐᓂ ᑳᓐᔅᑕᐳᓪ ᑭᐅᓕᖕ ᐊᖁᓐᓂᐊᕐᓂᕈᓂ ᖃᓂᒋᓗᐊᕐᓗᓂᐅᒃ A.B. ᐊᑐᕆᐊᑦᑕᖓ ᖁᐊᓴᐅᑎᓪᓗᒍ ᐱᐅᓗᐊᕋᓂ. ᑳᓐᔅᑕᐳᓪ ᑭᐅᓕᖕ ᐅᓗᕆᐊᓇᑐᐃᓐᓇᕆᐊᓕᓐᓂᑦ ᖃᐅᔨᓴᑦᓯᐊᕆᐊᖃᖅᑐᒥᓂᐅᒐᓗᐊᖅ ᐃᓱᒪᒋᓪᓗᒍ ᖃᓄᐃᑦᑑᓂᖓ ᐊᑐᕆᐊᑉ ᐊᒻᒪ ᐊᓯᖏᑦ ᐊᑑᑎᖃᐅᖅᑐᑦ ᐱᔾᔪᑎᐅᓯᒪᔪᑦ. |
ᐊᖏᖃᑎᖃᖅᑐᖅ |
ᖃᐅᔨᔭᐅᔪᖅ 5: ᖃᐅᔨᓴᖅᑏᑦ ᓈᒻᒪᓴᖅᑐᑦ ᓈᒻᒪᑦᑐᓂᑦ ᐋᖅᑭᒋᐊᕈᑎᑦᓴᓂᑦ ᐱᓕᕆᐊᖃᓚᐅᕐᒪᑕ ᐱᔾᔪᑎᒋᓪᓗᒍ ᑳᓐᔅᑕᐳᓪ ᑭᐅᓕᖕ ᐊᖁᓐᓂᕆᓚᐅᖅᑕᖓ ᐊᒻᒪ ᐊᓯᐊᒍᑦ ᖃᓄᐃᓕᐅᕈᑎᐅᒋᐊᖃᕈᓐ |
ᐊᖏᖃᑎᖃᖅᑐᖅ |
ᖃᐅᔨᔭᐅᔪᖅ 6: ᐱᔾᔪᑎᒋᓪᓗᒋᑦ A.B. ᖁᓄᓚᐅᕐᓂᖓ ᐊᒻᒪ ᐱᒋᐊᕐᓂᐅᓴᓚᐅᕐᓂᖓ, ᐊᑐᕆᐊᖃᓚᐅᖅᑐᑦ ᐊᒻᒪ ᓈᒻᒪᓚᐅᖅᑐᓂ ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᑦ ᐊᑐᖅᑐᒥᓂᐅᓂᖓ ᐊᑦᓱᕈᖅᑐᑎᒃ ᑎᒍᔭᐅᑎᓪᓗᒍ. ᐊᑦᓱᕈᓐᓂᐅᓚᐅᖅᑐᖅ ᐊᑐᖅᑕᐅᓚᐅᖅᑐᖅ ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᓐᓄᑦ ᓈᒻᒪᓚᐅᖅᑐᖅ A.B. ᐱᐅᓯᖓ ᐱᓪᓗᒍ, ᐊᒻᒪ ᓈᒻᒪᓚᐅᖅᑐᓂ ᐃᓱᒪᒋᓪᓗᒋᑦ ᖃᓄᐃᒍᓕᖓᒍᑎᐅᓚᐅᖅᑐᑦ. |
ᐊᖏᖃᑎᖃᖅᑐᖅ |
ᖃᐅᔨᔭᐅᔪᖅ 7: A.B. ᑐᑭᖃᑦᓯᐊᑐᒃᑯᑦ ᑐᓴᖅᑎᑕᐅᓚᐅᖏᑦᑐᖅ ᖃᐅᔨᒋᐊᕈᓐᓇᕐᓂᖓᓂᑦ ᒪᓕᒐᓕᕆᔨᓂᑦ ᐊᒻᒪ ᐱᕕᖃᖅᑎᑕᐅᓚᐅᕋᓂ ᖃᐅᔨᒋᐊᕐᓂᕐᒥᑦ ᒪᓕᒐᓕᕆᔨᓂᑦ ᐋᖓᔮᕈᓐᓃᑎᓪᓗᒍ ᑎᒍᔭᐅᒪᕕᒻᒥ. |
ᐊᖏᖃᑎᖃᖅᑐᖅ |
ᖃᐅᔨᔭᐅᔪᖅ 8: ᖃᐅᔨᒪᓂᕋᕋᓗᐊᖅᑐᑎᒃ ᐊᑦᑕᓇᔾᔭᐃᕐᓯᒪᒋᐊᖃᖅᐸᓐᓂᖏᓐᓂᑦ ᑎᒍᔭᐅᖅᑲᔪᑦ ᐊᒻᒪ ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᑦ ᐱᒻᒪᕆᐅᓘᒐᓗᐊᖅᑎᓪᓗᒍ, ᖃᐅᔨᓴᖅᑏᑦ ᐅᖃᕆᐊᒃᑲᓐᓂᖅᑐᑦ ᐊᓐᓄᕌᖃᖏᑦᑐᓂᑦ ᕿᓂᕐᕕᖃᕐᓂᐅᔪᖅ ᐊᑐᖅᑕᐅᒋᐊᖃᖏᒻᒪᑦ ᐱᓕᕆᔾᔪᑎᐅᒐᔪᓪᓗᑎᒃ. |
ᐊᖏᖃᑎᖃᖅᑐᖅ |
ᖃᐅᔨᔭᐅᔪᖅ 9: ᑕᕝᕙᓂᓕ, ᓈᒻᒪᓚᐅᖅᑐᖅ, ᐊᒻᒪ ᐊᑲᐅᓂᖅᐹᖑᓪᓗᓂ ᐊᑦᑕᓇᖅᑐᒦᖁᓇᒍ A.B., ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᑦ A.B.-ᒥᑦ ᐊᓐᓄᕋᐃᔭᐃᑎᓪᓗᒋᑦ ᖃᐅᓯᐅᓚᐅᖅᑐᓂᑦ. |
ᐊᖏᖃᑎᖃᖅᑐᖅ |
ᖃᐅᔨᔭᐅᔪᖅ 10: ᐊᑦᑕᓇᖅᑐᒦᖁᓇᒋᑦ ᐃᓘᓐᓇᑎᒃ ᐱᓕᕆᖃᑕᐅᓚᐅᖅᑐᑦ, ᓈᒻᒪᓚᐅᖅᑐᖅ ᖃᑦᓯᐅᓚᐅᖅᑐᑦ ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᑦ ᐱᖃᑕᐅᑎᓪᓗᒋᑦ ᕿᓂᕐᕕᖃᕐᓂᕐᒥᑦ. |
ᐊᖏᖃᑎᖃᖅᑐᖅ |
ᖃᐅᔨᔭᐅᔪᖅ 11: A.B. ᐱᑎᑕᐅᒋᐊᓕᒥᓂᐅᒐᓗᐊᖅ ᕿᐲᓐᓂᒃ ᐅᕝᕙᓘᓐᓃᑦ ᐅᓕᑦᓴᒥᑦ, ᐱᑎᑕᐅᒍᓐᓇᕐᓂᕈᓂ ᐊᑦᑕᓇᔾᔭᐃᕐᓯᒪᓗᑎᒃ, ᐱᓗᐊᖅᑐᒥ ᐱᔾᔪᑎᐅᓚᐅᖅᑐᖅ ᐱᓪᓗᒍ ᐊᓐᓄᕋᐃᔭᖅᑎᑕᐅᓚᕿᓚᐅᕐᓂᖓ A.B. ᐊᑦᑕᓇᖅᑐᒦᖁᓇᒍ ᕿᐅᓗᐊᖁᔭᐅᒐᓂ. |
ᐊᖏᖃᑎᖃᖅᑐᖅ |
ᖃᐅᔨᔭᐅᔪᖅ 12: ᐃᓘᓐᓇᖏᒍᑦ, ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᑦ ᐊᑦᓱᕈᕐᓂᕆᓚᐅᖅᑕᖓᑦ A.B. ᕿᓂᕐᕕᐅᑎᓪᓗᒍ ᓈᒻᒪᓚᐅᖅᑐᖅ. ᑕᐃᒪᐃᒃᑲᓗᐊᖅᑎᓪᓗᒍ, ᖃᐅᔨᓴᖅᑏᑦ ᐅᔾᔨᕈᓱᒋᐊᖁᔨᔪᑦ ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᓐᓂᑦ ᐊᑐᖁᔭᐅᕙᑦᑐᑎᑦ ᐊᑦᓱᕈᓗᐊᖅᐸᖏᓪᓗᑎᒃ ᖃᖓᑐᐃᓐᓇᒃᑯᑦ. |
ᐊᖏᖃᑎᖃᖅᑐᖅ |
ᖃᐅᔨᔭᐅᔪᖅ 13: ᓈᒻᒪᓚᐅᖅᑐᖅ ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᑦ (RCMP) ᐸᓖᓯᒃᑯᑦ ᕿᓂᓚᐅᖏᒻᒪᑕ ᐋᓐᓂᐊᔪᓕᕆᔭᐅᖁᓪᓗᒍ A.B. ᑎᒍᔭᐅᓚᐅᖅᑎᓪᓗᒍ, ᐅᐱᓐᓇᕋᓂ ᓱᓇᑕᖃᖏᑦᑐᖅ ᐋᓐᓂᐊᔪᓕᕆᔨᓄᑦ ᐅᐸᑦᑕᐅᒋᐊᖃᕐᒪᖔᖅ ᑕᐃᑦᓱᒪᓂᐅᓚᐅᖅᑐᖅ. |
ᐊᖏᖃᑎᖃᖅᑐᖅ |
ᖃᐅᔨᔭᐅᔪᖅ 14: ᐃᓂᖃᑦᑎᐊᖏᓐᓂᖅ ᑎᒍᔭᐅᒪᔪᓄᑦ ᓴᖅᑮᓯᒪᓚᐅᖅᑐᖅ ᐊᑦᑕᓇᖅᑐᒥᑦ ᐊᕙᑎᖃᓕᕐᓂᖏᓐᓂᑦ ᑎᒍᔭᐅᒪᔪᑦ, ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᑦ (RCMP) ᐸᓖᓯᒃᑯᑦ, ᐊᒻᒪ ᑎᒍᔭᐅᒪᕕᒻᒥ ᐃᖅᑲᓇᐃᔭᖅᑏᑦ. |
ᐊᖏᖃᑎᖃᖅᑐᖅ |
ᖃᐅᔨᔭᐅᔪᖅ 15: ᐱᓪᓗᒍ J.J. ᓴᓗᒻᒪᓴᖅᑕᐅᓚᐅᖏᓐᓂᖓ ᓯᕗᓂᐊᒍᑦ ᐃᓪᓗᕈᓯᕐᒨᖅᑕᐅᓚᐅᖏᓐᓂᖓᓂ ᑎᒍᔭᐅᒪᕕᒻᒥ ᐱᓗᖅᑯᑎᖃᓗᐊᓚᐅᕐᒥᔪᖅ ᐃᒪᖃᖏᓐᓂᖓᓂᑦ ᐃᓪᓗᕈᓯᐅᑉ ᐱᓪᓗᒍ ᓱᕋᑦᓯᒪᔪᖅ ᐅᐊᓴᕐᕕᒃ, ᐊᑐᖅᑕᐅᓕᖅᑐᓂ ᓈᒻᒪᖏᑦᑐᒻᒪᕆᐅᔪᖅ ᖃᓄᐃᓕᖓᒍᑎᐅᓕᓚᐅᖅᑐᖅ ᑎᒍᔭᐅᒪᔪᖅ ᐊᑐᓕᖅᑭᖅᑖᓚᐅᕐᓂᖓ ᐃᒥᕐᒥᒃ ᖁᕝᕕᒻᒥᒃ ᐊᑲᐅᓯᔾᔪᑎᒋᓇᓱᐊᖅᑐᓂᐅᒃ ᐊᑲᐅᔪᓐᓃᕈᑎᒥᓂᒃ. ᑕᒪᐅᓇ ᓴᖅᑮᔪᖅ ᐱᒻᒪᕆᐅᔪᓂᑦ ᐃᓗᓯᒃᑯᑦ ᐊᒻᒪ ᐊᑦᑕᓇᔾᔭᐃᕐᓯᒪᓂᒃᑯᑦ ᐃᓱᒫᓘᑎᐅᔪᓂᑦ, ᐊᒻᒪ ᐃᑲᔫᑎᖃᖅᑐᓂ ᐊᖏᓪᓕᑎᒋᐊᕆᓂᕐᒥᑦ ᐅᓗᕆᐊᓇᕈᓐᓇᖅᑐᓂᑦ A.B.-ᒧᑦ ᑕᕝᕗᖓᑦᓴᐃᓐᓇᖅ ᐃᓪᓗᕈᓯᕐᒨᖅᑕᐅᓗᓂ ᓇᔪᖅᑕᖓᓄᑦ J.J. |
ᐊᖏᖃᑎᖃᖅᑐᖅ |
ᖃᐅᔨᔭᐅᔪᖅ 16: ᒪᓕᑦᑐᒋᑦ ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᑦ (RCMP) ᐸᓖᓯᒃᑯᑦ ᐊᑐᐊᒐᖓᑦ, J.J. ᐱᑎᑕᐅᒋᐊᓕᒥᓂᖅ ᐃᒥᕐᒥᒃ ᓴᓗᒻᒪᕐᓴᐃᑎᑦᓴᒥᑦ, ᐱᓗᐊᖅᑐᒥ ᓇᓗᓇᖅᑎᓐᓇᒍ ᐊᑲᐅᔪᓐᓃᕐᓯᒪᓂᖓ. |
ᐊᖏᖃᑎᖃᖅᑐᖅ |
ᖃᐅᔨᔭᐅᔪᖅ 17: ᓈᒻᒪᓚᐅᖏᑦᑐᖅ ᐃᔩᓐᓂᒃ ᓴᓗᒻᒪᕐᓴᐃᑎᖃᕐᕕᐅᔪᖅ ᐃᒪᖃᓚᐅᖏᓐᓂᖓᓄᑦ ᐊᒻᒪ ᐃᓂᖃᖅᑎᑕᐅᓂᖓ ᐊᑲᐅᖏᑦᑐᕖᖔᓗᒻᒥ. |
ᐊᖏᖃᑎᖃᖅᑐᖅ |
ᖃᐅᔨᔭᐅᔪᖅ 18: ᓈᒻᒪᓚᐅᖏᑦᑐᖅ ᐅᐊᓴᕐᕕᖓ ᐃᓪᓗᕈᓯᐅᑉ 3 ᐃᑉᐱᒋᔭᐅᓚᐅᖏᓐᓂᖓ ᐱᔪᓐᓇᑎᓐᓇᒍ, ᐊᑯᓂᐅᑎᒋᔪᖅ ᒪᕐᕉᒻᒪᕇᓐᓂᒃ (2) ᐊᕐᕌᒎᓐᓂᒃ. |
ᐊᖏᖃᑎᖃᖅᑐᖅ |
ᖃᐅᔨᔭᐅᔪᖅ 19: ᐅᐱᓐᓇᕋᓂᐅᒐᓗᐊᖅ ᓇᓗᓇᓚᐅᖏᒻᒪᑦ ᑕᕝᕗᖓᑦᓴᐃᓐᓇᖅ ᐃᓪᓗᕈᓯᕐᒨᖅᑕᐅᒻᒪᑎᒃ J.J. ᐊᒻᒪ A.B. ᓴᖅᑭᖅᑐᖃᓚᐅᕋᒥ ᖁᕕᐊᓇᖏᑦᑐᒥᑦ. ᐃᓪᓗᕈᓯᕐᒨᖅᑕᐅᓂᖏᒃ J.J. ᐊᒻᒪ A.B. ᐊᑕᐅᑦᑎᒃᑯᑦ ᓴᖅᑮᓚᐅᖅᑐᑦ ᐊᑦᓱᐊᓘᖅᑐᒥᑦ ᐋᓐᓂᕐᓯᔪᖃᓕᖅᑐᓂ. |
ᐊᖏᖃᑎᖃᖏᑦᑐᖅ |
ᐃᑉᐱᒋᑦᓯᐊᖅᑐᒍ ᐊᖏᖃᑎᒋᖏᑕᒃᑲ ᖃᐅᔨᓴᖅᑏᑦ ᐃᓱᒪᒋᔭᖏᑦ ᑕᒪᓐᓇ ᐱᓪᓗᒍ. ᐅᕙᖓ ᑕᑯᓐᓇᖅᑕᖓᒍᑦ, ᐅᓇ ᐃᓱᒪᒋᔭᐅᔪᖅ ᐃᓱᒪᒋᔭᖃᖏᒻᒪᑦ ᑐᑭᓯᒋᐊᕈᑎᐅᔪᓂᑦ ᖃᐅᔨᒪᔭᐅᔪᓂᑦ ᐃᓚᒋᔭᐅᔪᓄᑦ ᑕᐃᑦᓱᒪᓂ ᑕᒪᓐᓇ ᐊᑐᖅᑕᐅᑎᓪᓗᒍ ᐊᒻᒪ ᓈᒻᒪᑐᒃᑯᑦ ᐃᓱᒪᑦᓴᕐᓯᐅᕈᑎᖃᕋᑎᒃ ᓇᓖᕌᕈᑎᐅᔪᓂᑦ ᐊᑐᐃᓐᓇᕆᓚᐅᖅᑕᖏᓐᓂᑦ. ᐊᓯᐊᒍᑦ ᐅᖃᐅᓯᕆᓪᓗᒍ, ᑕᒪᓐᓇ ᐃᓱᒪᒋᔭᐅᔪᓂᑦ ᐅᖃᐅᓯᐅᔪᑦ ᑎᑭᑕᐅᔪᓐᓇᖅᑐᖅ ᑭᓯᐊᓂ ᐃᑲᔫᑎᖃᕐᓗᑎᒃ ᑕᑯᓕᑕᐃᓐᓇᕐᓯᒪᓂᕐᒥᑦ.
ᐋᖓᔮᖅᑐᑦ ᑭᒃᑯᑐᐃᓐᓇᐃᑦ ᐊᑕᐅᑦᓯᒥ (1) ᐃᓪᓗᕈᓯᕐᒦᑎᑕᐅᓲᖑᔪᑦ ᕈᐊᐃᐅᓐ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᑦ ᑎᒍᔭᐅᒪᕕᖏᓐᓂ ᑲᓇᑕᒥ ᓇᒥᑐᐃᓐᓇᖅ, ᖃᓄᐃᓕᐅᖅᑐᖃᓚᐅᕐᓯᒪᒐᓂ ᖃᐅᑕᒫᕈᔪᒃ. ᐅᖃᐅᓯᐅᔪᑦ ᐃᓚᒋᔭᐅᔪᑦ ᖃᐅᔨᒪᓚᐅᖏᑦᑐᑦ ᖃᖓᒃᑯᑦ ᐱᒋᐊᖃᑦᑕᐅᑎᓚᐅᕐᓯᒪᒻᒪᖔᑎᒃ A.B. ᐊᒻᒪ J.J. ᓯᕗᓂᐊᓂ ᔪᓂ 1, 2020. ᑳᓐᔅᑕᐳᓪ ᑭᐅᓕᖕ ᐅᖃᓚᐅᖅᑐᖅ ᐅᖃᐅᑎᑦᓴᖏᓐᓂ "[ᖃ]ᖓᑐᐃᓐᓇᖅ ᓇᓗᓇᐃᕐᓯᓚᐅᕐᓯᒪᖏᑦᑑᒃ ᐊᑲᐅᖏᓕᐅᕈᑎᖃᕐᓂᕐᒥᓂᒃ [J.J.] ᐊᒻᒪ [A.B.]." Footnote 1 ᑕᒪᒃᑯᐊᖑᑎᓪᓗᒋᑦ ᖃᓄᐃᓕᖓᒍᑎᐅᔪᑦ, ᐱᔭᕆᐊᑐᔪᖅ ᖃᓄᖅ ᐃᓱᒪᒋᔭᕆᐊᑦᓴᖅ ᓈᒻᒪᑐᒃᑯᑦ ᓇᓗᓇᓚᐅᖏᓐᓂᖓᓄᑦ J.J. ᐱᒋᐊᕐᓯᒐᔭᕐᓂᖓᓂᑦ A.B.-ᒥᑦ ᑕᐃᒫᒃ ᐱᒋᐊᓚᐅᕐᒪᒍ.
ᑭᖕᖓᐃᑦ ᑎᒍᔭᐅᒪᕕᖓᑦ ᖁᓕᓂᒃ (10) ᐃᓪᓗᕈᓯᕐᓂᑦ ᑎᒍᔭᐅᒪᕕᖃᕋᓗᐊᕈᓂ ᒪᓕᑦᑐᒋᑦ ᐊᑐᖁᔭᐅᓯᒪᔪᑦ ᖃᐅᔨᓴᖅᑎᓄᑦ ᑎᓴᒪᑐᐃᓐᓇᐅᖏᓪᓗᑎᒃ (4), ᐱᔭᑦᓴᓕᒻᒪᕆᐅᑎᓪᓗᒋᑦ ᐅᓐᓄᒃᑯᑦ, ᐊᑕᐅᓯᐅᓗᐊᒥᑦ ᐃᓄᖕᒥᒃ ᐃᓪᓗᕈᓯᕐᓃᑎᑦᓯᒍᓐᓇᖅᑐᑦ, ᐱᓗᐊᖅᑐᒥ ᓄᑲᑉᐱᐊᑦ ᐊᒻᒪ ᐊᕐᓇᐃᑦ ᑎᒍᔭᐅᒪᑎᓪᓗᒋᑦ. ᖃᖓᑐᐃᓐᓇᒃᑯᑦ ᑭᒃᑯᑐᐃᓐᓇᐃᑦ ᑎᒍᔭᐅᒪᑎᓪᓗᒋᑦ ᑲᑎᖕᖓᑎᑕᐅᓗᑎᒃ ᐱᑦᓯᐊᖏᑦᑐᖃᕐᓂᐅᓴᒻᒪᑦ ᐱᒋᐊᖃᑦᑕᐅᑎᔪᓂᑦ ᐋᖓᔮᕋᓗᐊᕈᑎᒃ ᐋᖓᔮᖏᒃᑲᓗᐊᕈᑎᓪᓘᓐᓃᑦ. ᐋᖓᔮᕐᓂᖅ ᐅᕝᕙᓘᓐᓃᑦ ᐋᖓᔮᕐᓇᖅᑐᒥᑦ ᐄᔭᒐᕐᒥᑦ ᐊᑐᕐᓯᒪᓂᖅ ᐱᔾᔪᑎᐅᔫᒃ ᐃᓱᒪᒋᔭᐅᖏᓐᓇᕆᐊᓖᒃ, ᐊᓯᖏᓐᓂᓪᓗ ᐃᓱᒪᒋᔭᖃᖅᐸᓪᓗᑎᒃ, ᓈᒻᒪᓂᖅᐹᒥᑦ ᐃᓱᒪᓕᐅᕆᔪᓐᓇᖁᓪᓗᒋᑦ ᐱᓕᕆᐊᕆᔭᒥᓂᒃ ᐱᔾᔪᑎᖃᕐᓗᑎᒃ ᑕᐃᑦᓱᒪᓂᐅᑎᓪᓗᒍ, ᐊᑕᐅᑦᓯᒃᑯᑦ ᐱᓗᐊᔾᔭᐃᕐᓯᒪᐃᓐᓇᕐᓗᒋᑦ ᐊᔪᕐᓇᖏᓐᓂᖏᒍᑦ ᐱᒋᐊᕐᓯᔪᖃᑐᐃᓐᓇᕆᐊᖃᕐᓂᖓᓂᑦ. ᐅᕙᖓᑦ ᑕᑯᓐᓇᖅᑕᖓᒍᑦ, ᓈᒻᒪᖏᑦᑐᑦ ᓇᓗᓇᐃᔭᐃᑏᑦ ᐃᓱᒪᒋᓂᐊᕐᓗᒍ ᓇᓗᓇᓚᐅᖏᓐᓂᖓᓄᑦ A.B. ᐱᒋᐊᖅᑐᖅᑕᐅᓂᐊᕐᓂᖓᓄᑦ J.J.-ᒧᑦ.
| ᖃᐅᔨᔭᐅᔪᑦ | |
|---|---|
ᖃᐅᔨᔭᐅᔪᖅ 20: J.J. ᐊᒻᒪ A.B. ᑕᕝᕗᖓᑦᓴᐃᓐᓈᖅᑕᐅᔪᒪᓕᕐᓂᖏᒃ ᐃᓪᓗᕈᓯᕐᒧᑦ ᑐᕌᒐᓪᓗᐊᒃᑯᑦ ᖃᓄᐃᒍᑎᐅᔪᖅ ᐊᒥᒐᕐᓯᕙᓐᓂᖏᓐᓄᑦ ᓈᒻᒪᑦᑐᓂᑦ ᓇᓖᕌᕈᑎᑦᓴᓂᑦ ᐊᑐᕈᓐᓇᖅᑕᖏᓐᓂᑦ ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᑦ (RCMP) ᐸᓖᓯᒃᑯᑦ ᐱᔾᔪᑎᒋᓪᓗᒍ ᐊᒥᒐᕐᓯᓂᐅᕙᑦᑐᖅ ᐃᓂᑦᓴᐅᔪᓂᑦ ᑎᒍᔭᐅᒪᔪᓄᑦ. |
ᐊᖏᖃᑎᖃᖅᑐᖅ |
ᖃᐅᔨᔭᐅᔪᖅ 21: ᑕᑯᑦᓴᓪᓚᕆᐅᔪᓂᑦ ᐱᐅᖏᑦᑐᑕᖃᐅᓚᐅᖅᑐᖅ ᐃᓗᐊᒍᑦ ᑭᖕᖓᐃᑦ ᑎᒍᔭᐅᒪᕕᐅᑉ, ᓴᖅᑮᓯᒪᓕᖅᑐᑎᒃ ᐃᓗᓯᕐᒧᑦ ᐊᒻᒪ ᐊᑦᑕᓇᑦᑕᐃᓕᒪᔪᓕᕆᓂᕐᒥᑦ ᐅᓗᕆᐊᓇᕈᓐᓇᖅᑐᓂᑦ. ᓈᒻᒪᓚᐅᖏᑦᑐᖅ ᑎᒍᔭᐅᒪᕕᐅᔪᖅ ᑕᐃᒪᐃᑦᑑᑎᓪᓗᒍ ᐃᓗᐊ. ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᑦ (RCMP) ᐸᓖᓯᒃᑯᑦ ᐃᓄᒋᐊᕝᕕᐅᓗᑎᒃ ᐃᑉᐱᒍᓱᑦᑎᐅᓚᐅᖅᑐᑦ ᐱᔾᔪᑎᒋᓪᓗᒍ ᑎᒍᔭᐅᒪᕕᐅᑉ ᐊᒻᒪ ᐃᓪᓗᕈᓯᖃᕐᕕᐅᑉ ᑎᒍᔭᐅᒪᕕᓐᓂᑦ ᐃᓗᐊ ᖃᓄᐃᑦᑑᓂᖓᓄᑦ ᓴᖅᑮᓯᒪᖏᓪᓗᑎᒃ ᓈᒻᒪᖏᑦᑐᓂᑦ ᐃᓗᓯᕐᒧᑦ ᐊᒻᒪ ᐊᑦᑕᓇᑦᑕᐃᓕᒪᔪᓕᕆᓂᕐᒥᑦ ᐅᓗᕆᐊᓇᕈᓐᓇᖅᑐᓂᑦ ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᑦ (RCMP) ᐸᓖᓯᒃᑯᓐᓄᑦ ᐊᒻᒪ ᑎᒍᔭᐅᒪᔪᓄᑦ. |
ᐊᖏᖃᑎᖃᖅᑐᖅ |
ᖃᐅᔨᔭᐅᔪᖅ 22: ᓈᒻᒪᓚᐅᖏᑦᑐᖅ ᕿᒪᑦᑕᐅᑐᐃᓐᓇᕐᓯᒪᓂᖓ ᐃᓪᓗᕕᓯᐅᑉ ᑎᒍᔭᐅᒪᕕᐅᑉ ᓇᑎᖓ ᐊᔾᔨᒌᖏᑦᑐᓂᑦ ᑎᒥᒦᖔᕐᓯᒪᔪᓂᑦ ᐱᑕᖃᖅᑎᓪᓗᒍ ᐃᑲᕐᕋᓄᑦ ᖁᓕᐅᓗᐊᓄᑦ (10). |
ᐊᖏᖃᑎᖃᖅᑐᖅ |
ᖃᐅᔨᔭᐅᔪᖅ 23: ᓈᒻᒪᓚᐅᖏᑦᑐᖅ ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᑦ (RCMP) ᐸᓖᓯᒃᑯᑦ ᐃᖅᑲᓇᐃᔭᖅᑎᑭᓐᓂᖓᑦ ᑭᖕᖓᐃᑦ ᑎᒍᔭᐅᒪᕕᖓᑕ ᐊᕝᕙᐅᓗᐊᖏᓐᓂᑦ ᐸᓖᓯᐅᒋᐊᓕᓐᓂᑦ ᑕᐃᑲᓂ. |
ᐊᖏᖃᑎᒐ ᐃᓚᖓᒍᑦ |
ᓯᕗᓪᓕᕐᒥ ᑕᑯᒋᐊᕈᑎᒥᑦ ᓈᒻᒪᑦᑑᔮᕋᔭᖏᒃᑲᓗᐊᖅᑎᓪᓗᒍ ᑭᖕᖓᐃᑦ ᐃᖅᑲᓇᐃᔭᖅᑎᖃᕋᔭᖏᓐᓂᖓᓄᑦ ᖁᓕᓂᑦ (10) ᕈᐊᐃᐅᓐ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᓐᓅᖓᔪᑦ ᓈᓴᐅᑏᑦ ᓇᓗᓇᐃᓚᐅᖅᑕᖏᓐᓂᑦ ᐱᑕᖃᕆᐊᖃᕐᓂᖏᓐᓂᑦ, ᖃᐅᔨᓴᖅᑏᑦ ᖃᐅᔨᒪᒻᒪᑕ, ᐱᓕᕆᔾᔪᑎᓕᕆᓂᖅ ᑕᑎᒋᔭᖃᖅᑐᑦ ᓄᓇᓕᖃᕐᕕᓐᓂᑦ ᓂᒋᕐᒥ ᐅᕝᕙᓘᓐᓃᑦ ᐅᑭᐅᖅᑕᖅᑐᒥ ᑲᑐᔾᔨᖃᑎᒌᓂᑦ. ᐊᔾᔨᒋᒐᓂᒋᑦ ᐃᖅᑲᓇᐃᔭᖅᑎᖃᖅᑎᑦᓯᓂᐅᔪᖅ ᓄᓇᓕᓐᓂ ᐸᓖᓯᖃᕐᕕᓐᓂᑦ, ᐃᓚᒋᔭᐅᕙᑦᑐᑎᒃ ᑭᓯᐊᓂ ᐸᓖᓯᓕᕆᓂᕐᒥᑦ ᐱᔨᑦᓯᕋᖅᑎᐅᔪᑦ ᐊᒻᒪ ᓄᓇᓕᓐᓂ ᑲᑎᒪᔨᐅᔪᑦ, ᕈᐊᐃᐅᓐ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᑦ ᐃᓚᖃᕆᐊᖃᖅᐸᑦᑐᑦ ᐊᔾᔨᒌᖏᑦᑐᓂᑦ ᒐᕙᒪᒃᑯᓐᓄᑦ ᐱᓕᕆᔨᐅᔪᓂᑦ (ᑭᒃᑯᑐᐃᓐᓇᐃᑦ ᐊᑦᑕᓇᖅᑐᒦᒋᐊᖃᖏᓐᓂᖏᓐᓂᑦ ᐊᒻᒪ ᑮᓇᐅᔭᓕᕆᓂᕐᒥᑦ ᑲᑎᒪᔩᑦ) ᐊᒻᒪ ᒥᓂᔅᑕᐅᔪᑦ ᐃᓚᒋᔭᐅᓗᑎᒃ ᐅᑭᐅᖅᑕᖅᑐᒥ ᒥᓂᔅᑕᐃᑦ ᐊᒻᒪ ᒐᕙᒪᒃᑯᓐᓄᑦ ᐱᓕᕆᔨᐅᔪᑦ ᓵᒐᐅᔪᑦ ᐃᖅᑲᓇᐃᔭᖅᑎᑦᓴᓂᑦ ᑐᑦᓯᕋᐅᑎᖃᖅᑎᓪᓗᒋᑦ. ᑭᖑᓪᓕᖅᐹᑦ ᐋᖅᑭᑦᓱᐃᔨᐅᔪᑦ ᐃᓚᒋᐊᕆᓂᕐᒥᑦ ᐱᓕᕆᔾᔪᑎᓄᑦ ᐃᑲᔫᑎᑦᓴᓂᑦ, ᐱᓗᐊᖅᑐᒥ ᐃᓚᒋᐊᕆᓂᕐᒥᑦ ᐃᖅᑲᓇᐃᔭᖅᑎᑦᓴᓂᑦ, ᓂᒋᕐᒥ ᐅᕝᕙᓘᓐᓃᑦ ᐅᑭᐅᖅᑕᖅᑐᒥ ᓄᓇᓕᖃᕐᕕᓐᓂ ᒐᕙᒪᓕᕆᔨᐅᔪᑦ.
ᐊᑑᑎᖃᕐᓂᖏᑦ ᓱᓇᒃᑯᑖᑦ ᓴᖅᑮᔪᑦ ᐃᓗᓕᖏᓐᓂᑦ ᖃᓄᖅᑑᕈᑎᐅᕙᑦᑐᑦ ᕈᐊᐃᐅᓐ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᑦ "V" ᐱᓕᕆᕝᕕᒻᒥ ᐱᓇᓱᐊᕈᑎᒋᕙᑦᑕᖏᓐᓂᑦ ᐊᓯᖏᓐᓂᑦ ᐱᓕᕆᔾᔪᑎᓂᑦ ᐃᑲᔫᑎᑦᓴᓂᑦ ᐱᓕᕆᕝᕕᒻᒧᑦ. ᐱᓕᕆᔾᔪᑎᑦᓴᓂᑦ ᐅᓂᒃᑳᓕᐊᓂ ᐋᖅᑭᓱᖅᑕᐅᓯᒪᔪᒥᑦ ᓄᓇᕘᒥ ᐃᖅᑲᖅᑐᐃᕕᓕᕆᔨᒃᑯᓐᓂᑦ (DOJ) ᕿᓂᖅᑎᓪᓗᒋᑦ 16-ᓂᑦ ᐃᓚᒋᔭᐅᔪᑦᓴᓂᑦ ᐸᓖᓯᓄᑦ 2022-2022-ᒥᑦ 2025-2026 ᑮᓇᐅᔭᓕᕆᔾᔪᑎᓂ ᐊᕐᕌᒍᓄᑦ, ᐃᖅᑲᖅᑐᐃᕕᓕᕆᔨᒃᑯᓐᓂᑦ (DOJ) ᓴᖅᑮᓚᐅᖅᑐᑦ ᐃᓚᖏᓐᓂᑦ ᐊᑐᖅᑕᐅᓯᒪᔪᓂᑦ ᐱᓇᓱᐊᕈᑎᐅᓯᒪᔪᓂᑦ ᐊᑐᐃᓐᓇᖃᖅᑎᑦᓯᓂᕐᒥᑦ ᓈᒻᒪᑦᑐᓂᑦ ᕈᐊᐃᐅᓐ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᑦ ᐱᓕᕆᔾᔪᑎᓄᑦ ᐃᑲᔫᑎᑦᓴᓂᑦ ᓄᓇᕘᒧᑦ.
ᐱᓕᕆᔾᔪᑎᑦᓴᓂᑦ ᐅᓂᒃᑳᓕᐊᑦ ᓇᓗᓇᐃᔭᐃᓯᒪᔪᑦ ᓄᓇᕘᒥ ᓯᕗᓕᖅᑎᐅᕙᒻᒪᑕ ᑲᓇᑕᒥ ᐱᑦᑎᐊᖏᓐᓂᒃᑯᑦ ᐱᕋᔭᑉᐸᑦᑐᑦ ᐊᒥᓲᓂᕐᓴᐅᕙᒻᒪᑕ ᐱᖓᓱᐊᖅᑎᖑᐊᖅᑐᑎᒃ (3) ᑲᓇᑕᒥ ᐊᑐᖅᑕᐅᕙᑦᑐᓂᑦ. ᓈᓴᐅᑎᒍᑦ ᖃᐅᔨᓴᐅᑏᑦ ᓇᓗᓇᐃᔭᐃᓯᒪᔪᑦ ᓄᓇᕘᑦ ᐊᒥᓲᓂᖅᐹᖑᕙᒻᒪᑕ ᐃᓚᒌᖑᔪᑦ ᐋᓐᓂᖅᑎᕆᕙᑦᑐᓂᑦ, ᓄᓕᐊᕐᓂᒃᑯᑦ ᖁᓄᔪᕐᓂᐊᐸᑦᑐᓂᑦ ᐊᒻᒪ ᓄᓕᐊᕐᓂᕐᒧᑦ ᒪᓕᒐᕐᓂᑦ ᓱᕋᐃᔭᐃᓂᖅᐹᖑᕙᑦᑐᑎᒃ ᓱᕈᓯᕐᓂᑦ ᑲᓇᑕᒥ.
ᐱᓕᕆᕝᕕᖏᑕ ᐃᖅᑲᖅᑐᐃᕕᓕᕆᓂᕐᒥᑦ ᐱᓕᕆᔾᔪᑎᖓᑦ ᐅᖃᕐᓯᒪᔪᑦ 2012-2013-ᓂ, V ᐱᓕᕆᕝᕕᒻᒥ ᐱᔭᕇᓚᐅᖅᑐᑦ ᐊᕐᕌᒍᑕᒫᕐᓯᐅᑎᒥᑦ ᓇᓗᓇᐃᔭᐃᑎᒥᑦ ᖃᓄᐃᓕᕐᓂᖏᓐᓂᑦ ᐊᖑᒻᒪᑎᒋᐊᕈᑎᒥᑦ (ARLU) ᐱᑎᑦᓯᓪᓗᑎᒃ ᕿᓂᕐᓂᕋᖅᑐᑎᒃ ᑎᓴᒪᐅᔪᖅᑐᓂᑦ (8) ᐸᓖᓯᑦᓴᓂᑦ.
- - ᐃᖅᑲᓇᐃᔭᖅᑏᑦ ᑎᓴᒪᐅᔪᖅᑐᓄᑦ (8) ᐊᔾᔨᒌᖏᑦᑐᓄᑦ ᑎᒍᔭᐅᒪᕕᓐᓄᑦ ᐃᖅᑲᓇᐃᔭᕆᐊᖅᑎᑕᐅᓂᐊᓚᐅᖅᑐᑦ. ᐃᖅᑲᓇᐃᔮᑦᓴᓂᑦ ᐊᖏᖅᑕᐅᔪᖃᓚᐅᖏᑦᑐᖅ.
- - 2013-2014-ᓂ, V ᐱᓕᕆᕝᕕᓕᕆᔩᑦ ᕿᓂᓚᐅᖅᑐᑦ 11-ᓂᑦ ᐸᓖᓯᑦᓴᓂᑦ ᐃᖅᑲᓇᐃᔮᑦᓴᓄᑦ. ᐃᖅᑲᓇᐃᔮᑦᓴᓂᑦ ᐊᖏᖅᑕᐅᔪᖃᓚᐅᖏᑦᑐᖅ.
- - 2014-2015-ᓂ, ᐊᖏᔪᖅᑳᖓᑦ ᑲᒪᔨᒻᒪᕆᒃ ᑐᓴᖅᑎᑕᐅᓚᐅᖅᑐᖅ ᐃᖅᑲᖅᑐᐃᕕᓕᕆᓂᕐᒥᑦ ᒥᓂᔅᑕᒧᑦ ᐃᓘᓐᓇᖏᓐᓂᑦ ᑕᑯᒋᐊᕈᑎᐅᓯᒪᔪᓂᑦ ᐸᓖᓯᓄᑦ ᑭᖕᖒᒪᔭᒐᐅᔪᓂᑦ, ᐱᑎᑦᓯᒋᐊᖃᕋᓗᐊᕐᒪᑕ. ᕈᐊᐃᐅᓐ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᑦ ᐱᓕᕆᐊᖃᓕᓚᐅᖅᑐᑦ ᐸᓖᓯᓕᕆᔪᒥᑦ ᐱᓕᕆᔾᔪᑎᓂᑦ ᐱᓕᕆᔾᔪᑎᐅᔪᓂᑦ ᖃᐅᔨᓴᐃᓂᕐᒥᑦ (PRM) ᐃᓘᓐᓇᖏᓐᓄᑦ ᓄᓇᓕᐅᔪᓄᑦ, ᕿᒥᕐᕈᔭᐅᓗᑎᒃ ᐱᑕᖃᖅᑐᑦ ᓈᓴᐅᑎᒍᑦ ᑐᑭᓯᒋᐊᕈᑎᐅᓯᒪᔪᑦ, ᐱᔨᑦᓯᕋᖅᑕᐅᔪᓂᑦ ᐊᐱᕐᓱᐸᑦᑐᑎᒃ ᐊᒻᒪ ᐋᖅᑭᑦᓱᐃᓚᐅᖅᑐᑦ 14-ᓂ ᐱᓕᕆᔾᔪᑎᑦᓴᓂᑦ ᓇᓗᓇᐃᔭᐃᑦᓯᐊᕈᒪᓪᓗᑎᒃ ᐱᔾᔪᑎᐅᔪᓂᑦ ᐃᓚᖁᓪᓗᒋᑦ ᐱᓕᕆᔾᔪᑎᒋᕙᑦᑕᖏᑦ. ᑐᓂᔭᐅᔪᖅ ᕿᓂᓚᐅᖅᑐᖅ 26-ᓂᑦ ᐃᖅᑲᓇᐃᔭᖅᑎᑦᓴᓂᑦ ᐃᓚᒋᔭᐅᔪᓄᑦ ᐊᒻᒪ ᐱᖓᓱᓂᑦ (3) ᓄᓇᓕᕐᒥᐅᑕᓂᑦ ᐃᓚᒋᔭᐅᔪᑦᓴᓂᑦ ᓴᓂᕐᕙᑦᑕᐅᔪᑦᓴᓂᑦ ᑖᑯᓄᖓᖅᑐᑦᓴᒫᖑᓗᑎᒃ ᑎᒍᔭᐅᒪᕕᓐᓄᑦ ᐊᒻᒪ ᐱᓕᕆᕝᕕᓐᓄᑦ ᑭᖕᖒᒪᑦᓯᓛᓄᑦ. ᐃᓚᒋᐊᕈᑎᐅᔪᒪᔪᑦ ᐱᓕᕆᕝᕕᒻᒧᑦ ᐊᖏᖅᑕᐅᓚᐅᖏᑦᑐᑦ.
- - 2015-2016-ᓂ, "V" ᐱᓕᕆᕝᕕᒃ ᑮᓇᐅᔭᓂᑦ ᖁᕝᕙᒋᐊᕈᔾᔭᐅᓚᐅᖅᑐᑦ ᐊᔾᔨᖏᓐᓂᑦ $1.8 ᒥᓕᐊᓐ ᖃᓄᖅᑑᕈᑎᐅᓇᓱᐊᖅᑐᑎᒃ ᐱᓕᕆᔾᔪᑎᓕᕆᓂᕐᒥᑦ ᐊᒻᒪ ᐃᖅᑲᓇᐃᔭᖅᑎᖃᖏᑦᑐᓂᑦ ᐃᓐᓄᐃᒐᓱᐊᕈᑎᒋᓪᓗᒋᑦ ᐱᓕᕆᕝᕕᒻᒥ. ᐱᓕᕆᔪᒪᓚᐅᕐᒥᔪᑦ ᒐᕙᒪᒃᑯᑦ ᓄᓇᕘᒧᑦ ᑐᕌᒐᖃᕈᒪᓪᓗᑎᒃ ᐃᖅᑲᓇᐃᔭᖅᑎᓕᕆᓂᕐᒥᑦ 2016-2017-ᓂ.
- - 2016-2017-ᓂ, ᐃᓚᔭᐅᓚᐅᖅᑐᑦ 7-ᓂᑦ ᐱᓕᕆᔾᔪᑎᓕᕆᔪᓂᑦ ᐱᑎᑕᐅᓗᑎᒃ ᒐᕙᒪᒃᑯᑦ ᓄᓇᕘᒧᑦ ᐃᓚᖃᖅᑐᓂᑦ ᕈᐊᐃᐅᓐ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᑦ ᐅᑭᐅᖅᑕᖅᑐᒥ ᐸᓖᓯᒃᑯᑦ ᐱᔨᑦᓯᕋᐅᑎᖏᓐᓂᑦ ᐊᕐᕌᒍᓄᑦ ᑕᓪᓕᒪᓄᑦ (5) ᐸᕐᓇᐅᑎᒥᑦ. ᒐᕙᒪᒃᑯᑦ ᓄᓇᕘᒧᑦ ᐱᓕᕆᔾᔪᑎᖃᕈᒪᓂᖏᑦ 9-ᑲᓂᕐᓂᒃ ᐃᖅᑲᓇᐃᔮᑦᓴᐃᑦ ᐃᓚᔭᐅᓗᑎᒃ ᐱᔭᐅᓚᐅᖅᑐᑦ. ᐅᒡᒍᐊᓇᖅᑐᖅ ᑭᓯᐊᓂ, ᖁᕝᕙᒋᐊᕈᑎᖃᓚᐅᕐᒪᑕ ᐃᓘᓐᓇᖏᒍᑦ ᑮᓇᐅᔭᐃᑦ ᐊᑐᖅᑐᑦᓴᑎᒍᑦ ᐱᔾᔪᑎᐅᓗᑎᒃ ᐊᐅᓚᑕᑦᓴᐅᖏᑦᑐᑦ ᐊᑭᓕᕆᐊᓖᑦ ᐊᒻᒪ ᓱᓇᑐᐃᓐᓇᐃᑦ ᐊᑭᑦᑐᐸᓪᓕᐊᓂᖏᓐᓄᑦ ᑖᒃᑯᐊ ᓴᓂᕐᕙᑦᑕᐅᔪᒪᓚᐅᖅᑐᑦ ᓴᓂᕝᕙᑦᑕᐅᔪᓐᓇᓚᐅᖏᑦᑐᑦ.
- - 2017-2018-ᓂ, ᐱᓕᕆᔾᔪᑎᓕᕆᔪᓂᑦ ᐱᑎᑕᐅᓚᐅᖅᑐᑦ ᒐᕙᒪᒃᑯᑦ ᓄᓇᕘᒧᑦ ᐃᓚᖃᖅᑐᓂᑦ ᕈᐊᐃᐅᓐ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᑦ ᓄᓇᕘᒥ ᐸᓖᓯᓄᑦ ᐱᔨᑦᓯᕋᖅᑏᑦ MYPF ᐊᕐᕌᒍᓄᑦ ᑕᓪᓕᒪᓄᑦ (5) ᐸᕐᓇᐅᑎ) ᐃᓚᒍᒪᓪᓗᑎᒃ 35-ᑲᓂᕐᓂᒃ ᐸᓖᓯᓂᑦ ᐱᖃᓯᐅᔾᔭᐅᓗᑎᒃ 28-ᖑᔪᑦ ᑕᑯᔭᐅᖅᑳᖅᑎᐅᓗᑎᒃ ᐸᓖᓯᓯᐅᑎᓂᑦ ᐊᓐᓄᕌᕐᓯᒪᕙᓪᓗᑎᒃ, 7-ᖑᔪᑦ ᐸᓖᓯᓂᑦ ᐃᑲᔪᕐᓱᐃᔾᔪᑎᑦᓴᐅᓗᑎᒃ. ᑕᑯᔭᐅᖅᑳᖅᑎᐅᓂᐊᖅᑐᓂᑦ ᐸᓖᓯᓄᑦ ᐱᓕᕆᔾᔪᑎᒍᑦ ᐃᑲᔪᖅᑎᑦᓴᓂᑦ ᑮᓇᐅᔭᖃᖅᑎᑕᐅᓚᐅᖏᑦᑐᑦ ᑐᑦᓯᕌᓂᑦ.
- - 2018/19-ᓂ, ᒐᕙᒪᒃᑯᑦ ᓄᓇᕘᒧᑦ ᐅᖃᐅᓯᖃᓚᐅᖅᑐᑦ ᑮᓇᐅᔭᓂᑦ ᐱᖓᓱᓄᑦ (3) ᐸᓖᓯᑦᓴᓄᑦ ᓄᓇᕘᒥ ᐊᔾᔨᐅᖏᑦᑐᓂᑦ ᐱᕋᔭᑕᐅᕙᑦᑐᓂᑦ ᐱᓕᕆᔨᐅᔪᑦ.
- - 2019/20-ᓂ, ᐱᓕᕆᔾᔪᑎᑦᓴᒥᑦ ᐱᑎᑕᐅᓚᐅᖅᑐᑦ ᕿᓂᖅᑐᓂᑦ ᐊᓯᒃᑲᓐᓂᖏᓐᓂᑦ 12-ᓂᑦ ᐸᓖᓯᓄᑦ ᐱᓕᕆᔨᑦᓴᓂᑦ ᐃᑲᔪᖅᑎᑦᓴᓂᑦ. ᐅᓇ ᐱᓕᕆᔾᔪᑎᑦᓴᓂᑦ ᐅᓂᒃᑳᓕᒃ ᐊᖏᖅᑕᐅᓚᐅᖅᑐᖅ, ᐃᓚᖓᒍᑦ, ᒐᕙᒪᒃᑯᑦ ᓄᓇᕘᒧᑦ ᑮᓇᐅᔭᖃᖅᑎᑦᓯᔾᔪᑎᐅᓕᓚᐅᖅᑐᒥᑦ ᐱᖓᓲᔪᖅᑐᓄᑦ (6) ᑕᑯᔭᐅᖅᑳᑐᓴᓂᑦ ᐃᓚᒋᔭᐅᔪᓄᑦ 2021/22-ᓂ, ᐊᖏᖅᑕᐅᓗᑎᓪᓗ ᐃᑲᔪᕐᓱᐃᔾᔪᑎᑦᓴᑦ ᐱᖓᓱᓄᑦ (3) ᑕᑯᔭᐅᖅᑳᑐᓴᓂᑦ ᐃᓚᒋᔭᐅᔪᓄᑦ 2022/23-ᓂ ᐊᒻᒪ ᐱᖓᓱᓂᑦ (3) ᑕᑯᔭᐅᖅᑳᑐᓴᓂᑦ ᐃᓚᒋᔭᐅᔪᓄᑦ 2023/24-ᓂ.
- - 2020/21-ᓂ, ᐱᓕᕆᔾᔪᑎᑦᓴᓂᑦ ᐱᑎᑦᓯᓚᐅᖅᑐᑦ ᕿᓂᖅᑐᓂᑦ 12-ᓂᑦ ᑕᑯᔭᐅᖅᑳᑐᓴᓂᑦ ᐃᓚᒋᔭᐅᔪᓄᑦ ᐃᑲᔪᖅᑎᑦᓴᓂᑦ ᐱᓕᕆᔾᔪᑎᒍᑦ ᐊᕐᕌᒍᐃᑦ ᑕᓪᓕᒪᑦ (5) ᐃᓗᖏᓐᓂ. ᔪᓂ 2022, ᒐᕙᒪᒃᑯᑦ ᓄᓇᕘᒧᑦ ᐅᖃᐅᓯᖃᓚᐅᖅᑐᑦ ᑮᓇᐅᔭᑦᓴᓂᑦ ᓈᒻᒪᑦᑐᓂᑦ ᐱᖓᓱᓄᑦ (3) ᐃᓚᒋᔭᐅᔪᑦᓴᓄᑦ.
ᐊᑑᑎᖃᖅᑐᑦ ᓱᓇᑐᐃᓐᓇᐃᑦ ᐃᓗᓕᖃᖅᑐᑦ ᐃᓱᒫᓘᑎᐅᔪᓂᑦ ᐃᓚᒋᔭᐅᔪᓄᑦ ᐅᕙᓂ "V" ᐱᓕᕆᕝᕕᐊᓂ ᐊᐅᓚᑦᓯᔨᒻᒪᕆᖏᓐᓄᑦ ᐱᔾᔪᑎᖃᖅᑐᑎᒃ ᐱᔭᕆᐊᑐᔪᓂᑦ ᖃᓄᐃᒍᑎᐅᕙᑦᑐᓂᑦ ᐃᓚᒋᔭᐅᔪᓄᑦ ᑭᖕᖓᕐᓂ ᑎᒍᔭᐅᒪᕕᒻᒥ ᐊᑐᕆᐊᖃᖅᐸᑦᑕᖏᓐᓂᑦ. 2021-ᒥ, ᐱᖓᓱᑦ (3) ᐃᓚᒋᔭᐅᔪᑦ ᐊᒻᒪ ᐃᓚᒋᔭᖏᑦ ᓅᑕᐅᒋᐊᖃᓚᐅᖅᑐᑦ ᑭᖕᖓᕐᓂᒃ ᐃᖃᓗᓐᓄᑦ ᐱᓪᓗᒋᑦ ᐃᓱᒫᓘᑎᐅᓕᓚᐅᕐᓂᖏᑦ ᐊᑦᑕᓇᖅᑐᒦᖁᓇᒋᑦ ᐊᒻᒪ ᖃᓄᐃᖁᓇᒋᑦ ᐅᓗᕆᐊᓱᐊᑎᑕᐅᓚᐅᖅᑎᓪᓗᒋᑦ ᓄᓇᓕᕐᒥᐅᑕᓄᑦ.
ᓇᓗᓇᐃᓚᐅᖏᒻᒥᔪᖅ ᐊᑑᑎᓕᓐᓂᑦ ᓱᓇᑐᐃᓐᓇᕐᓂᑦ ᐃᓚᒋᔭᐅᔪᑦ ᐃᖃᓗᓐᓂ ᓇᓪᓕᑭᑕᐅᑎᒍᒪᕙᖏᒻᒪᑕ ᑭᖑᕝᕖᕙᓪᓗᑎᒃ ᑭᖕᖓᕐᓂ ᐃᖅᑲᓇᐃᔭᖅᑎᓂᑦ. ᐊᒻᒪᑦᑕᐅᖅ, ᑲᓇᑕᒥ ᐃᖅᑲᓇᐃᔭᖅᑎᑖᕋᓱᒃᑲᓗᐊᕋᒥᒃ ᓴᖅᑭᔮᖅᑎᑦᓯᓪᓗᑎᒃ ᓵᔨᓐᓴᒧᑦ ᐊᒻᒪ ᑯᐊᐳᕈᒧᑦ, ᑕᒪᒃᑯᐊ ᐃᖅᑲᓇᐃᔭᖅᑎᑦᓴᓂᑦ ᐃᓐᓄᒍᓐᓇᓚᐅᖏᑦᑐᑦ ᐊᑐᖅᑐᑎᒃ ᐱᖅᑯᓯᑐᖃᕐᓂᒃ. ᑐᓴᐅᒪᑎᑦᓯᔾᔪᑎᐅᔪᑦ ᐱᑐᐃᓐᓇᐅᖏᔾᔪᑎᖃᖅᑐᑦ ᐊᖏᖅᑕᐅᓚᐅᖅᑐᑦ ᑕᒪᒃᑮᓐᓄᑦ ᐃᖅᑲᓇᐃᔮᑦᓵᓐᓄᑦ ᑭᖕᖓᕐᓂ. ᑭᖕᖓᐃᑦ ᓇᓗᓇᐃᕐᓯᒪᓕᖅᑐᖅ ᐃᖅᑲᓇᐃᔭᕐᕕᐅᓗᓂ ᐱᐅᒋᔭᐅᓗᐊᖏᓐᓂᖓᓂᑦ ᒪᓕᑦᑐᒋᑦ ᐅᖃᐅᓯᐅᕙᑦᑐᑦ ᐱᓕᕆᕝᕕᒻᒥᑦ ᐃᖕᒥᓂᒃ ᐱᓕᕆᐊᖃᖅᐸᑦᑐᓂᑦ ᐃᖅᑲᓇᐃᔭᖅᑎᑖᕋᓱᑉᐸᑦᑐᑎᒃ ᖃᓄᖅᑑᐸᑦᑐᑎᒃ ᐱᓇᓱᐊᖅᑐᑎᒃ ᕈᐊᐃᐅᓐ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᑦᓴᓂᑦ ᓄᓇᓕᓐᓄᑦ.
"V" ᐱᓕᕆᕝᕕᒃ ᑐᓴᐅᒪᑎᑦᓯᕙᑦᑐᑦ ᐱᓕᕆᔨᖏᓐᓂᑦ ᐃᖅᑲᖅᑐᐃᕕᓕᕆᔨᒃᑯᑦ (DOJ) ᖃᓄᐃᓕᖓᒍᑎᐅᔪᒥᑦ ᐊᒻᒪ ᐃᓱᒫᓘᑎᐅᔪᑦ ᐊᐅᓚᑦᓯᔨᒻᒪᕆᓐᓄᑦ ᐱᓕᕆᔨᓄᑦ ᐱᔾᔪᑎᐅᓗᑎᒃ ᐃᖅᑲᓇᐃᔭᖅᑎᐅᕙᑦᑐᑦ ᓄᓇᓕᓐᓂ ᐃᖅᑲᓇᐃᔭᖅᑐᑦ. ᖃᓄᖅᑑᕈᑎᐅᓇᓱᐊᕐᓯᒪᔫᒐᓗᐊᑦ ᐱᓗᐊᔾᔭᐃᖁᓪᓗᒋᑦ ᐊᑭᓕᐅᑎᑦᓴᑦ ᐊᒻᒪ ᐃᓚᔭᐅᕙᒐᑎᒃ ᐱᓕᕆᔾᔪᑎᑦᓴᑦ ᑭᖕᖓᕐᓃᑦᑐᑦ ᖃᐅᔨᓴᖅᐸᑦᑐᑎᒃ ᓇᓖᕌᕈᑎᑦᓴᓂᑦ ᐃᓚᒋᓪᓗᒋᑦ ᐃᖃᓗᓐᓂ ᑎᒍᔭᐅᒪᕕᒻᒥ ᐱᓕᕆᔨᐅᔪᑦ, ᑭᓯᐊᓂᓕ, ᐱᖃᑕᐅᖏᑉᐸᑕ ᐃᖃᓗᓐᓂ ᑎᒍᔭᐅᒪᕕᒻᒥ ᐱᓕᕆᔨᐅᔪᑦ ᐊᑭᓕᕐᓱᖅᑕᐅᒐᑎᒃ ᐃᑲᔪᕐᓂᒃᑯᑦ ᑐᖕᖓᕕᖃᑎᖃᕐᓂᒃᑯᑦ ᑭᖕᖓᕐᓂᒃ, ᑐᖕᖓᕕᖃᕐᓂᐅᔪᖅ ᐆᑦᑑᑎᐅᔪᖅ ᐃᓚᒋᔭᐅᓗᑎᒃ ᐃᖃᓗᓐᓂ ᑎᒍᔭᐅᒪᕕᒻᒥ ᐱᓕᕆᔨᐅᔪᑦ ᓴᖅᑭᕐᓂᐊᓚᐅᖏᑦᑐᖅ.
ᖃᐅᔨᒪᖁᔨᒋᐊᖃᖅᑐᖓ, ᐃᓛᓐᓂᒃᑯᑦ, ᑭᖕᖓᐃᑦ ᑎᒍᔭᐅᒪᕕᖓᑦ ᐃᖅᑲᓇᐃᔭᖅᑎᖃᖅᐸᑦᑐᖅ ᐊᒥᓲᓂᕐᓴᓂᑦ ᐱᔪᓐᓇᖅᑎᑕᐅᔪᓂᑦ. "V" ᐱᓕᕆᕝᕕᒃ ᒪᑭᒪᑎᑦᓯᓯᒪᕙᑦᑐᑦ ᑭᖕᖓᕐᓂ ᑎᒍᔭᐅᒪᕕᒻᒥᑦ ᑎᓴᒪᐅᔪᖅᑐᓂᑦ (8) ᐃᓚᒋᔭᐅᔪᓂᑦ ᐱᓕᕆᔨᖃᖅᑐᑎᒃ, ᑎᒍᔭᐅᒪᕕᐅᔪᖅ ᐊᑐᖅᑕᐅᒋᐊᖃᖅᖅᑎᓪᓗᒍ ᐱᖓᓲᔪᖅᑐᐃᓇᕐᓄᑦ (6). ᐊᑐᖅᐸᑦᑐᑦ, ᖃᖓᓚᐅᓱᖓᒃᑯᑦ, ᑎᒍᔭᐅᒪᕕᒃ ᒪᑭᒪᑎᑕᐅᕙᑦᑐᖅ 9-ᓂᑦ 10-ᓄᑦ ᐃᓚᒋᔭᐅᔪᓄᑦ ᓇᓗᓇᐃᕐᓯᒪᖁᓪᓗᒋᑦ ᓈᒻᒪᑦᑐᓂᑦ ᐱᓕᕆᔾᔪᑎᖃᕋᓗᐊᕐᒪᖔᑕ ᓄᓇᓕᓐᓂ ᐅᐸᒍᓐᓇᖅᑐᓂᑦ ᐊᒥᓲᕙᑦᑐᓄᑦ ᐅᓗᕆᐊᓇᖅᑐᓄᑦ ᐅᖄᓚᔾᔪᑎᐅᕙᑦᑐᓂᑦ ᐃᓚᒋᔭᐅᔪᓄᑦ ᐱᓕᕆᐊᖑᓚᐅᖅᑐᓂᑦ. ᑕᒪᒃᑯᐊ ᓇᓪᓕᐅᒃᑯᒫᑦ ᐱᓕᕆᔨᐅᔪᑦ ᑭᖑᕝᕖᔨᐅᓚᐅᖅᑐᑦ ᑎᑭᑉᐸᑦᑐᑎᒃ ᓂᒋᒃᒥ ᑎᒍᔭᐅᒪᕕᓐᓂᑦ ᐅᕝᕙᓘᓐᓃᑦ ᐸᓖᓯᑦᓴᓂᑦ.
ᐅᕙᖓ ᑕᑯᓐᓇᖅᑕᖓᒍᑦ, ᕈᐊᐃᐅᓐ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᑦ ᓈᒻᒪᑦᑐᓂᑦ ᐊᒻᒪ ᐃᒻᒥᓃᖔᖅᑐᓂᑦ ᐱᓕᕆᐊᖃᖃᑦᑕᕐᓯᒪᔪᑦ ᐊᕐᕌᒍᓂ ᐃᒻᒪᖄ ᖁᓕᐅᓕᖅᑐᓂᑦ ᓇᓗᓇᐃᕐᓯᒪᓇᓱᑉᐸᓂᒃᑯᑦ ᓈᒻᒪᑦᑐᓂᑦ ᐃᖅᑲᓇᐃᖅᑎᖃᓕᕋᓗᐊᕐᒪᖔᑕ ᑎᒍᔭᐅᒪᕕᓐᓂᑦ ᐱᓕᕆᕝᕕᖏᓐᓂ, ᐱᖃᓯᐅᔾᔭᐅᓗᓂ ᑭᖕᖓᐃᑦ. ᐄᓛᒃ, ᐃᓛᓐᓂᒃᑯᑦ, ᑭᖕᖓᐃᑦ ᐊᒥᓲᓗᐊᖅᑐᓂᑦ ᐃᖅᑲᓇᐃᔭᖅᑎᖃᖅᐸᓚᐅᖅᑐᖅ. ᑭᓯᐊᓂᓕ, ᑎᑭᑦᑎᓪᓗᒍ ᔪᓂ 1, 2020, ᐱᓕᕆᔾᔪᑎᐅᔪᑦ ᑭᖕᖓᕐᓂ ᓄᖑᓯᒪᓚᐅᖅᑐᑦ ᑎᓴᒪᐃᓐᓇᐅᓕᖅᑐᑎᒃ (4) ᐃᓚᒋᔭᐅᔪᑦ ᐸᐃᑉᐹᓕᕆᔨᒥᑦ ᐃᑲᔪᖅᑎᖃᕋᑎᒃ, ᓵᔨᓐᖑᔪᖅ ᐱᓕᕆᐊᖃᕆᐊᖃᓕᖅᐸᑦᑐᓂ ᐊᐅᓚᑦᓯᔾᔪᑎᐅᖏᑦᑐᓂᑦ ᐱᓕᕆᐊᖑᓲᖑᔪᓂᑦ ᑭᒃᑯᑐᐃᓐᓇᕐᓂᑦ ᐱᔨᑦᓯᕋᖅᑎᒧᑦ. ᐋᔩᕈᑎᐅᔪᓐᓇᖅᑐᑦ, ᕈᐊᐃᐅᓐ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᑦ ᐱᓕᕆᐊᖃᕋᓱᒋᐊᓕᒥᓃᑦ ᐊᓯᖏᓐᓂᑦ ᐱᑎᑦᓯᑐᐃᓐᓇᖏᓪᓗᑎᒃ ᐱᓕᕆᔾᔪᑎᑦᓴᓂᑦ ᓇᓗᓇᐃᕐᓯᒪᒍᒪᓪᓗᑎᒃ ᑭᖕᖓᐃᑦ ᓈᒻᒪᑦᑐᓂᑦ ᐃᖅᑲᓇᐃᔭᖅᑎᖃᖁᓪᓗᒋᑦ. ᑭᓯᐊᓂᓕ, ᐱᔾᔪᑎᒋᓪᓗᒍ ᑮᓇᐅᔭᑎᒍᑦ ᖃᓄᐃᓕᖓᓂᖏᑦ ᕈᐊᐃᐅᓐ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᑦ, ᐊᒥᒐᖅᐸᑦᑐᑦ ᐱᓕᕆᔾᔪᑎᒍᑦ ᓄᓇᕘᒥ ᒐᕙᒪᒃᑯᓐᓄᑦ ᐊᒻᒪ ᐊᒥᒐᕐᓯᕙᓐᓂᖏᑦ ᐃᓚᒋᔭᐅᔪᑦ ᐱᔨᑦᓯᕋᕈᒪᔪᑦ ᐅᖓᓯᑦᑐᒻᒪᕆᓐᓂ ᓇᒧᑐᐃᓐᓇᖅ ᐊᖅᑯᑎᖃᓗᐊᖏᑦᑐᓂ ᐊᒻᒪ ᐃᓛᓐᓂᒃᑯᑦ, ᐊᑦᑕᓇᖅᐸᑦᑐᓂ, ᐃᓂᒋᔭᐅᔪᓂ, ᕈᐊᐃᐅᓐ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᑦ ᓇᓖᕌᕈᑎᑦᓴᖏᑦ ᓇᓗᓇᐃᕐᓯᒪᒍᒪᓂᕐᒥᑦ ᑭᖕᖓᐃᑦ ᓈᒻᒪᓯᐊᖅᑐᓂᑦ ᐃᖅᑲᓇᐃᔭᖅᑎᖃᖁᓪᓗᒋᑦ ᑭᓪᓕᖃᖅᐸᑦᑐᑦ.
ᐊᖏᖃᑎᒋᔭᕋ ᑕᒪᓐᓇ ᖃᐅᔨᔭᐅᔪᖅ, ᐃᓚᖓᒍᑦ, ᐃᖅᑲᓇᐃᔭᖅᐸᓐᓂᐅᔪᖅ ᐱᔭᑦᓴᓕᒻᒪᕆᐅᔪᒥ ᑎᒍᔭᐅᒪᕕᒻᒥ ᑐᖔᓃᑦᑐᓂᑦ ᐊᕝᕙᖏᓐᓂᑦ ᐃᓚᒋᔭᐅᒋᐊᓕᓐᓂᑦ ᐱᔪᓐᓇᐅᑎᖃᖅᑎᑕᐅᑎᓪᓗᒋᑦ ᓵᖕᖓᓂᐅᔪᖅ ᓈᒻᒪᖏᓐᓂᖓᓂᑦ. ᕈᐊᐃᐅᓐ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᑦ, ᑕᒪᓐᓇᐅᒐᓗᐊᖅᑎᓪᓗᒍ, ᓈᒻᒪᑦᑐᓂᑦ ᐱᓕᕆᐊᖃᕐᓂᓚᐅᖅᑐᑦ ᑕᐃᒪᐃᑦᑐᓴᐃᓐᓇᕐᓂᒃ ᓴᖅᑭᖃᓂᖁᔨᒐᑎᒃ ᐊᑐᖅᑕᐅᓯᒪᔪᓂᑦ.
| ᖃᐅᔨᔭᐅᔪᑦ | |
|---|---|
ᖃᐅᔨᔭᐅᔪᖅ 24: ᒋᐅᓪ ᓈᒻᒪᖏᑦᑐᒥᑦ ᖃᐅᔨᓴᕐᓂᖃᓚᐅᖅᑐᖅ ᐅᐊᑦᓯᐅᔪᒥᑦ. ᐅᐊᑦᓯᐅᔪᖅ ᑲᑦᓱᖓᐃᕐᓯᓯᒪᒐᓗᐊᖅᑐᓂ ᐊᒻᒪ ᐱᓕᕆᔪᒪᑦᑎᐊᖅᑐᓂ ᐊᔪᕐᓇᖏᓐᓂᖓᒍᑦ ᐊᑦᓱᕉᓴᓐᓇᖅᑐᒥ, ᓇᓗᓇᓚᐅᖏᑦᑐᖅ ᐊᒥᓲᓚᐅᕐᒪᑕ ᓱᕋᑦᑎᖅᑕᐅᓯᒪᔪᑦ ᐱᓕᕆᔾᔪᑎᒃᑯᑦ ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᑦ (RCMP) ᐸᓖᓯᒃᑯᑦ ᐊᑐᐊᒐᖏᓐᓂ ᑎᑎᕋᕐᓯᒪᔪᓂᑦ ᐱᓕᕆᔾᔪᑎᓂᑦ ᐊᒻᒪ ᐊᓯᖏᓐᓂᑦ ᐱᓕᕆᐊᖑᒋᐊᓕᓐᓂᑦ ᐅᐊᑦᓯᐅᔪᓄᑦ. |
ᐊᖏᖃᑎᖃᖅᑐᖅ |
ᖃᐅᔨᔭᐅᔪᖅ 25: ᐱᓕᒻᒪᓴᕐᓯᒪᔭᖏᑦ ᐅᐊᑦᓯᐅᔫᑉ ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᑦ (RCMP) ᐸᓖᓯᒃᑯᓐᓂᑦ ᓈᒻᒪᓚᐅᖏᑦᑐᑦ. ᐱᑕᖃᖅᑑᔮᓚᐅᖅᑑᒐᓗᐊᖅ ᑐᑭᓯᐅᒪᓂᕐᒥᑦ ᐊᑑᑎᐅᔪᓂᑦ ᐊᒻᒪ ᐃᑉᐱᒋᔭᒐᐅᔪᓂᑦ ᐱᓕᕆᐊᖃᕐᓂᒃᑯᑦ ᐅᐊᑦᓯᐅᔪᖅ ᐱᓪᓗᒍ, ᑭᓯᐊᓂ ᓈᒻᒪᓚᐅᖏᑦᑐᑦ ᐅᖃᐅᓯᐅᓯᒪᓚᐅᖅᑐᑦ ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᑦ (RCMP) ᐸᓖᓯᒃᑯᑦ ᐊᑐᐊᒐᑎᒍᑦ ᐊᑐᖅᑕᐅᔭᕆᐊᖃᖅᐸᑦᑐᑦ. |
ᐊᖏᖃᑎᖃᖅᑐᖅ |
ᖃᐅᔨᔭᐅᔪᖅ 26: ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᑦ (RCMP) ᐸᓖᓯᒃᑯᑦ ᐱᓇᓱᐊᓯᑦᑕᐅᑎᒋᓚᐅᖅᑐᑦ ᐋᓐᓂᐊᔪᓕᕆᔨᓄᑦ ᐃᑲᔪᖅᑕᐅᒋᐊᖁᓪᓗᒍ A.B. ᐱᒋᐊᖅᑕᐅᓚᐅᖅᑎᓪᓗᒍ. |
ᐊᖏᖃᑎᖃᖅᑐᖅ |
ᖃᐅᔨᔭᐅᔪᖅ 27: ᐱᔾᔪᑎᒋᓪᓗᒍ A.B. ᓱᓕ ᐱᐅᓯᖃᓚᐅᕐᓂᖓ ᓇᓗᓇᖅᑐᓂ ᖃᓄᐃᓕᐅᕐᓂᐊᓕᕐᒪᖔᕐᒥ, ᓈᒻᒪᓚᐅᖅᑐᖅ ᓵᔨᓐ ᒋᐅᓪ ᐋᓐᓂᐊᓯᐅᖅᑎᒥᑦ ᖃᐃᖁᔨᖔᓚᐅᕐᓂᖓ ᑎᒍᔭᐅᒪᕕᒻᒧᑦ A.B. ᐋᓐᓂᐊᕕᓕᐊᕈᔾᔭᐅᖏᓪᓗᓂ. |
ᐊᖏᖃᑎᖃᖅᑐᖅ |
ᖃᐅᔨᔭᐅᔪᖅ 28: ᓈᒻᒪᓚᐅᖅᑐᖅ ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᑦ (RCMP) ᐸᓖᓯᒃᑯᑦ ᑕᑎᒋᔭᖃᓚᐅᕐᓂᖏᓐᓂᑦ ᐋᓐᓂᐊᓯᐅᖅᑎᐅᑉ A ᐃᓪᓗᕈᓯᒻᒦᑎᑕᐅᖏᓐᓇᕆᐊᖃᕐᓂᖓᓄᑦ A.B. ᖃᐅᔨᓴᖅᑕᐅᓚᐅᖏᓐᓂᖓᓂ. |
ᐊᖏᖃᑎᖃᖅᑐᖅ |
ᖃᐅᔨᔭᐅᔪᖅ 29: ᓈᒻᒪᓚᐅᖏᑦᑐᖅ ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᑦ (RCMP) ᐸᓖᓯᒃᑯᑦ ᐅᐸᑦᓯᒪᓚᐅᖅᑐᑦ ᐋᓐᓂᐊᓯᐅᖅᑎ A ᐅᐸᑦᓯᒪᑎᓪᓗᒍ (ᑳᓐᔅᑕᐳᓪ ᓯᑑᕐᔾ, ᑳᓐᔅᑕᐳᓪ ᓱᓚᑦ, ᑳᓐᔅᑕᐳᓪ ᓯᒥᖦ ᐊᒻᒪ ᓵᔨᓐ ᒋᐅᓪ) ᓇᓗᓇᐃᕐᓯᓗᑎᒃ ᐅᖃᐅᔾᔪᐃᓐᓂᖏᒻᒪᑕ ᐋᓐᓂᐊᔪᓕᕆᓂᒃᑯᑦ ᖃᓄᖅ ᑲᒪᒋᔭᐅᒋᐊᖃᕐᒪᖔᖅ A.B. ᐊᑐᖅᑕᐅᖁᔭᒥᓂᒃ ᐋᓐᓂᐊᓯᐅᖅᑎᐅᑉ A ᐊᒻᒪ ᐊᖏᕈᑎᐅᓐᓂᖅᑐᑎᒃ ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᑦ (RCMP) ᐸᓖᓯᒃᑯᓐᓄᑦ ᐊᒻᒪ ᑎᑎᕋᖅᑕᐅᓐᓂᕋᓂ ᐅᓇ ᐸᕐᓇᐅᑎᐅᔪᖅ ᑎᒍᔭᐅᒪᔪᓂᑦ ᐅᓂᒃᑳᓕᐊᖑᒋᐊᓕᓐᓂ. ᑕᒪᓐᓇ ᑲᔪᓯᔭᐅᖏᑦᑐᒥᓂᐅᓂᖓ ᑲᒪᒋᔭᐅᒋᐊᖃᖅᑐᒥᑦ ᐅᓗᕆᐊᓇᖅᑐᒦᒍᑎᒋᔪᓐᓇᖅᑕᒥᓂᖓ A.B. |
ᐊᖏᖃᑎᖃᖅᑐᖅ |
ᖃᐅᔨᔭᐅᔪᖅ 30: ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᑦ (RCMP) ᐸᓖᓯᒃᑯᑦ ᐃᖅᑲᓇᐃᔭᕆᐊᖅᑐᑦ ᖃᐅᒻᒪᑦ ᖃᐅᔨᒪᑎᑕᐅᓕᕋᒥᒃ ᑎᒥᖓᒍᑦ ᖃᐅᔨᓴᖅᑕᐅᒋᐊᖃᕐᓂᖓᓄᑦ A.B., ᐱᓕᕆᒋᐊᓯᓚᐅᖅᑐᑦ ᖃᐅᔨᓴᖅᑕᐅᑎᑦᑐᒍ ᑭᖑᓂᑦᓯᐊᖓᒍᑦ. |
ᐊᖏᖃᑎᖃᖅᑐᖅ |
ᖃᐅᔨᔭᐅᔪᖅ 31: ᐅᐊᑦᓯᐅᔪᖅ ᐊᒻᒪ ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᑦ (RCMP) ᐸᓖᓯᒃᑯᑦ A.B.-ᒥᑦ ᐃᑲᔪᕋᓱᒋᐊᓕᒥᓂᐅᒐᓗᐊᑦ ᐱᓪᓗᒍ ᐋᓐᓂᖅᑕᐅᓯᒪᓂᖓ, ᐊᑦᑕᓇᔾᔭᐃᕐᓯᒪᓗᑎᒃ ᐃᑲᔪᕈᓐᓇᕐᓂᕈᑎᒃ. |
ᐊᖏᖃᑎᖃᖅᑐᖅ |
ᖃᐅᔨᔭᐅᔪᖅ 32: ᑐᑭᓯᒋᐊᕈᑎᑕᖃᖏᑦᑐᖅ ᐃᓱᒪᓕᐅᕆᔾᔪᑎᑦᓴᒥᑦ A.B. ᐃᓕᕋᓇᕐᓵᖑᓐᓂᕐᒪᖔᖅ ᐅᕝᕙᓘᓐᓃᑦ ᐊᔪᐃᓐᓈᖑᓐᓂᕐᒪᖔᖅ ᐊᖏᖁᔭᐅᓗᓂ ᐱᖁᔭᐅᔪᒥᑦ. ᐊᐅᓚᑦᑎᔨ ᖃᐅᔨᒋᐊᕐᓯᒪᔪᒥᓂᖅ ᑖᑦᓱᒥᖓ ᑭᒡᒐᖅᑐᐃᓗᓂ ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᑦ (RCMP) ᐸᓖᓯᒃᑯᓐᓂᑦ ᒪᓕᑦᑑᔮᓚᐅᖅᑐᖅ ᑮᓇᐅᔭᓕᕆᓂᕐᒥᑦ ᑲᑎᒪᔩᑦ ᑎᑎᕋᖅᑎᖏᑕ ᐊᑐᐊᒐᖏᓐᓂᑦ ᐊᐅᓚᑦᑎᔾᔪᑎᐅᕙᑦᑐᓂᑦ ᖃᓄᖅ ᐊᐅᓚᑕᐅᒋᐊᖃᕐᓂᖏᓐᓂᑦ ᐊᑭᓕᖅᑕᐅᔾᔪᑎᓂᑦ ᐱᓇᓱᐊᕈᑎᐅᔪᑦ ᐊᔾᔨᒌᖏᑦᑐᓂᑦ ᒐᕙᒪᒃᑯᑦ ᐱᓕᕆᕝᕕᖏᓐᓂᑦ, ᐊᒻᒪ ᐊᑕᐅᓯᐊᕋᑎᒃ ᐃᓱᒪᓕᐅᕆᕙᓚᐅᖅᑐᑦ A.B. ᑐᑭᓯᒋᐊᖁᔭᐅᓗᓂ ᒪᓕᒐᓕᕆᔨᒥᑦ ᐅᖃᐅᓯᖃᒃᑲᓐᓂᓚᐅᖏᓂᕐᒥᓂ ᐱᖁᔭᐅᔪᓂᑦ. |
ᐊᖏᖃᑎᖃᖅᑐᖅ |
ᖃᐅᔨᔭᐅᔪᖅ 33: ᐅᐱᓐᓇᕋᓂ ᐃᓱᒫᓘᑎᑕᖃᕐᒪᑦ ᑭᓇᑐᐃᓐᓇᖅ A.B.-ᑎᑐᑦ ᐊᑐᖅᑐᑦ ᐅᓗᕆᐊᓇᖅᑐᒦᒍᓐᓇᕐᒪᑕ ᐊᒻᒪ ᐱᓕᕆᔾᔪᑎᐅᑐᐃᓐᓇᕆᐊᖃᖅᑐᑎᒃ ᐊᔾᔨᒋᑎᑕᐅᖏᓪᓗᑎᒃ, ᐊᒻᒪ/ᐅᕝᕙᓘᓐᓃᑦ ᖃᓄᐃᒍᑎᖃᕐᓗᑎᒃ ᑕᐃᒫᑦᓯᐊᖅ ᐃᓱᒪᓕᐅᕆᔪᓐᓇᕐᓂᖏᓐᓂᑦ ᐊᑐᖅᑕᐅᔪᓐᓇᖅᑐᒥᑦ ᓴᖅᑭᑕᐅᓯᒪᔪᑦ ᐱᔾᔪᑎᒋᓪᓗᒋᑦ, ᐅᓗᕆᐊᓇᖅᑐᒦᔾᔭᐃᑯᑎᑦᓴᓂᑦ ᐋᖅᑭᑦᓱᐃᒋᐊᓕᐅᔪᑦ ᐊᑐᐊᒐᑎᒍᑦ, ᐱᓕᕆᔾᔪᑎᒍᑦ ᐊᒻᒪ ᐱᓕᒻᒪᑦᑕᐅᑎᒍᑦ. |
ᐊᖏᖃᑎᒐ ᐃᓚᖓᒍᑦ |
ᑲᓇᑕᒥ ᐊᑭᓕᖅᑕᐅᓇᓱᐊᕈᑎᓂᑦ ᐃᖅᑲᖅᑐᐃᕕᒃᑯᑦ ᐊᑐᐊᒐᓕᕆᓂᕐᒥᑦ ᑐᖕᖓᕕᒃ (NCPC) ᐃᓱᒪᒋᔭᒥᓂᒃ ᐅᖃᐅᓯᖃᓚᐅᖅᑐᑦ ᐊᑑᑎᖃᖅᑐᓂᑦ ᖃᐅᔨᓴᖅᑎᓄᑦ ᖃᐅᔨᔭᐅᔪᒥᑦ. ᑭᐅᔾᔪᑎᖏᓐᓂ, ᑲᓇᑕᒥ ᐊᑭᓕᖅᑕᐅᓇᓱᐊᕈᑎᓂᑦ ᐃᖅᑲᖅᑐᐃᕕᒃᑯᑦ ᐊᑐᐊᒐᓕᕆᓂᕐᒥᑦ ᑐᖕᖓᕕᒃ (NCPC) ᐅᖃᓚᐅᖅᑐᑦ ᐃᑲᔪᕐᓱᐃᖏᒻᒪᑕ ᐊᑐᐊᒐᕐᓂᑦ ᓴᖅᑮᑲᓐᓂᖁᔨᔪᓂᑦ ᑭᓯᐊᓂ ᐊᖏᖃᑎᖃᓚᐅᖅᑐᑦ ᐊᑑᑎᖃᕋᔭᕐᓂᖏᓐᓂᑦ ᐱᓕᒻᒪᓴᖅᑕᐅᓐᓂᕈᑎᒃ ᖃᓄᑭᐊᖅ.
ᐊᑐᐊᓕᐅᕐᕕᒃᑯᑦ ᐅᖃᓚᐅᖅᑐᑦ ᓈᒻᒪᑦᑐᓂᑦ ᐱᓕᕆᔾᔪᑎᖃᕐᒪᑕ ᐊᑐᐊᒐᕆᔭᐅᕙᑦᑐᓂᑦ ᐱᔾᔪᑎᒋᓪᓗᒋᑦ ᖃᓄᖅ ᐊᔾᔨᒌᑎᑦᓯᓂᒃᑯᑦ ᐱᓕᕆᐊᖃᕈᓐᓇᕐᒪᖔᑕ ᐊᑭᓕᖅᑕᐅᓇᓱᐊᕈᑎᓂᑦ ᐅᑯᓇᖕᖓᑦ ᕈᐊᐃᐅᓐ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᓐᓂᑦ. ᑲᓇᑕᒥ ᐊᑐᐊᒐᓕᐅᕈᑎᒥᑦ ᑕᐃᔭᐅᔪᒥᑦ ᑲᓇᑕᒥ ᐱᓕᕆᔾᔪᑎᓄᑦ ᐱᔾᔪᓯᐅᔪᒥᑦ (NPS) ᐊᑐᖅᑕᐅᕙᑦᑐᑦ ᐅᑯᓄᖓ ᕈᐊᐃᐅᓐ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᓐᓂ. ᐅᓇ ᐱᓕᕆᔾᔪᑎᐅᔪᖅ ᓴᓇᔭᐅᓚᐅᖅᑐᖅ ᐅᑯᓄᖓ, ᐊᒻᒪ ᐊᑐᐃᓐᓇᐅᓗᑎᒃ ᐅᑯᓄᖓ, ᐊᑭᓕᖅᑕᐅᓇᓱᐊᕈᑎᓂᑦ ᖃᐅᔨᓴᖅᑎᓄᑦ ᑲᓇᑕᒥ ᓇᒥᑐᐃᓐᓇᖅ ᓄᓇᓕᓐᓄᑦ ᐊᒻᒪ ᐱᑕᖃᖅᑐᓂ ᑲᓇᑕᒥ ᑐᑭᓕᐅᕈᑎᓂᑦ ᐊᒻᒪ ᐊᑐᐊᒐᕐᓂᑦ ᐊᐅᓚᑦᓯᔾᔪᑎᓂᑦ ᐊᑭᓕᖅᑕᐅᓇᓱᐊᕈᑎᓂᑦ.
ᐃᓚᒋᔭᐅᓗᑎᒃ ᐅᑯᓄᖓ ᑲᓇᑕᒥ ᐱᓕᕆᔾᔪᑎᓄᑦ ᐱᔾᔪᓯᐅᔪᒥᑦ (NPS), ᐃᑲᔪᕐᓱᐃᔾᔪᑏᑦ ᑎᑎᖅᑲᖏᑦ ᕈᐊᐃᐅᓐ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᑦ ᑭᒡᒐᖅᑐᐃᔨᖏᑕ ᑮᓇᐅᔭᓕᕆᔾᔪᑎᓂᑦ ᐊᑎᓕᐅᕈᓐᓇᓂᕐᒥᑦ ᐱᔪᓐᓇᐅᑎᖃᖅᑎᐅᔪᑦ (DFSA) ᑭᒡᒐᖅᑐᐃᔨᓂᑦ ᐊᐅᓚᑦᓯᔨᓂᑦ ᐱᑎᑦᓯᕙᑦᑐᑦ ᑐᑭᓯᒋᐊᕈᑎᓂᑦ ᐊᒻᒪ ᑐᑭᓕᐊᕈᑎᖏᓐᓂᑦ ᐱᔪᓐᓇᐅᑎᐅᔪᑦ ᐊᑭᓕᖅᑕᐅᓇᓱᐊᕈᑎᓄᑦ ᐊᒻᒪ ᐃᖅᑲᖅᑐᐃᕕᒃᑰᖏᑦᑐᖅ ᐊᑭᓕᕐᓱᐃᔾᔪᑎᓂᑦ (ᑲᔪᓯᑎᑕᐅᒋᐊᖓᓚᐅᕐᓯᒪᔪᑦ ᔪᓚᐃ 2021, ᐊᒻᒪ ᑎᑎᕋᕆᐊᖅᑕᐅᓗᑎᒃ ᕕᕝᕗᐊᕆ 2022).
ᑲᓇᑕᒥ ᐊᑭᓕᖅᑕᐅᓇᓱᐊᕈᑎᓂᑦ ᐃᖅᑲᖅᑐᐃᕕᒃᑯᑦ ᐊᑐᐊᒐᓕᕆᓂᕐᒥᑦ ᑐᖕᖓᕕᒃ (NCPC) ᐃᓱᒪᒋᔭᖃᖅᑐᑦ ᑖᒃᑯᐊ ᒪᕐᕉᒃ (2) ᑎᑎᖅᑳᒃ, ᐊᑕᐅᑦᓯᒃᑯᑦ ᐅᑯᓂᖓ ᑮᓇᐅᔭᓕᕆᓂᕐᒥᑦ ᑲᑎᒪᔨᓂᑦ ᑐᑭᒧᐊᕈᑏᑦ ᐊᑭᓕᕐᓱᐃᑎᓄᑦ ᐊᒻᒪ ᐊᑐᐊᒐᐃᑦ ᐊᑭᓕᖅᑕᐅᓇᓱᐊᕈᑎᓄᑦ ᐱᑕᖃᖅᐸᑦᑐᑦ ᓈᒻᒪᑦᑐᓂᑦ ᑲᓇᑕᒥ ᐊᑐᐊᒐᕐᓂᑦ ᐊᑐᖁᔭᐅᔪᓂᑦ. ᑕᒪᓐᓇ ᐅᖃᖅᑐᒍ, ᑲᓇᑕᒥ ᐱᓕᕆᔾᔪᑎᓄᑦ ᐱᔾᔪᓯᐅᔪᒥᑦ (NPS) ᒫᓐᓇ ᐅᖃᐅᓯᖃᖅᐸᖏᑦᑐᑦ ᐱᓪᓗᐊᑕᖏᓐᓂᑦ ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐋᔩᖃᑎᖃᕐᓂᕐᒥᑦ ᐅᓗᕆᐊᓇᖅᑐᒦᑐᐃᓐᓇᕆᐊᓕᓐᓂᑦ ᑭᒃᑯᑐᐃᓐᓇᕐᓂᑦ. ᑲᓇᑕᒥ ᐊᑐᐊᒐᓕᕆᓂᕐᒥᑦ ᑐᖕᖓᕕᒃ ᕿᓂᕐᓂᐊᖅᑐᑦ ᐊᓯᔾᔩᓂᕐᒥᑦ ᑲᓇᑕᒥ ᐱᓕᕆᔾᔪᑎᓄᑦ ᐱᔾᔪᓯᐅᔪᒥᑦ (NPS) ᐅᔾᔨᕆᔭᐅᑭᐊᒃᑲᓐᓂᖁᓪᓗᒋᑦ ᐊᒻᒪ ᐊᑐᐊᒐᖃᕐᓗᑎᒃ ᐱᔾᔪᑎᒋᓪᓗᒋᒃ ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐋᔩᖃᑎᖃᕐᓂᕐᒥᑦ ᐅᓗᕆᐊᓇᖅᑐᒦᒍᓐᓇᖅᑐᓂᑦ ᑭᒃᑯᑐᐃᓐᓇᕐᓂᑦ.
ᐅᕙᖓ ᑕᑯᓐᓇᖅᑕᖓᒍᑦ, ᑲᓇᑕᒥ ᐊᑭᓕᖅᑕᐅᓇᓱᐊᕈᑎᓂᑦ ᐃᖅᑲᖅᑐᐃᕕᒃᑯᑦ ᐊᑐᐊᒐᓕᕆᓂᕐᒥᑦ ᑐᖕᖓᕕᒃ (NCPC) ᖃᓄᐃᓕᖓᒍᑎᖓᑦ ᓈᒻᒪᑦᑐᖅ ᐊᓯᔾᔩᑉᐸᑕ ᐊᑐᐊᒐᕐᓂᑦ ᐊᔾᔨᑐᐃᓐᓇᖏᓐᓂᑦ ᓴᖅᑮᒐᔭᕐᒪᑕ ᑐᕌᒐᖏᓐᓂᑦ ᐊᑭᓕᖅᑕᐅᓇᓱᐊᕈᑎᓂᑦ ᐱᓕᕆᔾᔪᑎᐅᕙᑦᑐᓂᑦ ᐊᑐᖅᑕᐅᕙᒌᖅᑐᓂᑦ. ᖃᐅᔨᒪᔪᖓ ᐱᓕᕆᔾᔪᓯᖃᕐᓂᕐᒪᑕ ᐊᒻᒪ ᐱᓕᕆᔪᓐᓇᖅᑐᑎᒃ ᓄᐊᕐᖦ ᐅᐊᔅ ᐊᑭᓕᖅᑕᐅᔾᔪᑎᓂᑦ ᐱᓇᓱᐊᖅᑐᓕᕆᓂᕐᒥᑦ ᐱᔨᑦᓯᕋᖅᑏᑦ (North West Claims, Litigation and Advisory Services), ᑕᑯᑦᓴᐅᓚᐅᖅᑐᓂᑦ ᐱᓕᕆᐊᖑᔪᒥ, ᒪᓕᑦᑐᒋᑦ ᓇᓗᓇᐃᔭᖅᑕᐅᓯᒪᔪᑦ ᖃᐅᔨᓴᖅᑎᓄᑦ, A.B. ᐅᖃᐅᔾᔭᐅᓚᐅᖅᑐᖅ, ᐊᑕᐅᓯᐊᕋᓂ, ᐊᑭᓕᕐᓱᖅᑕᐅᓇᓱᐊᕈᑎᓂᑦ ᐊᐅᓚᑦᓯᔨᒧᑦ, ᐃᖕᒥᓂᕐᓱᖅᑐᒥᑦ ᒪᓕᒐᓕᕆᔨᒥᑦ ᖃᐅᔨᒋᐊᖁᔭᐅᓗᓂ ᓯᕗᓂᐊᒍᑦ ᐊᖏᓚᐅᖏᓂᕐᒥᓂ ᐋᖅᑭᒍᑎᐅᖁᔭᐅᔪᓂᑦ.
ᑭᓯᐊᓂᓕ, ᑲᓇᑕᒥ ᐊᑭᓕᖅᑕᐅᓇᓱᐊᕈᑎᓂᑦ ᐃᖅᑲᖅᑐᐃᕕᒃᑯᑦ ᐊᑐᐊᒐᓕᕆᓂᕐᒥᑦ ᑐᖕᖓᕕᒃ (NCPC) ᑕᐃᒫᑦᑕᐅᖅ ᐃᓱᒪᒋᔭᖃᖏᒃᑲᓗᐊᖅᑐᑎᒃ ᖃᐅᔨᓴᖅᑏᑦ ᑕᑯᓐᓇᖅᑕᖏᓐᓂᑦ ᐊᑐᐊᒐᖃᖏᒻᒪᑦ ᐱᓪᓗᐊᑕᐅᔪᓂᑦ ᕈᐊᐃᐅᓐ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᓐᓄᑦ, ᐱᔾᔪᑎᒋᓪᓗᒋᑦ ᐱᓕᕆᔾᔪᑎᐅᔪᑦ ᐊᑐᐃᓐᓇᕆᔭᐅᔪᑦ ᑖᒃᑯᓄᖓ, ᑎᓕᓂᐊᖅᐸᒃᑲ ᑲᓇᑕᒥ ᐊᑭᓕᖅᑕᐅᓇᓱᐊᕈᑎᓂᑦ ᐃᖅᑲᖅᑐᐃᕕᒃᑯᑦ ᐊᑐᐊᒐᓕᕆᓂᕐᒥᑦ ᑐᖕᖓᕕᒃ (NCPC) ᐊᓯᔾᔩᖁᓗᒋᑦ ᑲᓇᑕᒥ ᐱᓕᕆᔾᔪᑎᓄᑦ ᐱᔾᔪᓯᐅᔪᓂᑦ (NPS) ᑎᑎᖅᑲᒥ ᑎᑎᕋᕐᓯᒪᔪᓂᑦ ᐱᖃᓯᐅᔾᔭᐅᓯᒪᖁᓗᒋᑦ ᐊᑐᕆᐊᓖᑦ ᐱᔾᔪᑎᖃᖅᑐᑦ ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐋᔩᖃᑎᖃᕐᓂᕐᒥᑦ ᐅᓗᕆᐊᓇᖅᑐᒦᒍᓐᓇᖅᑐᓂᑦ ᑭᒃᑯᑐᐃᓐᓇᕐᓂᑦ. ᐊᖏᖃᑎᖃᖅᑐᖓ ᑕᒪᓐᓇ ᐱᐅᔫᒻᒪᑦ ᐱᓕᕆᐊᑦᓴᖅ ᐊᒻᒪ ᐃᑲᔪᕐᓱᓯᐊᖅᑕᕋ ᑕᒪᓐᓇ ᖃᐅᔨᓴᖅᑏᑦ ᖃᐅᔨᓯᒪᔭᖓᑦ ᐱᔾᔪᑎᖃᖅᑐᖅ ᑲᓇᑕᒥ ᐱᓕᕆᔾᔪᑎᓂᑦ.
| ᖃᐅᔨᔭᐅᔪᑦ | |
|---|---|
ᖃᐅᔨᔭᐅᔪᖅ 34: It is oᐃᓱᒫᓗᓇᖅᑐᖅ ᖃᐅᔨᓴᖅᑎᓄᑦ ᐱᑕᖃᖏᒻᒪᑦ ᑲᓇᑕᒥ, ᓄᓇᓕᖃᕐᕕᓐᓂ ᐅᕝᕙᓘᓐᓃᑦ ᐱᓕᕆᕝᕕᖏᓐᓂ ᐊᑐᐊᒐᐅᔪᓂᑦ ᐊᑐᖅᑕᐅᕙᑦᑐᓂᑦ ᐱᔾᔪᑎᖃᓪᓗᐊᖅᑐᓂᑦ ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᑦ (RCMP) ᐸᓖᓯᒃᑯᑦ ᐱᓕᕆᔾᔪᑎᒋᕙᑦᑕᖏᓐᓂ ᐊᑭᓕᖅᑕᐅᔾᔪᑎᓂᑦ ᐱᓇᓱᐊᕈᑎᐅᔪᑦ ᐱᓪᓗᒍ. ᐃᓱᒫᓗᓇᕐᒥᔪᖅ ᐅᑯᐊ ᓄᐊᕐᖦ ᐅᐊᔅ ᐊᑭᓕᖅᑕᐅᔾᔪᑎᓂᑦ ᐱᓇᓱᐊᖅᑐᓕᕆᓂᕐᒥᑦ ᐱᔨᑦᓯᕋᖅᑏᑦ (North West Claims, Litigation and Advisory Services), ᐋᔩᖅᑏᑦ ᐃᖅᑲᖅᑐᐃᕕᒻᒥ ᐊᒻᒪ ᐅᖃᐅᔾᔪᐃᒋᐊᖅᑏᑦ ᐊᑐᐊᒐᖃᖏᒻᒪᑕ ᐊᐅᓚᑦᑎᔾᔪᑎᓂᑦ ᐊᐅᓚᑦᓯᔾᔪᑎᖏᓐᓂᑦ, ᐱᓪᓗᐊᑕᐅᔪᓂᑦ ᐱᑕᖃᕋᓂᓗ ᐱᓕᒻᒪᑦᓴᐃᑎᑦᓴᓂᑦ ᐱᓕᕆᐊᑦᓴᒥᑦ ᐃᖅᑲᓇᐃᔭᖅᑎᖏᓐᓅᖓᔪᒥᑦ ᖃᓄᖅ ᐊᑭᓕᖅᑕᐅᔾᔪᑎᓂᑦ ᐱᓇᓱᐊᕈᑎᓂᑦ ᐊᐅᓚᑦᑎᒋᐊᖃᕐᒪᖔᑕ. |
ᐊᖏᖃᑎᖃᖏᑦᑐᖅ |
ᐱᔾᔪᑎᒃᑲ ᐅᖃᐅᓯᕆᓯᒪᔭᒃᑲ ᐱᓪᓗᒍ ᓇᓂᔭᐅᓯᒪᔪᖅ #33, ᐊᖏᖃᑎᒋᖏᑕᕋ ᖃᐅᔨᓴᖅᑏᑦ ᖃᐅᔨᔭᖏᑦ.
| ᖃᐅᔨᔭᐅᔪᑦ | |
|---|---|
| ᖃᐅᔨᔭᐅᔪᖅ 35: ᓇᓗᓇᐃᔭᐃᑎᑕᖃᖏᑦᑐᖅ ᓇᓗᓇᐃᔭᐃᓯᒪᔪᓂᑦ ᐊᑐᓂ ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᑦ ᖃᓄᐃᓕᐅᕈᑎᒋᓚᐅᖅᑕᖏᑦ ᐊᑐᖅᑕᐅᓚᐅᕐᒪᖔᑕ ᐱᔾᔪᑎᒋᓪᓗᒍ ᐅᕕᓂᖃᑎᒌᖏᓐᓂᐅᔪᖅ ᐅᕝᕙᓘᓐᓃᑦ ᓇᓪᓕᐊᑕ ᐊᑐᓂ ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᑦ ᐃᓚᒋᔭᐅᓚᐅᕐᒪᖔᑕ ᐃᓚᐃᓐᓈᕐᓂᐅᔪᓂᑦ ᐱᓕᕆᔾᔪᑎᐅᑎᓪᓗᒍ A.B. | ᐊᖏᖃᑎᖃᖅᑐᖅ |
ᖃᐅᔨᔭᐅᔪᖅ 36: ᖃᓄᐃᓪᓗᐊᕐᓂᖓ ᐱᔨᑦᓯᕋᐅᑎᐅᕙᑦᑑᑉ ᑭᖕᖓᐃᑦ ᑎᒍᔭᐅᒪᕕᒻᒥ ᓈᒻᒪᖏᑦᑐᒻᒪᕆᐅᓚᐅᖅᑐᖅ. ᖃᓄᐃᓪᓗᐊᕐᓂᖓ ᐱᓕᕆᔾᔪᑎᖃᑦᓯᐊᖏᓐᓂᐅᑉ ᑕᑯᓐᓇᐅᖅᑕᐅᓯᒪᔫᑉ ᐊᑐᖅᑕᐅᔪᑦ ᐃᓱᒫᓘᑎᐅᓕᖅᑐᑎᒃ ᐊᑐᖅᑕᐅᑐᐃᓐᓇᕆᐊᓕᓐᓂᑦ ᐱᓕᕆᔾᔪᑎᒍᑦ ᐃᓚᐃᓐᓈᓂᕐᒥᑦ. |
ᐊᖏᖃᑎᖃᖏᑦᑐᖅ |
ᒪᓕᑦᑐᒋᑦ ᐅᖃᐅᓯᕆᓯᒪᔭᒃᑲ ᑭᐅᔾᔪᑎᓐᓂ ᐊᑐᖁᔭᒧᑦ #11 ᐊᒻᒪ ᓇᓂᔭᐅᔪᒧᑦ #23, ᕈᐊᐃᐅᓐ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᑦ ᐱᓇᓱᐊᕐᓯᒪᔪᑦ, ᐊᕐᕌᒍᓂ, ᓇᓗᓇᐃᕐᓯᒪᓂᕐᒥᑦ ᑭᖕᖓᐃᑦ ᑎᒍᔭᐅᒪᕕᖓᑦ, ᐊᒻᒪᓗ ᐊᓯᖏᑦ ᑎᒍᔭᐅᒪᕕᐅᔪᑦ ᓄᓇᕘᓕᒫᒥ ᓈᒻᒪᑦᑐᓂᑦ ᐱᓕᕆᔾᔪᑎᖃᖁᕙᑦᑐᒋᑦ. ᑭᓯᐊᓂᓕ, ᑐᑦᓯᕋᐅᑎᐅᔪᖅ ᐱᒃᑲᓐᓂᕈᒪᓪᓗᑎᒃ ᐱᓕᕆᔾᔪᑎᑦᓴᓂᑦ ᐊᖏᖅᑕᐅᒐᔪᑉᐸᖏᑦᑐᑦ ᐱᔪᓐᓇᐅᑎᓕᓐᓄᑦ.
ᖃᐅᔨᒪᔭᐅᔭᕆᐊᓕᒃ ᐊᑐᖅᑕᐅᔪᒪᔪᑦ ᓈᒻᒪᑦᓯᐊᖅᑐᓂᑦ ᐃᖅᑲᓇᐃᔭᖅᑎᖃᕐᓂᖅ ᐊᒻᒪ ᓱᓇᒃᑯᑖᖃᑦᓯᐊᖅᑐᓂᑦ ᐱᓕᕆᔨᖃᕐᓂᖅ ᐊᑐᖅᑕᐅᔪᒪᕙᒻᒪᑦ ᐃᓘᓐᓇᖏᓐᓂ ᕈᐊᐃᐅᓐ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᑦ ᑎᒍᔭᐅᒪᕕᖏᓐᓂ ᓄᓇᕘᒥ ᓇᓗᓇᐃᕐᓯᒪᖁᓪᓗᒋᑦ ᐱᓕᕆᓂᒃᑯᑦ ᑲᔪᓯᔾᔪᑎᖃᕐᓂᐅᔪᖅ, ᐃᓚᒋᔭᐅᔪᑦ ᖃᓄᐃᖏᑦᓯᐊᖁᓪᓗᒋᑦ ᐊᒻᒪ ᐊᔾᔨᒌᓂᑦ ᐱᔨᑦᓯᕋᐅᑎᖃᖅᐸᓐᓂᖅ, ᑕᒪᒃᑯᐊ ᑭᐅᔾᔪᑎᐅᓗᑎᒃ ᓄᓇᓕᐅᔪᓄᑦ ᐱᔨᑦᓯᕋᖅᑕᐅᕙᑦᑐᓄᑦ ᕈᐊᐃᐅᓐ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᓐᓄᑦ.
ᑕᒪᓐᓇ ᐅᖃᖅᑐᒍ, ᒪᑭᒪᑎᑦᓯᓂᖅ ᓈᒻᒪᑦᑐᓂᑦ ᐃᖅᑲᓇᐃᔭᖅᑎᖃᕐᓂᕐᒥᑦ ᓴᖅᑭᕈᓐᓇᖅᑐᑦ ᑕᒪᒃᑮᒃ ᕈᐊᐃᐅᓐ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᑦ ᐊᒻᒪ ᒐᕙᒪᒃᑯᑦ ᓄᓇᕘᒧᑦ ᖃᓄᐃᓕᐅᕆᐊᕈᑎᒃ ᐊᒻᒪ ᑲᑐᔾᔨᖃᑎᒌᓐᓂᒃᑯᑦ ᑭᓯᐊᓂ ᐊᑐᖅᑕᐅᓕᕈᓐᓇᖅᑐᑎᒃ. ᐊᓯᐊᒍᑦ ᐱᕙᓪᓕᐊᑎᑦᓯᐊᖅᑐᓂᑦ ᒫᓐᓇᒃᑯᑦ ᐱᓕᕆᔾᔪᑎᐅᕙᑦᑐᓂᑦ ᐊᐅᓚᑦᓯᔾᔪᑎᖃᕆᐊᖃᕐᓂᖅ, ᕈᐊᐃᐅᓐ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᑦ ᐱᓕᕆᐊᖃᕆᐊᖃᖅᐸᑦᑐᑦ ᑕᐃᒫᓪᓗᐊᖅ ᖃᐅᔨᓂᕐᒥᑦ, ᐅᓂᒃᑳᖃᕆᐊᖃᕐᓂᕐᒥᑦ ᐊᒻᒪ ᓴᖅᑮᓂᕐᒥᑦ ᐊᑐᖁᔭᐅᔪᓂᑦ ᐊᒻᒪ ᑎᑎᖅᑲᓂᑦ ᓄᓇᕘᑉ ᒐᕙᒪᒃᑯᖏᓐᓄᑦ ᐱᔾᔪᑎᖃᕐᓗᑎᒃ ᐊᓯᔾᔨᐸᓪᓕᐊᔪᑦ ᐱᓕᕆᔾᔪᑎᐅᕙᒋᐊᓕᐅᕙᓕᖅᑐᑦ. ᒐᕙᒪᒃᑯᑦ ᓄᓇᕘᒧᑦ ᐃᓱᒪᑦᓴᕐᓯᐅᕆᐊᖃᓕᖅᑐᑦ ᐊᒻᒪ ᓇᓕᒧᐃᓗᑎᒃ ᐱᓕᕆᐊᕆᔭᕆᐊᓕᓐᓂᒃ ᓄᓇᕘᒥ ᐱᔭᑦᓴᓕᐅᕈᑎᓕᕆᓂᖅ ᐱᓪᓗᒋᑦ ᐅᑯᐊ ᑮᓇᐅᔭᓕᕆᓂᒃᑯᑦ ᐊᒻᒪ/ᐅᕝᕙᓘᓐᓃᑦ ᒪᑭᒪᑎᑦᓯᔾᔪᑎᒃᑯᑦ ᐱᓕᕆᔾᔪᑎᐅᔪᒪᓯᒪᔪᑦ ᐱᓕᕆᐊᖑᔪᓐᓇᖁᓪᓗᒋᑦ ᕈᐊᐃᐅᓐ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᑦ ᐱᓕᕆᔾᔪᑎᓕᕆᔪᑦ ᐊᑐᖁᓯᒪᔭᖏᑦ.
ᐊᑦᓱᕉᑎᐅᔪᑦ ᓈᒻᒪᑎᑦᓯᒐᓱᐊᕈᑎᐅᔪᑦ ᐱᓕᕆᔾᔪᑎᖃᖅᑎᑦᓯᓂᕐᒥᑦ ᑎᒍᔭᐅᒪᕕᓐᓂᑦ ᐅᑭᐅᖅᑕᖅᑐᒥ ᓄᑖᖑᖏᓯᐊᖅᑐᑦ. ᑕᒪᒃᑯᐊ ᐊᑦᓱᕉᑎᐅᔪᑦ ᐃᓕᑕᕆᔭᐅᓚᐅᖅᑐᑦ ᐳᕋᐃᓐ ᐱᓕᕆᔨᐅᔪᓄᑦ ᐱᓪᓗᒋᑦ ᐊᐅᓚᑦᓯᔾᔪᑎᓂᑦ ᐊᒻᒪ ᐃᓕᖅᑯᓯᒃᑯᑦ ᐊᓯᔾᔩᓂᖅ ᐅᑯᓇᓂ ᕈᐊᐃᐅᓐ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᓂᑦ Footnote 2. ᒪᑉᐱᒐᕐᒥ 23 ᐅᓂᒃᑳᓕᐊᓂ, ᐱᓕᕆᔨᐅᔪᑦ ᐅᖃᐅᓯᖃᖅᑐᑦ ᐱᔭᕆᐊᑐᕙᑦᑐᓂᑦ ᐃᖅᑲᓇᐃᔭᖅᑎᑖᕋᓱᓐᓂᕐᒥᑦ ᑎᒍᔭᐅᒪᕕᓐᓂ ᔫᑳᓐᒥ ᐊᒻᒪ ᓄᓇᑦᓯᐊᕐᒥ ᐊᒻᒪ ᓄᓇᕘᒥ:
ᐃᖅᑲᓇᐃᔭᖅᑏᑦ ᓇᒧᑐᐃᓐᓇᖅ ᐊᖅᑯᑎᖃᖏᑦᑐᓂ ᐊᒻᒪ ᐅᑭᐅᖅᑕᖅᑐᓂ ᐃᖅᑲᓇᐃᔭᕐᕕᓐᓅᕆᒋᐊᖅ ᓴᖅᑮᕙᑦᑐᑦ ᐱᓪᓗᐊᑕᒥᑦ ᐊᑲᐅᖏᓕᐅᕈᑎᒥᑦ, ᐃᓚᖏᑦ ᐅᓗᕆᐊᓇᖅᑐᒦᒐᔪᑦᑐᑎᒃ ᐊᑦᓱᑲᓪᓚᒃ ᐃᖅᑲᓇᐃᔭᖅᑎᑭᑦᓴᕐᓂᐅᔪᒥᑦ ᓯᕗᓂᑦᓯᐊᑎᓐᓂ. ᐃᓚᒋᔭᐅᓗᓂ ᑎᒥᒃᑯᑦ ᐊᑦᓱᕉᓴᓇᖅᑐᑦ ᑕᒪᒃᑯᐊ ᐃᓂᐅᔪᑦ ᐱᓪᓗᒋᑦ, ᕿᒪᐃᓯᒪᕙᓐᓂᐅᔪᖅ ᐃᓚᒋᔭᓂᑦ ᐊᒻᒪ ᓇᓪᓕᒋᔭᓂᑦ ᐱᔭᕆᐊᑐᕙᒻᒪᑦ ᕈᐊᐃᐅᓐ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᓂᑦ ᐃᓚᑖᕋᓱᓐᓂᐅᕙᑦᑐᖅ ᐊᒻᒪ ᐃᖅᑲᓇᐃᔭᖅᑎᑖᕋᓱᓐᓂᖅ ᑕᒪᒃᑯᓄᖓ ᐃᓂᐅᔪᓄᑦ. ᑕᐃᒃᑯᐊ ᐃᓚᒡᒋᐸᑦᑐᑦ ᐃᖅᑲᓇᐃᔭᕐᕕᒻᒥᓄᑦ ᓵᖕᖓᕙᑦᑐᑦ ᐊᓯᖏᓐᓂᑦ ᐊᑦᓱᕉᑎᐅᔪᓂᑦ ᐃᑲᔪᕐᓂᒃᑯᑦ ᐃᓚᒋᔭᖏᓐᓂᑦ ᐃᓕᑦᑐᓂᕐᒥᑦ ᓇᒧᑐᐃᓐᓇᖅ ᐊᖅᑯᑎᖃᖏᑦᑐᒦᓐᓂᕐᒥᑦ. ᐊᒥᓱᓄᑦ, ᑕᒪᒃᑯᐊ ᐊᕙᑎᐅᔪᑦ ᐱᔭᕆᐊᑐᓂᖏᓐᓄᑦ ᐊᓯᖏᑦ ᐱᓕᕆᔨᒻᒪᕆᐅᔫᒐᓗᐊᑦ, ᓲᕐᓗ ᐋᓐᓂᐊᓯᐅᖅᑏᑦ ᐊᒻᒪ ᐃᓕᓴᐃᔩᑦ, ᑕᒪᐅᖓ ᓄᓇᑖᕈᒪᕙᖏᑦᑐᑦ ᕈᐊᐃᐅᓐ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᑦ ᐱᑕᖃᖅᑎᓐᓇᒋᑦ. ᑭᓯᐊᓂᓕ, ᐊᑐᐊᒐᐅᔪᑦ ᐊᑦᑐᐃᔪᑦ ᑕᒪᒃᑯᓂᖓ ᐅᑭᐅᖅᑕᖅᑐᒥ ᐃᖅᑲᓇᐃᔮᑦᓴᓂᑦ ᐋᖅᑭᑦᓯᒪᔫᔮᖅᐸᑦᑐᑦ ᖁᕕᐊᓇᖏᑎᑦᓯᓂᕐᒥᑦ ᐊᔭᐅᖅᑐᐃᔫᔮᖅᐸᒐᑎᒃ ᑭᒃᑯᑐᐃᓐᓇᕐᓂᑦ ᐊᑦᓱᕉᓴᐅᑎᓂᑦ ᐊᑐᕋᓱᐊᖁᓪᓗᒋᑦ. ᐃᓪᓗᖃᕐᓂᕐᒧᑦ ᐃᑲᔫᓯᐊᑦᓴᑦ, ᕿᑲᐅᑎᓄᑦ ᐃᑲᔫᓯᐊᑦᓴᑦ ᐊᒻᒪ ᐊᓯᖏᑦ ᐊᑭᓕᕐᓱᐃᔾᔪᑎᐅᔪᓐᓇᖅᑐᑦ ᓄᖑᓴᖅᑕᐅᔪᑦ. ᐃᓱᒪᒋᔭᐅᔪᓐᓇᓕᖅᑐᑦ ᑮᓇᐅᔭᓕᕆᓂᕐᒥᑦ ᑲᑎᒪᔨᐅᔪᑦ ᓇᓪᓕᓐᓂᖃᖏᓐᓂᖏᓐᓂᑦ, ᕈᐊᐃᐅᓐ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᓐᓂᑦ ᐱᓕᕆᔾᔪᑎᖃᕐᓂᖏᓐᓂᑦ ᑕᐃᒫᑦᑕᐅᖅ ᐊᓯᖏᑕ ᒐᕙᒪᑐᖃᒃᑯᑦ ᐱᓕᕆᔨᖏᑦ ᐊᓯᖏᑦ ᑕᐃᒪᐃᑕᐅᕙᒻᒪᑕ, ᐃᓱᒪᒋᔭᐅᒐᑎᒃ ᐊᑦᓱᕉᑎᐅᕙᑦᑐᑦ (ᐊᒻᒪ ᐃᓅᓯᖃᕐᕕᐅᖁᔭᐅᕙᑦᑐᑦ ᖃᓄᐃᓕᖓᓂᖏᑦ) ᑕᑯᑦᓴᐅᔮᕋᓗᐊᕐᒪᑕ ᐱᓂᕐᓴᐅᓂᖏᓐᓂᑦ, ᐊᔾᔨᐅᖏᓐᓂᖏᓐᓂᑦ ᐊᒻᒪ ᑐᐊᕕᕐᓇᕐᓂᖏᓐᓂᑦ.
ᐊᑑᑎᖃᕐᓂᖏᑦ ᓱᓇᑐᐃᓐᓇᐃᑦ ᓇᓗᓇᐃᔭᐃᔪᑦ ᑭᖕᖓᐃᑦ ᑎᒍᔭᐅᒪᕕᖓᑦ ᐃᖅᑲᓇᐃᔭᖅᑎᑭᑦᓴᐸᒻᒪᑕ ᐱᔾᔪᑎᐅᓗᑎᒃ ᑮᓇᐅᔭᐃᑦ ᐊᒥᒐᖅᐸᓐᓂᖏᓐᓂᑦ ᒐᕙᒪᒃᑯᓐᓂᑦ ᓄᓇᕘᒧᑦ ᐊᒻᒪ ᐃᓚᒋᔭᐅᔪᑦ ᓄᓇᓕᓐᓂᑦ ᐊᐅᓪᓚᖅᑎᑕᐅᕙᓐᓂᖏᑦ ᐊᑦᑕᓇᖅᑐᒦᖁᔭᐅᒐᑎᒃ, ᐃᓚᒋᔭᖏᑦ ᐅᓗᕆᐊᑦᓵᖅᑕᐅᕙᓐᓂᖏᓐᓂᑦ ᐊᒻᒪ ᐊᑦᑕᓇᖅᑐᒦᔮᖏᓐᓂᑦ ᐊᒻᒪ ᖃᓄᐃᖏᑦᓯᐊᕐᓂᐊᕐᓂᖏᑦ ᓇᓗᓇᖅᑎᓪᓗᒋᑦ. ᑐᑭᓯᔪᖓ ᐊᑦᑐᐃᔾᔪᑎᐅᓯᒪᒻᒪᑕ ᐱᐅᖏᑦᑐᓂᑦ ᐊᑦᑐᐃᔾᔪᑎᐅᓯᒪᔪᑦ ᐱᒻᒪᕆᐅᔪᑦ ᓇᓗᓇᐃᔭᐃᓂᕐᒥᑦ ᐃᓚᐃᓐᓈᕐᓂᐅᔪᖅ ᐊᑐᖅᑕᐅᓂᕐᒪᖔᖅ ᐃᓱᒪᒋᓇᒍ ᐃᓚᐃᓐᓈᕐᓂᐅᔪᖅ ᐱᔮᕆᔭᐅᓗᓂ ᐅᕝᕙᓘᓐᓃᑦ ᐱᔮᕆᔭᐅᒐᓂ ᐊᑐᖅᑕᐅᓂᕐᒪᖔᖅ. ᓇᓗᓇᐃᕐᕕᒋᔪᓐᓇᓯᐊᖅᑕᒃᑲ ᖃᐅᔨᓴᖅᑏᑦ ᑎᒍᔭᐅᒪᕕᒻᒥ ᐱᓕᕆᔾᔪᑎᓕᕆᕙᑦᑐᑦ ᐱᔭᑦᓴᓕᐅᕈᑏᑦ ᑐᓴᐅᒪᔭᐅᓚᐅᕐᒪᑕ ᐱᔭᐅᓚᐅᖅᑐᓂᑦ ᐱᓕᕆᐊᑦᓴᕆᕙᑦᑕᖏᓐᓂᑦ ᐃᓚᒋᔭᐅᔪᓄᑦ, ᐊᑐᐃᓐᓇᖃᕐᓂᖏᑦ ᖃᑦᓯᓂᑦ ᑮᓇᐅᔭᓂᑦ ᐱᓕᕆᔾᔪᑎᑦᓴᓂᑦ ᑳᓐᑐᕌᑎᒍᑦ ᑲᑐᔾᔨᖃᑎᒋᕙᑦᑕᑎᓐᓂᒃ, ᐊᑐᐃᓐᓇᐅᓂᖏᓐᓂᑦ ᐊᑭᓕᕐᓱᖅᑕᐅᒐᑎᒃ ᐃᑲᔪᖅᐸᑦᑐᑦ ᐱᓕᕆᔪᒪᕙᑦᑐᑦ ᑭᖕᖓᕐᓂ, ᐊᒻᒪᑦᑕᐅᖅ ᐱᓕᕆᔨᑦᓴᓯᐅᕐᓂᒃᑯᑦ ᐊᑦᓱᕉᑎᐅᕙᑦᑐᓂᑦ. ᖃᖓᑐᐃᓐᓇᓯᐊᒃᑯᑦ ᐱᔭᑦᓴᓕᐅᕈᑎᐅᓯᒪᖏᑦᑐᑦ ᐅᕕᓂᖃᑎᒋᖏᑕᒥᒃ ᐅᕝᕙᓘᓐᓃᑦ ᓇᒥᒥᐅᑕᐅᓂᖏᓐᓂᑦ ᐱᔾᔪᑎᓕᓐᓂᑦ ᐱᓕᕆᔾᔪᑎᓕᕆᓂᒃᑯᑦ ᑭᖕᖓᐃᑦ ᑎᒍᔭᐅᒪᕕᖓᓐᓂ ᐅᕝᕙᓘᓐᓃᑦ ᐊᓯᐊᓂ ᑎᒍᔭᐅᒪᕕᖏᓐᓂ "V" ᐱᓕᕆᕝᕕᖏᓐᓃᑦᑐᓂᑦ.
ᐊᖏᖃᑎᖃᖅᑐᖓ, ᔪᓂ 1, 2020, ᑭᖕᖓᐃᑦ ᓈᒻᒪᑦᑐᓂᑦ ᐱᓕᕆᔾᔪᑎᑦᓴᖃᓚᐅᖏᑦᑐᑦ ᐱᓪᓗᒋᑦ ᐱᔾᔪᑎᐅᓯᒪᔪᑦ ᓇᓗᓇᐃᔭᖅᑕᐅᔪᑦ, ᑭᓯᐊᓂ ᐊᖏᖃᑎᖃᖏᑦᑐᖓ ᐱᓕᕆᔾᔪᑎᖃᕐᓂᐅᔪᖅ ᖃᓄᖅ ᓇᓗᓇᐃᔭᐃᓯᒪᒻᒪᑦ ᐱᓕᕆᔾᔪᑎᒍᑦ ᐃᓚᐃᓐᓈᕐᓂᐅᔪᒥᑦ ᐅᕝᕙᓘᓐᓃᑦ ᐱᓕᕆᔾᔪᑎᒍᑦ ᐃᓚᐃᓐᓈᕐᓂᐅᔪᖅ ᐊᑐᖅᑕᐅᓚᐅᕐᒪᑦ ᓇᐅᒃᑯᑐᐃᓐᓇᖅ ᐱᓕᕆᔾᔪᑎᓕᕆᓂᒃᑯᑦ ᑭᖕᖓᐃᑦ ᑎᒍᔭᐅᒪᕕᖓᓐᓂ.
| ᐊᑐᖁᔭᑦ | |
|---|---|
ᐊᑐᖁᔭᖅ 1: ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᑦ ᓴᓇᒋᐊᓖᑦ ᐊᒻᒪ ᐱᒋᐊᖅᑎᑦᓯᓗᑎᒃ ᐊᑐᐊᒐᕐᓂᑦ ᐊᒻᒪ ᐱᓕᒻᒪᑦᓴᐅᑎᑦᓴᓂᑦ ᐱᔾᔪᑎᖃᖅᑐᓂᑦ ᐊᑐᖅᑕᐅᕙᓐᓂᖏᓐᓂᑦ ᖃᓄᖅ ᐸᓖᓯᒃᑯᓐᓄᑦ ᓄᓇᒃᑰᔫᑦ ᐊᖑᔮᖃᖅᑎᓪᓗᒋᑦ ᐸᓯᐅᕋᖅᑕᐅᔪᓂᑦ ᐱᓱᑦᑐᓂᑦ. |
ᐃᑲᔪᕐᓱᖅᑕᐅᖏᑦᑐᖅ |
ᐃᓱᒪᒋᔭᐅᓕᓚᐅᖅᑐᑦ ᑕᒪᒃᑮᓐᓄᑦ ᐋᑐᕚ ᐸᓖᓯᒃᑯᑦ ᐱᔨᑦᓯᕋᖅᑎᖏᓐᓄᑦ, ᖃᐅᔨᓴᖅᑎᓪᓗᒋᑦ ᐊᒻᒪ ᐱᓕᕆᔾᔪᑎᓂᑦ ᐱᔪᓐᓇᐅᑎᖃᖅᑏᑦ, ᐊᑐᐊᒐᕐᒥᑦ ᐱᓕᕆᔾᔪᑎᓕᕆᑎᓪᓗᒋᑦ, ᐊᐳᕐᓂᐅᓚᐅᖅᑐᖅ ᑳᓐᔅᑕᐳᓪ ᑭᐅᓕᖕ ᐸᓖᓯᓄᑦ ᓄᓇᒃᑰᔫᑉ ᒪᑐᐊᓄᑦ ᐊᒻᒪ A.B. ᐊᑐᖅᑕᐅᓚᕿᓚᐅᖅᑐᖅ ᑳᓐᔅᑕᐳᓪ ᑭᐅᓕᖕ ᓄᖅᑲᖅᑎᓚᐅᕐᒪᒍ ᓄᓇᒃᑰᔫᖅ ᖃᓂᒋᓗᐊᖅᑕᖓᓄᑦ A.B. ᐊᒻᒪ ᓄᓇᒃᑰᔫᖅ ᓯᐊᕐᕆᔮᓕᕐᓂᖅᑐᓂ ᓯᕗᒧᑦ ᐱᔾᔪᑎᒋᓪᓗᒍ ᓂᓚᐅᓂᖓ ᐊᑖᓂ ᐊᑦᓴᓗᐊᖏᑕ. ᓇᓗᓇᖏᑦᑐᖅ ᐃᓘᓐᓇᖏᓐᓂᑦ ᖃᓄᐃᓕᖓᒍᑎᐅᔪᓂᑦ ᐊᐳᕐᓂᐅᓚᐅᖅᑐᖅ ᐸᓖᓯᒃᑯᑦ ᒪᑐᐊᓄᑦ ᐊᑐᖅᑕᐅᓚᕆᓚᐅᕐᒪᑦ ᑕᒻᒪᐅᑕᐅᓗᓂ ᖃᓄᐃᓐᓂᐊᕐᓂᖓ ᐱᓯᒪᒐᓂ ᐊᑐᖅᑕᐅᓯᒪᖏᓐᓂᖏᓐᓂᑦ ᐱᓕᒻᒪᑦᓴᐅᑏᑦ ᐅᕝᕙᓘᓐᓃᑦ ᐊᑐᐊᒐᓕᕆᔪᑦ ᐱᓕᕆᔾᔪᑏᑦ. ᑕᐃᒪᐃᑦᑐᓂ ᖃᓄᐃᒍᑎᐅᔪᓂ, ᐸᓯᔭᐅᔪᖅ ᐱᓱᑦᑎᓪᓗᒍ ᐊᑦᑐᖅᑕᐅᒍᓂ ᓇᐅᒃᑯᑐᐃᓐᓇᖅ ᐸᓖᓯᒃᑯᑦ ᓄᓇᒃᑰᔫᖓᑕ, ᐊᑐᖅᑕᐅᒐᔪᓗᐊᖏᑦᑐᖅ ᓇᒥᑐᐃᓐᓇᖅ ᐋᖅᑭᑦᑕᐅᔪᓐᓇᓗᐊᕋᓂᓗ ᐊᑐᐊᒐᐃᑦ ᑎᑎᕋᕐᓯᒪᓂᖏᑎᒍᑦ. ᐅᕙᖓ ᑕᑯᓐᓇᖅᑕᖓᒍᑦ, ᐊᑐᐊᒐᐃᑦ ᐃᓚᔭᐅᒐᓗᐊᕈᑎᒃ ᑭᓪᓕᖃᕋᔭᖅᑐᑦ ᐊᑐᖅᑕᐅᓂᖏᒍᑦ ᐃᓚᒋᔭᐅᔪᑦ ᖃᐅᔨᒪᒌᕐᒪᑕ ᐱᐅᖏᑦᑐᓂᑦ ᓴᖅᑭᕈᓐᓇᖅᑐᓂᑦ ᓄᖅᑲᑎᑦᓯᒍᑎᒃ ᓄᓇᒃᑰᔫᒥᓂᒃ ᖃᓂᒋᓗᐊᖅᑕᖏᓐᓄᑦ ᑭᓇᑐᐃᓐᓇᐅᑉ ᐱᓱᑦᑑᑉ. ᐅᖃᐅᓯᖃᒃᑲᓂᕐᓂᐊᖅᑐᖓ ᐊᑐᐊᒐᖃᕆᐊᖃᕐᓂᕐᒥᑦ ᑕᒪᓐᓇ ᐱᓪᓗᒍ ᑭᐅᔾᔪᑎᓐᓂ ᐊᑐᖁᔭᒧᑦ ᓈᓴᐅᑎᓕᒃ 2.
| ᐊᑐᖁᔭᑦ | |
|---|---|
ᐊᑐᖁᔭᖅ 2: ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᑦ ᐃᓱᒪᑦᓴᕐᓯᐅᕈᑎᖃᕆᐊᓕᐅᔪᑦ ᓴᓇᓂᕐᒥᑦ ᐊᒻᒪ ᐱᒋᐊᖅᑎᑦᑎᓂᕐᒥᑦ ᐱᓪᓗᐊᑕᓂᑦ ᐊᑐᐊᒐᕐᓂᑦ ᐊᒻᒪ ᐱᓕᒻᒪᑦᓴᐅᑎᑦᓴᓂᑦ ᐱᔾᔪᑎᒋᓪᓗᒋᑦ ᓄᓇᒃᑰᔫᖅᐸᓐᓂᖅ ᐊᑐᕆᐊᓂ ᐃᓱᒪᒋᓪᓗᒋᑦ ᖃᓄᐃᑉᐸᓐᓂᖏᑦ ᐊᑐᖅᑕᐅᒐᔪᑉᐸᑦᑐᑦ ᐅᑭᐅᖅᑕᖅᑐᒥ ᓄᓇᓕᖃᕐᕕᓐᓂ. |
ᐃᑲᔪᕐᓱᖅᑕᖅ |
ᑲᓇᑕᒥ ᑭᒃᑯᑐᐃᓐᓇᕐᓂᑦ ᐊᑲᐅᖏᓕᐅᕈᑎᓕᓐᓂᑦ ᐱᓕᕆᐊᒥᓃᕐᓂᒃ ᐱᓕᕆᕝᕕᖃᕐᕕᒃ (NPCD) ᑐᑭᓯᒋᐊᓚᐅᖅᑐᑦ ᐊᑐᐊᒐᓕᕆᔨᓂᑦ ᑐᓴᕈᒪᓪᓗᑎᒃ ᐃᓱᒪᒋᔭᖏᓐᓂᑦ ᖃᐅᔨᓴᖅᑏᑦ ᐊᑐᖁᔭᖓᑦ ᐱᓪᓗᒍ. ᐊᑐᐊᒐᓕᕆᔨᐅᔪᑦ ᐃᓱᒪᒋᔭᖃᓚᐅᖅᑐᑦ ᐊᑐᖁᔭᐅᔪᒥᑦ ᐱᔾᔪᑎᖃᓗᐊᖅᑐᑎᒃ ᐃᓚᒐᓗᐊᕈᑎᒃ ᐊᑐᐊᒐᐃᑦ ᐃᑲᔫᑎᖃᓗᐊᕋᔭᕐᓂᒻᒪᑕ ᐃᓚᒋᔭᐅᔪᓄᑦ ᐅᖃᖅᑐᓂ ᒪᓕᒐᖃᐅᕇᕐᒪᑦ ᐊᐅᓚᑦᓯᔾᔪᑎᓂᑦ ᐊᑦᑕᓇᖏᑐᒃᑯᑦ ᐊᐅᓚᑦᓯᔾᔪᑎᓂᑦ ᓄᓇᒃᑰᔫᓂᑦ ᐃᓚᒋᔭᐅᔪᓄᑦ ᐊᒻᒪ ᐊᑐᐊᒐᐅᔪᖅ ᐱᑕᖃᖏᒻᒪᑦ ᐱᔾᔪᑎᖃᖅᑐᓂ ᐊᔪᕆᒐᓱᐊᕐᓂᕐᒥᑦ ᒪᓕᒐᐅᒌᖅᑐᒥᑦ. ᐊᑐᕆᐊᑦ ᖃᓄᐃᑦᑑᓂᖏᑦ ᑕᑯᑦᓴᐅᔪᑦ ᐊᔾᔨᓕᐅᒐᕐᒥ ᐊᐳᖅᑎᓪᓗᒋᒃ ᑳᓐᔅᑕᐳᓪ ᑭᐅᓕᖕ ᓄᓇᒃᑰᔫᖓ ᐊᒻᒪ A.B., ᐅᕝᕙᓘᓐᓃᑦ ᐱᑕᖃᖅᐸᑦᑐᑦ ᑭᖕᖓᕐᓂ, ᖃᓄᐃᒍᑎᐅᕙᒻᒥᔪᑦ ᓇᒥᑐᐃᓐᓇᑦᓯᐊᖅ ᓄᓇᕘᒥ, ᐅᕝᕙᓘᓐᓃᑦ ᑕᐃᑯᓇᓂᑐᐊᖅ "ᐅᑭᐅᖅᑕᖅᑐᒥ ᓄᓇᓕᖃᕐᕕᓐᓂ." ᐊᔾᔨᐸᓗᑦᓯᐊᖏᓐᓂᑦ ᖃᓄᐃᓕᖓᓂᐅᔪᓂᑦ ᑕᑯᔭᐅᔪᓐᓇᐸᑦᑐᑦ ᐃᓘᓐᓇᖏᓐᓂ ᐱᓕᕆᕝᕕᓐᓂ ᑲᓇᑕᒥ. ᐊᑐᐊᒐᓕᕆᔨᒃᑯᑦ ᑕᑯᓐᓇᖅᑕᖏᓐᓂ, ᕈᐊᐃᐅᓐ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᑦ ᐊᑐᐊᒐᕐᓂᑦ ᐱᑎᑦᓯᕙᖏᑦᑐᑦ ᐃᓚᒋᔭᐅᔪᓄᑦ ᐃᓕᓐᓂᐊᕈᑎᖃᖅᑐᓂᑦ ᖃᐅᔨᒪᒋᐊᖃᕐᓂᖏᓐᓂᑦ ᖃᓄᖅ ᐊᑦᑕᓇᔾᔭᐃᕐᓯᒪᓗᓂ ᐊᐅᓚᑦᓯᒋᐊᖃᕐᒪᖔᑕ ᐊᐅᓚᐅᑎᓕᓐᓂᑦ ᓄᓇᒃᑰᔫᓂᑦ (ᓲᕐᓗ, ᖃᓄᖅ ᐊᑐᖅᑕᐅᓲᖑᒻᒪᖔᑕ ᐃᒐᓛᓂᑦ ᐊᓪᓚᖅᑎᕈᑏᑦ ᓯᓚᓗᑦᑎᓪᓗᒍ, ᖃᐅᒪᖏᑦ ᑖᖅᑎᓪᓗᒍ, ᓴᖑᑲᓪᓚᑦᑕᐃᓕᒪᓂᕐᒥᑦ ᖁᐊᓴᐅᓗᐊᖅᑎᓪᓗᒋᑦ ᐊᑐᕆᐊᑦ ᓂᓚᒻᒧᑦ ᐅᕝᕙᓘᓐᓃᑦ ᑐᐊᐸᔭᓄᑦ ᖁᐊᓴᐅᓗᐊᖅᑎᓐᓇᒋᑦ, ᐊᓯᖏᓐᓂᓪᓗ); ᖃᐅᔨᓴᖅᑏᑦ ᖃᐅᔨᒪᖁᔨᒻᒪᑕ ᑎᑎᖅᑲᖃᕐᕕᒻᒥ 113 ᐅᓂᒃᑳᖏᓐᓂ, ᐱᑕᖃᕇᕐᒪᑦ ᒪᓕᒐᕐᒥᑦ ᐊᐅᓚᑦᓯᔾᔪᑎᓕᕆᔪᓂᑦ ᐊᐅᓚᐅᑎᓕᓐᓂᑦ ᓄᓇᒃᑰᔫᓂᑦ, ᐊᓪᓛᑦ ᓴᐃᓕᖓᑎᑦᓯᔨᓄᑦ/ᐸᓖᓯᓄᑦ ᐃᖅᑲᓇᐃᔮᖏᓐᓂᑦ ᐃᖅᑲᓇᐃᔮᖃᖅᑎᓪᓗᒋᑦ. ᐊᖏᖃᑎᒋᔭᒃᑲ ᐊᑐᐊᒐᓕᕆᔨᒃᑯᑦ ᑕᑯᓐᓇᖅᑕᖏᑦ ᐅᓇ ᐱᔾᔪᑎ ᐃᓪᓗᒍ.
ᐊᑐᐊᒐᓕᕆᔨᒃᑯᑦ ᖃᐅᔨᒪᖁᔨᓚᐅᕐᒥᔪᑦ ᕈᐊᐃᐅᓐ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᑦ ᐸᓖᓯᑦᓴᓂᑦ ᐱᓕᒻᒪᑦᓴᐃᓂᕐᒥᑦ ᐱᓕᕆᐊᑦᓴᖓᑦ ᐱᖃᓯᐅᔾᔨᓯᒪᒌᕐᒪᑕ ᐱᓪᓗᐊᑕᐅᔪᓂᑦ ᐊᑐᕆᐊᖑᖕᖏᑦᑐᓂ ᓄᓇᒃᑰᔫᓂᑦ ᐊᒻᒪ ᑐᐊᐸᔭᓂᑦ ᐊᑐᕆᐊᓕᓐᓂ ᓄᓇᒃᑰᔫᓐᓂᕐᒥᑦ: ᐊᔾᔨᒌᖏᔾᔪᑎᖏᑦ ᑕᒪᒃᑯᐊ ᐊᑐᕆᐊᑦ ᐱᖃᓯᐅᔾᔭᐅᓯᒪᕙᑦᑐᑦ ᐃᓕᓐᓂᐊᕈᑎᓂ, ᐊᒻᒪ ᐱᑕᖃᕈᓐᓇᐅᓗᓂ ᖃᓄᖅ ᓂᕆᐅᒋᔭᖃᕈᓐᓇᕐᒪᖔᑕ ᑕᑯᑦᓴᐅᓗᑎᒃ ᑕᐃᒪᐃᑦᑐᓂ ᐊᑐᕆᐊᒃᑯᑦ ᐃᖏᕐᕋᓪᓗᓂ. ᕈᐊᐃᐅᓐ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᑦ ᐃᓘᓐᓇᑦᓯᐊᑎᒃ ᐱᔭᕇᕆᐊᖃᖅᐸᑦᑐᑦ ᑕᒪᑦᓱᒥᖓ ᐱᓕᒻᒪᑦᓴᐅᑎᒥᑦ ᐱᔭᕇᕈᒪᒍᑎᒃ ᐃᓕᓐᓂᐊᕈᑎᒥᓂᒃ ᐸᓖᓯᐅᔪᒪᓂᕐᒥᑦ.
ᐃᑲᔪᕐᓱᕋᓗᐊᖅᑐᒍ ᖃᐅᔨᓴᖅᑏᑦ ᐊᑐᖁᓯᒪᔭᖓ ᐱᔾᔪᑎᒋᓪᓗᒍ ᐃᓱᒪᑦᓴᕐᓯᐅᕈᑎᐅᓚᐅᕐᒪᑦ, ᐊᖏᖃᑎᖃᖅᑐᖓ ᐊᑐᐊᒐᓕᕆᔨᓂᑦ ᐊᑐᐊᒐᑎᒍᑦ ᐊᓯᔾᔩᓂᐅᔪᖅ ᐊᒻᒪ ᐱᓕᒻᒪᑦᓴᐅᑏᑦ ᐃᓚᒐᓗᐊᕈᑎᒃ ᑲᒪᒋᔭᐅᒐᔭᖕᖏᑦᑐᑦ ᐃᖅᑲᓇᐃᔭᖅᑏᑦ ᑕᒻᒪᕈᓐᓇᕐᓂᖏᓐᓂᑦ ᖃᓄᐃᓕᐅᕐᓂᐊᕆᐊᒥ. ᐃᓱᒪᔪᖓᓕ ᐱᓕᒻᒪᑦᓴᐅᑎᓂᑦ ᐊᒻᒪ ᐊᑐᐊᒐᐃᑦ ᐱᑕᖃᕇᕐᒪᑕ ᓈᒻᒪᑦᑐᑎᒃ ᐊᒻᒪ ᑭᓇᑐᐃᓐᓇᖅ ᑕᒻᒪᕐᓯᒪᔪᖅ ᖃᓄᐃᓕᔪᖃᕐᓂᐊᕆᐊᒥ ᐊᑲᐅᓂᕐᓴᐅᒐᔭᖅᑐᖅ ᑲᒪᒋᔭᐅᒍᓂ ᖃᐅᔨᓴᖅᑎᖓᑕ ᐃᖅᑲᓇᐃᔭᖅᑎᐅᑉ.
| ᐊᑐᖁᔭᑦ | |
|---|---|
| ᐊᑐᖁᔭᖅ 3: The Rᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᑦ ᐃᓚᒋᔭᐅᓚᐅᖅᑐᑦ ᕿᓂᕐᕕᐅᑎᓪᓗᒍ A.B. (ᑳᓐᔅᑕᐳᓪ ᑭᐅᓕᖕ, ᑳᓐᔅᑕᐳᓪ ᓯᒥᖦ, ᑳᓐᔅᑕᐳᓪ ᓱᓚᑦ, ᐊᒻᒪ ᓵᔨᓐ ᒋᐅᓪ ᖃᐅᔨᓴᖅᑎᒋᔭᐅᓗᓂ ᑖᒃᑯᓄᖓ) ᐱᑎᑕᐅᒋᐊᓖᑦ ᐊᐅᓚᑦᑎᔾᔪᑎᓂᑦ ᒪᓕᒋᐊᓕᓐᓂᑦ ᐱᔾᔪᑎᖃᖅᑐᓂᑦ ᐱᑎᑦᑎᓂᕐᒥᑦ ᕿᐲᓐᓂᒃ ᐅᕝᕙᓘᓐᓃᑦ ᐅᓕᑦᓴᒥᑦ ᑎᒍᔭᐅᔪᓄᑦ. | ᐃᑲᔪᕐᓱᖅᑕᖅ |
ᐊᑐᖁᔭᖅ 4: ᑭᖕᖓᐃᑦ ᑎᒍᔭᐅᒪᕕᖓ ᐊᖏᓪᓕᒋᐊᖅᑕᐅᔭᕆᐊᓕᒃ ᐃᓚᔭᐅᖁᓪᓗᒋᑦ ᐃᓪᓗᕈᓯᐅᔪᑦ ᑎᒍᔭᐅᒪᔪᓄᑦ ᐊᑐᖅᑕᐅᕙᑦᑐᑦ ᖁᓪᓗᓄᑦ (10) ᐃᓪᓗᕈᓯᖃᕈᓐᓇᓕᕐᓗᓂ. |
ᐃᑲᔪᕐᓯᖅᑕᐅᔪᖅ ᐃᓚᖓᒍᑦ |
ᑲᓇᑕᒥ ᑭᒃᑯᑐᐃᓐᓇᕐᓂᑦ ᐊᑲᐅᖏᓕᐅᕈᑎᓕᓐᓂᑦ ᐱᓕᕆᔾᔪᑎᒥᓂᓕᕆᔩᑦ ᖃᐅᔨᒋᐊᓚᐅᖅᑐᑦ "V" ᐱᓕᕆᕝᕕᓐᓄᑦ ᖃᓄᖅ ᐃᓱᒪᒋᔭᖃᕐᒪᖔᑕ ᑖᓐᓇ ᐊᑐᖁᔭᐅᓯᒪᔪᖅ ᐱᓪᓗᒍ. "V" ᐱᓕᕆᕝᕕᓕᕆᔩᑦ ᐊᐅᓚᑦᓯᓚᐅᖅᑐᑦ ᐃᓪᓗᕈᓯᓕᕆᓪᑎᒃ ᑎᒍᔭᐅᒪᕕᓐᓂᑦ ᐊᖏᓂᖏᑕ ᓇᓖᕌᕈᑎᑦᓴᖏᓐᓂᑦ ᖃᐅᔨᓴᐅᑎᒥᓂᕐᓂᒃ ᐅᖃᓕᒫᒐᓕᐊᒥᓂᕐᓂᒃ ᔪᓚᐃ 4, 2022, ᐱᓪᓗᒋᑦ ᐃᓪᓗᕈᓯᖅᑖᖑᒋᐊᓖᑦ ᑎᒍᔭᐅᒪᕕᑦᓴᓂᑦ ᑭᖕᖓᐃᑦ ᑎᒍᔭᐅᒪᕕᖓᑕ ᐱᓕᕆᕝᕕᖓᓂ. ᐱᖓᓲᔪᖅᑑᓚᐅᖅᑐᑦ (6) ᓇᓖᕌᕈᑎᑦᓴᑦ ᖃᐅᔨᓴᖅᑕᐅᔪᑦ ᐱᔾᔪᑎᖃᖅᑐᑦ ᐃᓪᓗᕈᓯᕐᓂᑦ ᑎᒍᔭᐅᒪᕕᓐᓂᑦ ᐱᕕᑦᑐᑲᓐᓂᕈᑎᑦᓴᓂᑦ. ᖃᐅᔨᓴᖅᑕᐅᓚᐅᖅᑐᑎᒃ ᐱᐅᓂᖏᑦ ᐊᒻᒪ ᐱᐅᖏᓐᓂᖏᑦ ᐊᔾᔨᒌᖏᑦᑐᑦ ᓇᓖᕌᕈᑎᑦᓴᑦ, "V" ᐱᓕᕆᕝᕕᓕᕆᔩᑦ ᐃᓱᒪᓕᓚᐅᖅᑐᑦ ᑭᖕᖓᐃᑦ ᑎᒍᔭᐅᒪᕕᖓ ᐃᓘᓐᓇᖓᒍᑦ ᑭᖑᕝᕕᖅᑕᐅᓗᓂ ᐊᒻᒪ ᓄᑖᒥᑦ ᑎᒍᔭᐅᒪᕕᑦᓴᓕᐅᕋᔭᕐᓗᑎᒃ ᑎᓴᒪᐅᔪᖅᑐᓂᑦ (8) ᐃᓪᓗᕈᓯᖃᕐᓗᓂ ᑎᒍᔭᐅᒪᕕᑦᓴᓂᑦ. ᓇᓗᓇᐃᔭᖅᑕᐅᓂᖏᑦ ᖃᑦᓯᐅᒋᐊᖃᕐᒪᖔᑕ ᐃᓪᓗᕈᓰᑦ ᑎᒍᔭᐅᓯᒪᕕᑦᓴᑦ ᒪᓕᑦᑕᐅᓚᐅᖅᑐᑦ ᒫᓐᓇᓂᓴᕐᓂᒃ ᐱᓕᕆᕝᕕᓕᕆᔪᓂᑦ ᑎᒍᔭᐅᒪᕙᑦᑐᓂᑦ ᓈᓴᐅᑎᒍᑦ ᖃᐅᔨᓴᐅᑎᐅᓯᒪᔪᓂᑦ.
ᒪᓕᑦᑐᒋᑦ ᓇᓗᓇᐃᕐᓯᒪᔪᑦ ᐅᕙᖓ ᑭᐅᔾᔪᑎᖏᓐᓂ ᐊᑐᖁᔭᐅᔪᒧᑦ #9, ᑭᖕᖓᐃᑦ ᑎᒍᔭᐅᒪᕕᖓᑦ ᑭᖑᕝᕕᖅᑕᐅᒐᔭᖅᑐᖅ ᐃᓘᓐᓇᑦᓯᐊᓂ ᐊᒻᒪ ᑎᒍᔭᐅᒪᕕᑦᓴᓂᑦ ᑎᓴᒪᐅᔪᖅᑑᓗᑎᒃ (8) ᐃᓪᓗᕈᓯᖏᑦ.
| ᐊᑐᖁᔭᑦ | |
|---|---|
ᐊᑐᖁᔭᖅ 5: ᑳᓐᔅᑕᐳᓪ ᑭᐅᓕᖕ ᐊᒻᒪ ᓵᔨᓐ ᒋᐅᓪ ᐱᑎᑕᐅᔪᐃᓐᓇᐅᒋᐊᓖᑦ ᐊᐅᓚᑦᓯᔾᔪᑎᒍᑦ ᐊᑐᐊᒐᕐᓂᑦ ᐱᔾᔪᑎᖃᖅᑐᓂᑦ ᐱᒻᒪᕆᐅᓂᖏᓐᓂᑦ ᓴᓗᒻᒪᕐᓴᐃᔭᕆᐊᖃᕐᓂᐅᔪᖅ ᑎᒍᔭᐅᒪᔪᓂᑦ. |
ᐃᑲᔪᕐᓱᖅᑕᖅ |
ᐊᑐᖁᔭᖅ 6: ᐅᐊᓴᕐᕕᖏᑦ ᐊᒻᒪ ᖁᕝᕕᖏᑦ ᑭᖕᖓᐃᑦ ᑎᒍᔭᐅᒪᕕᖏᓐᓂ ᐃᓪᓗᕈᓯᖏᓐᓂ ᓴᓇᔭᐅᒋᐊᓖᑦ ᐊᒻᒪ ᒪᑭᒪᑎᑕᐅᕙᓪᓗᑎᒃ ᒪᓕᑦᑕᐅᓗᑎᒃ ᐃᓗᓕᖏᑦ ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᑦ (RCMP) ᐸᓖᓯᒃᑯᑦ ᐊᑐᐊᒐᖏᑕ. |
ᐃᑲᔪᕐᓱᖅᑕᖅ |
ᐊᑐᖁᔭᖅ 7: ᐃᔩᓐᓂᒃ ᓴᓗᒻᒪᕐᓴᐃᑎᖃᕐᕕᐅᔪᖅ ᑭᖕᖓᐃᑦ ᑎᒍᔭᐅᒪᕕᖏᓐᓂ ᓅᑕᐅᒋᐊᓕᒃ ᐅᐸᒐᕐᓂᓂᕐᓴᒧᑦ ᐊᒻᒪ ᐃᒻᒪᑦᑕᐅᕙᓪᓗᓂ ᖃᐅᑕᒫᑦ ᐃᒻᒪᒋᐊᖃᓕᕋᐃᑉᐸᑦ. |
ᐃᑲᔪᕐᓱᖅᑕᖅ |
ᐊᑐᖁᔭᖅ 8: ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᑦ (RCMP) ᐸᓖᓯᒃᑯᑦ ᐱᒋᐊᖅᑎᑦᓯᔭᕆᐊᓖᑦ ᐃᓘᓐᓇᖏᓐᓂᑦ ᐊᑐᖁᔭᐅᓯᒪᔪᓂᑦ ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᑦ (RCMP) ᐸᓖᓯᒃᑯᑦ ᐃᖕᒥᓂᕐᓱᖅᑐᖅ ᑲᒪᔨᓂᑦ ᕿᒥᕐᕈᔨᐅᑉ ᐃᓱᒪᒋᔭᖏᓐᓂ ᐃᓱᒋᔭᖏᓐᓂ ᐅᓂᒃᑳᓕᐊᖓᑕ ᐊᑦᑐᐊᓂᕆᔭᖏᑦ ᐃᓗᐊᑕ ᖃᓄᐃᑦᑑᓂᖓᓄᑦ ᑭᖕᖓᐃᑦ ᑎᒍᔭᐅᒪᕕᖓᑕ. |
ᐃᑲᔪᕐᓱᖅᑕᖅ |
ᐊᑐᖁᔭᖅ 9: ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᑦ (RCMP) ᐸᓖᓯᒃᑯᑦ ᐃᓱᒪᑦᓴᕐᓯᐅᕈᑎᖃᕆᐊᓖᑦ ᑭᖑᕝᕕᖅᑕᐅᓗᓂ ᑭᖕᖓᐃᑦ ᑎᒍᔭᐅᒪᕕᖓᑕ ᐃᓪᓗᑦᑕᖓ. |
ᐃᑲᔪᕐᓱᖅᑕᖅ |
ᐊᑐᖁᔭᖅ 10: ᐃᓘᓐᓇᑎᒃ ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᑦ (RCMP) ᐸᓖᓯᐅᓚᐅᖅᑐᑦ (ᑳᓐᔅᑕᐳᓪ ᑭᐅᓕᖕ, ᑳᓐᔅᑕᐳᓪ ᓯᒥᖦ, ᑳᓐᔅᑕᐳᓪ ᓱᓚᑦ, ᑳᓐᔅᑕᐳᓪ ᓯᑑᕐᔾ, ᐊᒻᒪ ᓵᔨᓐ ᒋᐅᓪ) ᐱᑎᑕᐅᒋᐊᓕᐅᔪᑦ ᐊᐅᓚᑦᑎᔾᔪᑎᓂᑦ ᐊᑐᐊᒐᓕᕆᓂᕐᒥᑦ ᐱᔾᔪᑎᖃᖅᑐᓂᑦ ᐱᒻᒪᕆᐅᓂᖏᓐᓂᑦ ᓴᓗᒻᒪᕐᓴᐃᕙᓐᓂᐅᔪᖅ ᐃᓪᓗᕈᓯᕐᓂᒃ ᑎᒍᔭᐅᒪᕕᓐᓂᒃ ᕿᓚᒥᐅᔫᒥᔪᖅ. |
ᐃᑲᔪᕐᓱᖅᑕᖅ |
ᐊᑐᖁᔭᖅ 11: ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᑦ (RCMP) ᐸᓖᓯᒃᑯᑦ ᓇᓗᓇᐃᕐᓯᒪᒋᐊᓕᐅᔪᑦ ᓈᒻᒪᑦᑐᓂᑦ ᐃᖅᑲᓇᐃᔭᖅᑎᖃᑦᓯᐊᓕᕋᓗᐊᕐᒪᖔᕐᒥᒃ ᐃᓘᓐᓇᖏᓐᓂ ᑎᒍᔭᐅᒪᕕᖏᓐᓂ ᐱᓕᕆᕝᕕᓐᓂ, ᐱᖃᓯᐅᔾᔭᐅᓗᓂ ᑭᖕᖓᐃᑦ ᑎᒍᔭᐅᒪᕕᖓᑦ. |
ᐃᑲᔪᕐᓱᖅᑕᖅ |
ᐊᑐᖁᔭᖅ 12: ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᑦ (RCMP) ᐸᓖᓯᒃᑯᑦ ᐃᓘᓐᓇᖏᓐᓂᑦ ᐱᒋᐊᖅᑎᑦᓯᔭᕆᐊᓕᐅᔪᑦ ᐊᑐᖁᔭᐅᓯᒪᔪᓂᑦ ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᑦ (RCMP) ᐸᓖᓯᒃᑯᑦ ᐃᖕᒥᓂᕐᓱᖅᑐᖅ ᑲᒪᔨᓂᑦ ᕿᒥᕐᕈᓂᐅᑉ (IOR) ᐃᓱᒪᒋᔭᖏᓐᓂᑦ ᐅᓂᒃᑳᓕᐊᖏᓐᓃᑦᑐᓂᑦ ᐊᑦᑐᐊᔪᓂᑦ ᐅᐊᑦᓯᐅᔪᓄᑦ ᐱᓕᕆᔾᔪᑎᓂᑦ ᐊᒻᒪ ᐱᓕᒻᒪᑦᓴᐃᑎᓂᑦ. |
ᐃᑲᔪᕐᓱᖅᑕᖅ |
ᐊᑐᖁᔭᖅ 13: ᓵᔨᓐ ᒋᐅᓪ ᐱᑎᑕᐅᒋᐊᓕᒃ ᐊᐅᓚᑦᑎᔾᔪᑎᓕᕆᔪᓂᑦ ᐊᑐᐊᒐᕐᓂᑦ ᐱᔾᔪᑎᒋᓪᓗᒋᑦ ᓈᒻᒪᑦᑐᓂᑦ ᖃᐅᔨᓴᐅᑎᐅᔪᑦ ᐃᖅᑲᓇᐃᔭᖅᑎᓂᑦ ᐊᒻᒪ ᐱᓕᒻᒪᑦᓴᐃᑎᓂᑦ ᐊᑐᕆᐊᓕᖏᓐᓂᑦ ᑎᒍᔭᐅᒪᕕᒻᒥ ᐅᐊᑦᓯᐅᔪᓄᑦ ᒪᓕᑦᑐᒋᑦ ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᑦ (RCMP) ᐸᓖᓯᒃᑯᑦ ᐊᑐᐊᒐᖓᑦ. |
ᐃᑲᔪᕐᓱᖅᑕᖅ |
ᐊᑐᖁᔭᖅ 14: ᑳᓐᔅᑕᐳᓪ ᓯᑑᕐᔾ, ᑳᓐᔅᑕᐳᓪ ᓱᓚᑦ, ᑳᓐᔅᑕᐳᓪ ᓯᒥᖦ, ᐊᒻᒪ ᓵᔨᓐ ᒋᐅᓪ ᐱᑎᑕᐅᖁᓪᓗᒋᑦ ᐊᐅᓚᑦᓯᔾᔪᑎᓂᑦ ᐊᑐᐊᒐᕐᓂᑦ ᐱᔾᔪᑎᖃᖅᑐᓂᑦ ᐱᒻᒪᕆᐅᓂᖏᓐᓂᑦ ᓇᓗᓇᐃᕐᓯᒪᑦᓯᐊᕐᓗᒋᑦ ᑎᑎᕋᕆᐊᖃᕐᓂᕐᒥᑦ ᐊᒻᒪ ᑐᓴᐅᒪᑎᑦᓯᕙᓐᓂᕐᒥᑦ ᑐᑭᓯᒋᐊᕈᑎᓂᑦ ᐱᔾᔪᑎᖃᖅᑐᓂᑦ ᑎᒍᔭᐅᒪᔫᑉ ᐋᓐᓂᐊᔪᓕᕆᔨᓄᑦ ᑲᒪᒋᔭᐅᒋᐊᖃᕐᓂᖏᓐᓂᑦ. |
ᐃᑲᔪᕐᓱᖅᑕᖅ |
ᐊᑐᖁᔭᖅ 15: ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᑦ (RCMP) ᐸᓖᓯᒃᑯᑦ ᓴᖅᑮᔭᕆᐊᓖᑦ ᑐᓴᕋᑦᓴᓂᑦ ᓇᓗᓇᐃᔭᐃᓯᒪᔪᓂᑦ ᓂᐊᖁᒃᑯᑦ ᐋᓐᓂᕐᓯᒪᑐᐃᓐᓇᕆᐊᓖᑦ ᑎᒍᔭᐅᒪᔪᑦ ᐱᓕᕆᔾᔪᑎᐅᒋᐊᖃᖅᐸᒻᒪᑕ ᑲᒪᒋᔭᐅᑦᓯᐊᐸᓪᓗᑎᒃ, ᐊᒻᒪ ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᑦ (RCMP) ᐸᓖᓯᒃᑯᑦ ᑕᒻᒪᕈᓐᓇᕐᒪᑕ ᐅᔾᔨᕈᓲᑎᖃᓗᐊᕐᓂᒃᑯᑦ ᖃᐅᔨᒋᐊᑦᑕᐅᑎᒋᕙᓪᓗᑎᒃ ᑕᕝᕙᓴᐃᓐᓇᖅ ᐋᓐᓂᐊᔪᓕᕆᔨᓄᑦ ᖃᐅᔨᓴᖅᑕᐅᕙᓪᓗᑎᒃ ᑕᐃᒪᐃᑦᑐᓂᑦ ᐊᑐᖅᑐᖃᖅᑎᓪᓗᒍ, ᐊᒻᒪ ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᑦ (RCMP) ᐸᓖᓯᒃᑯᑦ ᖃᐅᔨᒪᒋᐊᖃᒻᒪᕆᑦᑐᑎᒃ ᐋᖓᔮᖅᑐᖃᖅᑎᓪᓗᒍ ᓴᖅᑭᔮᖅᑎᑦᓯᖏᑐᐃᓐᓇᕆᐊᖃᕐᒪᑕ ᓂᐊᖁᒃᑯᑦ ᐋᓐᓂᖅᑕᐅᓯᒪᔪᓂᑦ. |
ᐃᑲᔪᕐᓱᖅᑕᖅ |
ᐊᑐᖁᔭᖅ 16: ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᑦ (RCMP) ᐸᓖᓯᒃᑯᑦ ᐊᑐᐊᒐᓕᐅᕆᐊᓖᑦ ᑲᓇᑕᒥ, ᐱᓕᕆᕝᕕᖃᕐᕕᓐᓂ ᐊᒻᒪ ᐸᓖᓯᖃᕐᕕᓐᓂ, ᒪᓕᓪᓗᑎᒃ ᐱᑕᖃᕆᐊᖃᕐᓂᖏᓐᓂᑦ, ᐊᐅᓚᑦᓯᔾᔪᑎᑦᓴᓂᑦ ᐊᑭᓕᖅᑕᐅᔾᔪᑎᓂᑦ ᐱᓇᓱᐊᕈᑎᓂᑦ ᐃᖅᑲᖅᑐᐃᕕᒻᒥᑦ ᐊᒻᒪ ᒪᓕᒐᓕᕆᓂᒃᑰᖏᑦᑐᖅ ᐊᑭᓕᕐᓱᐃᑎᓂᑦ. |
ᐃᑲᔪᕐᓱᖅᑕᐅᖏᑦᑐᖅ |
ᒪᓕᑦᑐᒋᑦ ᓇᓗᓇᐃᕐᓯᒪᔪᑦ ᐅᕙᖓ ᑭᐅᔾᔪᑎᖏᓐᓂ ᓇᓂᔭᐅᔪᓄᑦ ᓈᓴᐅᑎᓖᑦ 33 ᐊᒻᒪ 34, ᐃᑲᔪᕐᓱᖏᑕᕋ ᖃᐅᔨᓴᖅᑏᑦ ᐊᑐᖁᓯᒪᔭᖓ ᓈᒻᒪᖏᒻᒪᑦ ᖃᓄᐃᒍᑎᐅᔪᓄᑦ.
| ᐊᑐᖁᔭᑦ | |
|---|---|
| ᐊᑐᖁᔭᖅ 17: ᐊᑐᐊᒐᐃᑦ ᖃᓄᖅ ᐊᐅᓚᑕᐅᒋᐊᖃᕐᒪᖔᑕ ᐊᑭᓕᖅᑕᐅᔾᔪᑎᓂᑦ ᐱᓇᓱᐊᕈᑎᐅᔪᑦ ᐃᖅᑲᖅᑐᐃᕕᒻᒥ ᐱᑕᖃᕆᐊᓕᐅᒐᓗᐊᑦ ᑎᑎᕋᕐᓯᒪᔪᓂᑦ ᓴᐳᒻᒥᑦᓯᔾᔪᑎᑦᓴᓂᑦ ᐅᓗᕆᐊᓇᖅᑐᒦᑐᐃᓐᓇᕆᐊᓕᓐᓂᑦ ᑭᒃᑯᑐᐃᓐᓇᕐᓂᒃ, ᐱᖃᓯᐅᔾᔭᐅᓗᓂ ᐊᑐᕆᐊᖃᖅᑎᑕᐅᔪᖅ ᑭᒃᑯᑐᐃᓐᓇᐃᑦ ᑕᑯᒋᐊᕐᓯᒪᖁᔭᐅᕙᓪᓗᑎᒃ ᒪᓕᒐᓕᕆᔨᓂᑦ ᐊᑎᓕᐅᓚᐅᖏᓐᓂᖏᓐᓂ ᐱᑎᑕᐅᔾᔪᑎᒥᑦ ᐊᖏᕈᑎᒥᑦ, ᐅᕝᕙᓘᓐᓃᑦ ᐅᖃᐅᓯᖃᕐᓗᑎᒃ ᐊᑐᕈᓐᓃᑎᑦᓯᓗᑎᒃ ᑖᑦᓱᒥᖓ ᐱᔪᓐᓇᐅᑎᒥᓂᒃ. ᐊᑐᐊᒐᐃᑦ ᐱᑕᖃᕆᐊᖃᕐᒥᔪᑦ ᑎᑎᕋᕐᓯᒪᔪᓂᑦ ᐱᓕᕆᔾᔪᑎᑦᓴᖏᓐᓂᑦ ᐊᐅᓚᑦᓯᔨᐅᔪᑦ ᐊᒻᒪ ᖃᐅᔨᓴᖅᑎᐅᔪᑦ ᓇᓗᓇᐃᕐᓯᒪᕙᓐᓂᒃᑯᑦ ᑭᒃᑯᑐᐃᓐᓇᐃᑦ ᑐᑭᓯᒪᑦᑎᐊᕆᐊᖃᕐᓂᖏᓐᓂᑦ ᐅᐸᓗᖓᐃᔭᐅᑎᒥᑦ ᐊᒻᒪ ᑕᐃᒎᓯᐅᔪᑦ ᑎᑎᕋᕐᓯᒪᔪᑦ ᐱᑎᑕᐅᔾᔪᑎᐅᖁᔭᐅᔪᓂ. | ᐃᑲᔪᕐᓱᖅᑕᐅᖏᑦᑐᖅ |
ᖃᐅᔨᓴᖅᑏᑦ ᐊᑐᖁᔨᓯᒪᔭᖓ ᐊᔾᔨᖃᐸᓗᑦᓯᐊᖅᑐᑦ ᐊᑐᖁᔨᓯᒪᔪᒥᑦ ᓈᓴᐅᑎᓕᒻᒥᑦ 16. ᐱᔾᔪᑎᒋᓪᓗᒍ ᑭᐅᔾᔪᑎᒐ ᓇᓂᔭᐅᔪᓄᑦ ᓈᓴᐅᑎᓖᑦ 33 ᐊᒻᒪ 34, ᐃᑲᔪᕐᓱᖏᑕᒃᑲ ᖃᐅᔨᓴᖅᑏᑦ ᐊᑐᖅᑕᐅᖁᔭᖏᑦ.
| ᐊᑐᖁᔭᑦ | |
|---|---|
ᐊᑐᖁᔭᖅ 18: ᐱᓕᒻᒪᑦᓴᐃᑎᑦᓴᓂᑦ ᐋᖅᑭᑦᓱᐃᒋᐊᓖᑦ ᐊᒻᒪ ᐱᒋᐊᖅᑎᑕᐅᓗᑎᒃ ᐃᖅᑲᓇᐃᔭᖅᑎᓄᑦ ᐱᓕᕆᐊᖃᖅᐸᑦᑐᓄᑦ ᐊᑭᓕᖅᑕᐅᔾᔪᑎᑦᓴᓂᑦ ᐊᐅᓚᑦᓯᓪᓗᑎᒃ. |
ᐃᑲᔪᕐᓱᖅᑕᖅ |
ᑲᓇᑕᒥ ᐊᑭᓕᖅᑕᐅᓇᓱᐊᕈᑎᓂᑦ ᐃᖅᑲᖅᑐᐃᕕᒃᑯᑦ ᐊᑐᐊᒐᓕᕆᓂᕐᒥᑦ ᑐᖕᖓᕕᒃ (NCPC) ᐃᓱᒪᒋᔭᒥᓂᒃ ᐅᖃᐅᓯᖃᓚᐅᖅᑐᑦ ᐊᑑᑎᖃᖅᑐᓂᑦ ᖃᐅᔨᓴᖅᑎᓄᑦ ᖃᐅᔨᔭᐅᔪᒥᑦ. ᑭᐅᔾᔪᑎᖏᓐᓂ, ᑲᓇᑕᒥ ᐊᑭᓕᖅᑕᐅᓇᓱᐊᕈᑎᓂᑦ ᐃᖅᑲᖅᑐᐃᕕᒃᑯᑦ ᐊᑐᐊᒐᓕᕆᓂᕐᒥᑦ ᑐᖕᖓᕕᒃ (NCPC) ᐅᖃᓚᐅᖅᑐᑦ ᐃᑲᔪᕐᓱᐃᖏᒻᒪᑕ ᐊᑐᐊᒐᕐᓂᑦ ᓴᖅᑮᑲᓐᓂᖁᔨᔪᓂᑦ ᑭᓯᐊᓂ ᐊᖏᖃᑎᖃᓚᐅᖅᑐᑦ ᐊᑑᑎᖃᕋᔭᕐᓂᖏᓐᓂᑦ ᐱᓕᒻᒪᓴᖅᑕᐅᓐᓂᕈᑎᒃ ᖃᓄᑭᐊᖅ.
ᐅᖃᐅᔾᔪᐃᔪᓐᓇᖅᑐᖓ ᖃᐅᔨᓴᖅᑏᑦ ᐃᖅᑲᖅᑐᐃᕕᒃᑰᕈᑎᓂᑦ ᐱᓕᒻᒪᑦᓴᐅᑏᑦ ᐱᒋᐊᓚᐅᕐᒪᑕ 2022 ᕈᐊᐃᐅᓐ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᑦ ᐊᑭᓕᖅᑕᐅᓇᓱᐊᕈᑎᓂᑦ ᖃᐅᔨᓴᖅᑎᖏᓐᓄᑦ ᐊᒻᒪ ᐊᑭᓕᖅᑕᐅᓇᓱᐊᕈᑎᓂᑦ ᐊᐅᓚᑦᓯᔨᖏᓐᓄᑦ. ᐱᓕᒻᒪᑦᓴᐅᑎᓂᑦ ᐸᕐᓇᑕᐅᔪᑦ ᐊᑐᖅᑕᐅᑲᓐᓂᐸᓪᓗᑎᒃ, ᐊᒻᒪ ᐃᓚᒋᐊᖅᑕᐅᓗᑎᒃ ᐱᖃᓯᐅᔾᔭᐅᓯᒪᓕᕐᓗᑎᒃ ᐊᔾᔨᒌᖏᑦᑐᑦ ᓱᓇᑐᐃᓐᓇᐃᑦ. ᐱᓕᒻᒪᑦᓴᐅᑎᑦᓴᑦ ᐊᓯᔾᔨᖅᑕᐅᓛᖅᑐᑦ ᐱᖃᓯᐅᔾᔭᐅᖁᓪᓗᒍ ᑎᑎᕋᕐᓯᒪᔪᑦ ᐱᔾᔪᑎᖃᖅᑐᑦ ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐋᔩᖃᑎᖃᕐᓂᕐᒥᑦ ᐅᓗᕆᐊᓇᖅᑐᒦᑐᐃᓐᓇᕆᐊᓕᓐᓂᑦ ᐊᑭᓕᖅᑕᐅᓇᓱᐊᖅᑐᓂᑦ ᐊᒻᒪ ᐅᓗᕆᐊᓇᒃᑲᓐᓂᕈᓐᓇᖅᑐᖅ ᐊᑦᑐᐊᓂᓕᒃ ᑕᒪᒃᑯᓂᖓ ᐊᑭᓕᖅᑕᐅᓇᓱᐊᕈᑎᓂᑦ.
ᑲᓇᑕᒥ ᐊᑲᐅᖏᓕᐅᕈᑎᓂᑦ (NCPD) ᐱᓕᕆᖃᑎᖃᖅᑐᑦ ᐱᓕᕆᕝᕕᓐᓂᑦ ᐊᑭᓕᖅᑕᐅᓇᓱᐊᕈᑎᐅᔪᓂᑦ ᑲᓇᑕᒥ ᓇᒥᑐᐃᓐᓇᖅ, ᐊᒻᒪ ᑐᑭᓯᒋᐊᖅᐸᑦᑐᑎᒃ ᒪᓕᒐᓕᕆᓂᕐᒥᑦ ᐱᔨᑦᓯᕋᖅᑎᓂᑦ ᐋᖅᑭᑦᓱᐃᓂᕐᒥᑦ ᐱᔾᔪᓯᒍᑦ ᐅᖃᐅᓯᓕᕆᓂᕐᒥᑦ ᑭᒃᑯᑐᐃᓐᓇᕐᓂᑦ ᑐᓴᐅᒪᑎᑦᓯᔾᔪᑎᑦᓴᓂᑦ ᐊᑦᑐᐊᔪᓂᑦ ᐊᑭᓕᖅᑕᐅᓇᓱᐊᕈᑎᓂᑦ. ᒪᓕᒐᓕᕆᔪᓂᑦ ᐱᓕᒻᒪᑦᓴᐅᑎᐅᔪᑦ ᐊᑐᖅᑕᐅᓯᒪᓕᖅᑐᑦ ᐊᒻᒪ ᑲᔪᓯᔭᐅᕙᓪᓕᐊᓗᑎᒃ ᐊᒻᒪ ᐊᔪᕐᓇᖏᓐᓂᖏᒍᑦ ᑐᓴᐅᒪᐅᑎᓕᕆᔪᑦ ᐊᒻᒪ ᐋᔩᕈᑎᐅᕙᓪᓕᐊᔪᑦ ᐃᓚᒋᔭᐅᓗᑎᒃ ᑭᒃᑯᑐᐃᓐᓇᐃᑦ ᐊᒻᒪ ᐱᓪᓗᐊᑕᐅᔪᑦ ᓄᓇᓕᕐᒥᐅᑕᐃᑦ ᐅᖃᐅᓯᐅᕙᓪᓕᐊᓕᖅᑐᑎᒃ.
ᐊᒻᒪᑦᑕᐅᖅ, ᑲᓇᑕᒥ ᐱᓕᕆᔾᔪᑏᑦ ᐱᔾᔪᓯᐅᔪᑦ (NPS) ᐊᑭᓕᖅᑕᐅᓇᓱᐊᕈᑎᓂᑦ ᖃᐅᔨᓴᖅᑎᓄᑦ ᑎᑎᕋᖅᑕᐅᑲᓐᓂᖅᑐᑦ ᐊᓯᔾᔨᕈᓐᓇᖅᑐᑎᒃ ᓱᓕ ᐊᒻᒪ ᐱᖃᓯᐅᔾᔨᓯᒪᓂᐊᖅᑐᑎᒃ ᐃᓚᖏᓐᓂᑦ ᐊᑐᕆᐊᓕᓐᓂᑦ ᑐᓴᐅᒪᐅᑎᓕᕆᓂᕐᒨᖓᔪᓂᑦ ᐃᓚᒋᔭᐅᕙᓪᓗᑎᒃ ᑭᒃᑯᑐᐃᓐᓇᐃᑦ. ᑕᒪᓐᓇ ᑎᑎᕋᕐᓯᒪᔪᑦ ᑲᓇᑕᒥ ᐱᓕᕆᔾᔪᑏᑦ ᐱᔾᔪᓯᒍᑦ (NPS) ᐅᐸᓗᖓᐃᔭᖅᑕᐅᓛᖅᑐᑦ ᐊᒻᒪ ᐱᔭᕇᖅᑕᐅᓗᑎᒃ ᑐᑭᓯᒋᐊᕐᕕᐅᓗᑎᒃ ᕈᐊᐃᐅᓐ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᑦ ᒪᓕᒐᓕᕆᓂᕐᒥᑦ ᐱᔨᑦᓯᕋᖅᑎᖏᑦ.
| ᐊᑐᖁᔭᑦ | |
|---|---|
ᐊᑐᖁᔭᖅ 19: ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᑦ ᖃᐅᔨᓴᕆᐊᓖᑦ ᖃᓄᑎᒋ ᐊᔾᔨᒌᓐᓂᖃᕐᒪᖔᑕ ᐊᔾᔨᒌᖏᓐᓂᖃᕐᒪᖔᑕᓗ ᐱᓕᕆᔾᔪᑎᐅᕙᑦᑐᑦ ᐊᒻᒪ ᑮᓇᐅᔭᐅᕙᑦᑐᑦ ᑎᒍᔭᐅᒪᕕᖏᓐᓄᑦ ᓄᓇᕘᒥ ᓴᓂᖏᓐᓂ ᐊᔾᔨᖏᑕ ᑎᒍᔭᐅᒪᕕᐅᕙᑦᑐᑦ ᐊᓯᖏᓐᓂ ᓄᓇᓕᖃᕐᕕᐅᔪᓂ ᐊᒻᒪ ᑐᓴᐅᒪᑎᑕᐅᒐᔭᕐᓗᑎᒃ ᑕᒪᒃᑯᓂᖓ ᖃᐅᔨᓴᐅᑎᒥᓂᕐᓂᒃ ᖃᐅᔨᓴᖅᑏᑦ. |
ᐃᑲᔪᕐᓱᖅᑕᐅᖏᑦᑐᖅ |
ᓯᕗᓪᓕᕐᒥ, ᐱᓕᕆᕝᕕᑕᖃᖏᑦᑐᖅ ᐊᔾᔨᐸᓗᖏᓐᓂᑦ ᖃᓄᐃᓕᖓᒍᑎᐅᔪᓂᑦ "V" ᐱᓕᕆᕝᕕᒻᒥ ᖃᓄᖅ ᐊᔾᔨᒌᓐᓂᖃᕐᒪᖔᑕ ᐊᔾᔨᒌᖏᓐᓂᖃᕐᒪᖔᑕ ᖃᐅᔨᓴᖅᑕᐅᒍᓐᓇᖅᑐᓂᑦ ᐊᓯᖏᓐᓂᑦ ᑎᒍᔭᐅᒪᕕᓐᓂᑦ ᓯᓚᑖᓃᑦᑐᓂᑦ "V" ᐱᓕᕆᕝᕕᐅᑉ ᐊᑑᑎᖃᑦᓯᐊᕈᓐᓇᐅᑎᓂᑦ. "V" ᐱᓕᕆᕝᕕᑐᐊᖑᔪᖅ ᐃᓘᓐᓇᑦᓯᐊᑎᒃ ᐃᓂᒋᔭᐅᔪᑦ ᐱᖃᓯᐅᔾᔭᐅᓗᑎᒃ ᑐᖕᖓᕕᖓᑦ ᐱᓕᕆᕝᕕᐅᔪᑦ ᐅᐸᑦᑕᐅᔪᓐᓇᖅᑐᑎᒃ ᑭᓯᐊᓂ ᖃᖓᑕᓲᒃᑯᑦ. ᑕᑯᓐᓇᖕᖑᐊᖅᑕᐅᖁᓪᓗᒍ, ᖃᖓᑕᓂᐊᖅᑐᓂ ᐃᖃᓗᓐᓄᑦ, ᐱᖓᓱᓄᑦ (3) ᐃᑲᕐᕋᓄᑦ ᖃᖓᑕᒋᐊᖑᔪᖅ ᑮᓇᐅᔭᐃᔭᐅᑎᒃᑯᑦ 737 ᖃᖓᑕᓲᖅ, ᐊᔾᔨᑐᐃᓐᓇᖓ ᖃᓄᑎᒋ ᐃᖏᕐᕋᕙᓐᓂᖏᓐᓂᑦ ᐋᑐᕚᒥᑦ ᐅᕝᕙᓘᓐᓃᑦ ᑐᕌᓐᑐᒥᑦ ᕗᓗᐊᕆᑕᒧᑦ. ᓄᓇᕗᑦ ᐱᖓᓱᓂᑦ ᓯᕿᖕᖑᔭᐅᑎᖃᕐᒪᑦ, ᐊᒻᒪ ᐃᖃᓗᓐᓃᖔᖅᑐᓂ ᐱᖓᓐᓇᒧᑦ ᓄᓇᓕᓐᓄᑦ ᓄᓇᕘᒥ ᐊᔾᔨᐸᓗᑦᓯᐊᕆᔭᖓ ᖃᖓᑕᓲᖅᑐᓂ ᒪᓇᑐᕆᐊᒥᑦ ᐃᐊᑦᒪᓐᑕᓐᒧᑦ. ᓄᓇᕘᑉ ᐊᖏᔪᖅᑳᖃᕐᕕᖓᓅᓚᐅᖅᑎᓪᓗᒋᑦ, ᓄᓇᓕᓐᓅᕋᓱᑉᐸᑦᑐᑦ ᐅᖓᓯᑦᑐᒧᑦ ᐱᖓᓐᓇᒨᓕᖅᑐᑎᒃ ᐊᖏᔪᖅᑳᖃᕐᕕᒻᒥᑦ, ᑭᓯᐊᓂ ᔨᐊᓗᓇᐃᒨᓚᐅᕐᓗᓂ, ᐅᓐᓄᐊᒥᑦ ᐊᑕᐅᓯᕐᒥᑦ ᓯᓂᑦᑕᖅᑐᓂ ᐊᒻᒪ ᖃᖓᑕᓕᖅᑐᓂ ᖃᐅᑎᓪᓗᒍ ᓄᓇᓕᒻᒧᑦ (ᓐᓄᑦ) ᖃᖓᑕᓲᒃᑯᑦ ᐃᒫᓄᑦ ᒥᓲᒧᑦ (ATR ᖃᖓᑕᓲᖅ) ᐃᓚᖏᓐᓄᑦ, ᐃᓘᓐᓇᖏᓐᓅᖏᑉᐸᑦ. ᑕᒪᓐᓇ ᐊᑐᖅᑕᐅᔪᖅ ᐊᑐᖅᑕᐅᕙᖏᓯᐊᖅᑐᖅ ᐊᒥᖏᓐᓂ ᐱᓕᕆᕝᕕᐅᔪᓂ ᐊᒻᒪ ᑐᕌᓪᓚᕆᑦᑐᓂ ᐊᑦᑐᐃᓯᒪᕙᑦᑐᑦ ᐱᓕᕆᔾᔪᑎᑦᓴᓄᑦ ᐃᑲᔫᑎᑦᓴᓂᑦ.
ᐊᒻᒪᑦᑕᐅᖅ, ᓄᓇᕘᑦ ᓵᖕᖓᐃᓇᖅᑐᑦ ᐃᓪᓗᑭᑦᓴᓂᒻᒪᕆᐅᔪᓂᑦ ᓄᓇᕘᓕᒫᒥ. ᕈᐊᐃᐅᓐ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᑦ ᓵᖕᖓᕙᑦᑐᑦ ᐊᖏᔪᑲᓪᓚᓐᓂᒃ ᐊᑦᓱᕉᑎᐅᔪᓂᑦ ᐃᓪᓗᓕᕆᓂᒃᑯᑦ ᐱᔾᔪᑎᒋᓪᓗᒋᑦ ᓇᒧᑐᐃᓐᓇᖅ ᐊᖅᑯᑎᖃᖏᓐᓂᑦ ᓄᓇᓕᐅᔪᑦ ᐊᑐᐃᓐᓇᐅᑦᑕᐅᑎᒋᔪᓂᑦ. ᐃᖃᓗᓐᓂᐅᒐᓗᐊᖅ, ᐊᖏᔪᖅᑳᖃᕐᕕᒻᒥ ᐊᒻᒪ ᐊᖏᓛᖓᓐᓂ ᓄᓇᓕᐸᐅᔭᓂ ᓄᓇᕘᒥ, ᑕᑯᑦᓴᓂᑦ ᐊᕝᕕᐊᕈᑎᖃᐅᖅᑐᑦ ᐱᓇᓱᐊᕐᓂᕐᒥᑦ ᓄᓇᓂᑦ ᐃᓪᓗᓕᐅᕐᕕᑦᓴᓂᑦ ᐃᓚᒋᔭᐅᔪᓄᑦ. "V" ᐱᓕᕆᕝᕕᒻᒥᐅᑕᐃᑦ ᐸᐃᑉᐹᓕᕆᔨᖏᑦ ᐊᒻᒪ ᐃᖅᑲᓇᐃᔭᖅᑎᓂᑦ ᑲᒪᔨ ᐅᖃᐅᔾᔪᐃᕙᑦᑐᖅ ᐊᓯᖏᓐᓂᑦ ᓄᓇᓕᖃᕐᕕᓐᓂᑦ ᐅᑭᐅᖅᑕᖅᑐᒥ ᐅᕝᕙᓘᓐᓃᑦ ᓂᒋᕐᓂ ᑲᓇᑕᒥ ᓵᖕᖓᔪᖃᖏᑦᑐᖅ ᐊᔾᔨᖏᓐᓂᑦ ᐃᓪᓗᑭᑦᓴᓂᕐᒥᑦ ᑕᐃᒪᐃᒻᒪᑕ ᓄᓇᕘᒥ. ᐃᓪᓗᑦᓴᓂᑦ ᐊᑐᐃᓐᓇᖃᖏᒃᑯᑎᒃ ᐃᓚᒋᔭᐅᔪᑦ, ᐊᔪᕐᓇᓯᐊᖅᑐᖅ ᐃᓚᓯᓇᓱᒋᐊᑦᓴᖅ ᐃᖅᑲᓇᐃᔭᖅᑎᑦᓴᓂᑦ ᑎᒍᔭᐅᒪᕕᓐᓄᑦ. ᓱᓇᒃᑯᑖᑦᓴᓂᑦ ᐃᓪᓗᓕᐅᕈᑎᑦᓴᓂᑦ, ᓱᓇᒃᑯᑖᑦᓴᑦ ᑎᑭᒋᐊᖃᖅᐸᑦᑐᑦ ᐅᒥᐊᕐᔪᐊᒃᑯᑦ ᐅᓯᓚᐅᓗᑎᒃ, ᐊᒻᒪ ᑕᐃᒪᐃᒍᓐᓇᐸᑦᑐᑎᒃ ᑭᓯᐊᓂ ᓯᑯᖃᓗᐊᖏᑐᐊᖅᐸᑦ. ᓄᓇᓕᐅᔪᑦ ᒪᕐᕈᐊᖅᑎᑐᐃᓐᓇᖅᑐᑎᒃ (2) ᐅᒥᐊᕐᔪᐊᒃᑰᐸᑦᑐᓂᑦ ᓱᓇᒃᑯᑖᖅᑖᐸᑦᑐᑦ, ᖃᐅᔨᒪᔭᐅᔪᓂᑦ ᐅᒥᐊᕐᔪᐊᒃᑰᖅᑐᑦ ᐅᕝᕙᓘᓐᓃᑦ ᐅᓯᔭᐅᔪᑦᓴᓂᑦ ᐊᖏᔪᑲᓪᓚᓐᓂᒃ ᐊᕐᕌᒍᒧᑦ. ᖃᖓᑕᓲᒃᑰᑎᑦᓯᒋᐊᑦᓴᖅ ᓱᓇᒃᑯᑖᑦᓴᓂᑦ ᐊᔪᕐᓇᖏᑦᑐᖅ ᑭᓯᐊᓂ ᐊᑭᓕᕆᐊᓕᒃᑯᑦ ᐊᑐᕋᑦᓴᐅᖏᑦᑐᑦ.
ᖃᐅᔨᓴᖅᑎᓄᑦ ᖁᔭᒋᔭᐅᒐᔭᖅᑐᑦᓴᐅᔪᖅ, ᐱᓕᕆᔾᔪᑎᓕᕆᓂᐅᔪᖅ ᐃᓱᒫᓘᑎᐅᕙᖏᑦᑐᖅ ᓂᒋᕐᒥᐅᑕᓄᑦ ᑎᒍᔭᐅᒪᕕᓐᓄᑦ ᐱᓕᕆᕝᕕᓐᓄᑦ ᓯᕗᓪᓕᐹᓪᓚᕆᐅᕙᒻᒪᑕ ᐱᔾᔪᑎᐅᔪᓂ ᐊᕝᕕᐊᕈᑎᒻᒪᕆᐅᓗᑎᒃ ᐃᖅᑲᓇᐃᔭᖅᑎᑖᕋᓱᓐᓂᒃᑯᑦ ᑎᒍᔭᐅᒪᕕᓐᓄᑦ ᐊᑐᖅᐸᑦᑕᖏᑎᒍᑦ ᑭᖕᖓᐃᑦ. ᐊᓯᐊ ᐆᑦᑑᑎᐅᔪᓐᓇᖅᑐᖅ ᑕᒪᒃᑯᓂᖓ ᐊᑦᓱᕉᑎᐅᔪᓂᑦ ᐃᓚᒋᔭᐅᔪᑦ ᓂᐅᕕᕆᐊᖃᖅᐸᒻᒪᑕ ᓂᕿᓂᑦ ᐊᒻᒪ ᐊᓯᖏᓐᓂᑦ ᓱᓇᒃᑯᑖᑦᓴᖏᓐᓂᑦ ᐊᕐᕌᒎᑉ ᐊᑕᐅᓯᐅᑉ (1) ᓯᕗᓂᑐᖃᖓᓂ ᓱᓇᒃᑯᑖᑦ ᑎᑭᓵᖑᓂᐊᖅᑐᑦ ᑎᑭᒋᐊᖃᖅᐸᒻᒪᑕ ᐅᒥᐊᕐᔪᐊᒃᑯᑦ ᒪᕐᕈᐊᑎᖅᑐᑎᒃ (2) ᐊᕐᕌᒎᑉ ᐃᓗᐊᓂ. ᓴᓇᔭᐅᒋᐊᓖᑦ ᐊᒻᒪ ᒪᑭᒪᑎᑕᐅᒋᐊᓖᑦ ᐸᓖᓯᓄᑦ ᐃᓪᓗᐃᑦ, ᓄᓇᒃᑰᔫᑦ ᐊᒻᒪ ᑎᒍᔭᐅᒪᕕᐅᔪᑦ ᐃᓪᓗᐃᑦ ᐊᑭᑦᑐᕈᓐᓇᑐᒻᒪᕆᐅᒻᒪᑕ ᐊᒻᒪ ᐱᓕᕆᐊᒍᕙᒐᑎᒃ ᑕᕝᕙᓴᐃᓐᓇᖅ ᐱᔾᔪᑎᐅᓗᑎᒃ ᐱᑕᖃᖅᐸᖏᓐᓂᖏᑦ ᓴᓇᔨᐅᔪᑦ ᓴᓇᒋᐊᓕᓐᓂᑦ ᐊᒻᒪ/ᐅᕝᕙᓘᓐᓃᑦ ᑭᐅᕝᕕᐅᑎᑦᓴᓂᑦ ᐃᓚᑦᓴᓂᑦ.
ᑐᓪᓕᐊ, ᑲᔪᓯᑦᓯᐊᖅᑐᒥᑦ ᐃᓗᓕᖏᓐᓂᑦ ᐊᓯᖏᓐᓂᑦ ᖃᓄᖅ ᐊᔾᔨᓱᕐᓗᑎᒃ ᖃᐅᔨᓴᕐᓂᕐᒥᑦ ᐊᐅᓚᑦᓯᒍᓐᓇᕋᓗᐊᕈᑎᒃ, ᐃᓱᒪᔪᖓ ᓈᒻᒪᖏᒻᒪᑦ ᕈᐊᐃᐅᓐ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᓐᓄᑦ ᐊᐅᓚᑕᐅᓐᓂᕈᓂ. ᖃᐅᔨᓴᕐᓂᐅᔪᖅ ᒪᑐᐃᖓᑦᓯᐊᕐᓂᐊᕈᓂ, ᐊᔾᔨᒌᑎᑦᓯᓗᑎᒃ, ᐊᒻᒪ ᓯᕐᓈᕐᓂᐅᔪᓂᑦ ᐱᑕᖃᖏᓯᐊᕐᓗᑎᒃ, ᐊᑲᐅᓂᕐᓴᐅᒐᔭᖅᑐᖅ ᖃᐅᔨᓴᖅᑏᑦ ᓇᓗᓇᐃᔭᐃᒍᑎᒃ ᐱᓕᕆᔾᔪᑎᑦᓴᒥᓂᒃ ᐊᒻᒪ ᓂᕈᐊᒐᖃᕐᓗᑎᒃ ᐊᓯᖏᓐᓂᑦ ᖃᓄᖅ ᐊᔾᔨᒌᖏᓐᓂᖃᕐᒪᖔᑕ ᐊᔾᔨᒌᓐᓂᖃᕐᒪᖔᑕ ᖃᐅᔨᓴᕋᑦᓴᓂᑦ ᑎᒍᔭᐅᒪᕕᓐᓂᑦ. ᕈᐊᐃᐅᓐ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᑦ, ᐅᐱᓐᓇᕋᓂ, ᐃᑲᔪᕈᒪᑐᐃᓐᓇᕋᔭᖅᑐᑦ ᖃᐅᔨᓴᖅᑎᓂᑦ ᖃᐅᔨᓴᖅᑎᓪᓗᒋᑦ ᐊᑐᐃᓐᓇᕈᐃᓗᑎᒃ ᐊᑑᑎᓕᓐᓂᑦ ᑮᓇᐅᔭᑎᒍᑦ ᐅᕝᕙᓘᓐᓃᑦ ᐃᖅᑲᓇᐃᔭᖅᑎᒃᑯᑦ ᑐᑭᓯᒋᐊᕈᑎᓂᑦ ᐱᓯᒪᔭᖏᓐᓂᑦ ᓇᓗᓇᐃᖅᑕᐅᓯᒪᔪᓄᑦ ᑎᒍᔭᐅᒪᕕᒻᒧᑦ (ᓄᑦ). ᐅᕙᖓ ᑕᑯᓐᓇᖅᑕᖓᒍᑦ, ᐱᓪᓗᒍ ᖃᐅᔨᓴᖅᑏᑦ ᐃᓱᒪᒋᔭᖏᑦ "ᐱᑕᖃᑐᐃᓐᓇᕆᐊᖃᕐᓂᖓᓄᑦ ᐱᓕᕆᔾᔪᑎᒍᑦ ᐃᓚᐃᓐᓈᕐᓂᐅᔪᒥᑦ ᐊᑐᖅᑕᐅᔪᓂᑦ" ᖃᐅᔨᓴᖅᑏᑦ ᐃᓱᒪᒋᓕᓚᐅᖅᑕᖓᑦ ᑕᒪᓐᓇ ᐱᓪᓗᒍ ᒪᓕᑦᑕᐅᒋᐊᓕᒃ ᓇᓗᓇᐃᔭᐃᑎᐅᔪᑦ ᐱᓪᓗᒋᑦ ᖃᐅᔨᔭᐅᓚᐅᖅᑐᑦ ᖃᐅᔨᓴᖅᑎᓪᓗᒋᑦ, ᐃᑲᔪᖅᑕᐅᓗᑎᒃ ᕈᐊᐃᐅᓐ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᓐᓄᑦ ᐃᑲᔪᕆᐊᖃᕐᓂᖏᒍᑦ.
| ᐊᑐᖁᔭᑦ | |
|---|---|
| ᐊᑐᖁᔭᖅ 20: ᕈᐊᐃᐅᓪ ᑲᓇᐃᑎᐊᓐ ᒪᐅᓐᑕᑦ ᐸᓖᔅ (RCMP) ᐸᓖᓯᒃᑯᑦ ᒫᓐᓇᑲᐅᑎᒋ ᐅᖃᖃᑎᖃᕆᐊᖃᓕᖅᑐᑦ ᒐᕙᒪᒃᑯᓐᓂᑦ ᓄᓇᕘᒥ ᐊᒻᒪ ᐊᓯᖏᓐᓂᑦ ᑲᑐᔾᔨᖃᑕᐅᕙᑦᑐᓂᑦ ᓇᓗᓇᐃᕐᓯᒪᓇᓱᐊᕐᓗᑎᒃ ᓈᒻᒪᑦᑐᓂᑦ ᐱᓕᕆᔾᔪᑎᖃᖅᐸᒃᑲᓗᐊᕐᒪᖔᑕ ᐊᒻᒪ ᑮᓇᐅᔭᓂᑦ ᓄᓇᕘᒥ ᑎᒍᔭᐅᒪᕕᐅᔪᑦ ᓈᒻᒪᑦᑐᓂᑦ ᐱᔨᑦᓯᕋᖅᐸᓂᐊᕐᒪᑕ ᑭᖕᖓᐃᑦ ᑎᒍᔭᐅᒪᕕᖏᓐᓂ ᐊᒻᒪ ᐊᓯᖏᓐᓂ ᓄᓇᕘᒥ ᑎᒍᔭᐅᒪᕕᖃᕐᕕᓐᓂ ᓵᖕᖓᕙᒻᒥᔪᓂᑦ ᐊᔾᔨᐸᓗᖏᓐᓂᑦ ᖃᓄᐃᓕᖓᒍᑎᐅᔪᓂᑦ. | ᐃᑲᔪᕐᓱᖅᑕᖅ |
ᑭᐅᔾᔪᑎᒐ ᑕᒪᓐᓇ ᐱᓪᓗᒍ ᑎᑭᓯᒪᓕᖅᑐᖅ ᑕᖅᑭᓂᑦ ᐱᖓᓲᔪᖅᑐᓂᑦ (6) ᐱᔨᑦᓯᕋᐅᑎᒍᑦ ᐱᔾᔪᓯᐅᔪᒥᑦ ᐊᖏᕈᑎᐅᓯᒪᔪᒥᑦ ᐅᕙᒍᑦ ᑎᑎᖅᑲᖓᓐᓂ ᑐᑭᓯᐅᒪᖃᑦᑕᐅᑎᓂᕐᒥᑦ.
ᓂᕆᐅᒋᓂᐊᖅᐸᒃᑲ ᑭᖑᓪᓕᖅᐹᕐᓯᐅᑎᐅᔪᑦ ᐅᓂᒃᑳᓕᐊᑦᓴᓯ ᑕᒪᓐᓇ ᐱᓪᓗᒍ.
ᑐᖕᖓᓇᕐᓂᒃᑯᑦ,
ᐳᕆᐊᓐᑕ ᓚᑭ
ᑲᒥᓯᓇ
- Date modified: